Kanci muzeyi və kitabxanası

Kanci muzeyi — 5 iyul 2016-cı ildə Yaponiyanın Kioto prefekturasında istifadəyə verilən muzey və kitabxana.

Kanci muzeyi və kitabxanası
漢検 漢字博物館・図書館
Əsası qoyulub	aprel 2014
Açılış tarixi	29 iyun 2016
Mövzu	kanci
Ölkə	Yaponiya
Yerləşir	Hiqaşiyama rayonu[d]
35°00′12″ şm. e. 135°46′36″ ş. u.
kanjimuseum.kyoto
Vikianbarda əlaqəli mediafayllar

Haqqında

Gion rayonu kənarında yerləşən Kanci muzeyi və kitabxanası əsasən ibtidai, orta məktəb şagirdləri və onların ailələrinin maraqlarını qarşılamağa yönəlib. Lakin xarici qonaqlar da diqqət mərkəzindədir.

Muzeyin mərkəzində "50.000 Kanci qalası" ucalır. Hündürlüyü 7,8 m olan qüllənin üzərindəki kancilər Morohaşi Tetsuci`nin "Dai kan va citen" lüğətini hərtərəfli əhatə edir. Burada kancilər nə qədər çox işlənməsindən asılı olaraq, müxtəlif ölçü və rənglərdə göstərilib. Ən görürünür yerdə cazibədar rənglərlə yazılanlar Yaponiyada ibtidaidən ali məktəbə qədər dərsliklərdə keçilənlərdir.

Muzeyin birinci mərtəbəsində kancinin tarixini öyrənməyə kömək edən monitorlar var. Burada ilk dəfə Çində yaranan tısbağa zirehi üzərində həkk olunan heroqlifləri (fala baxmaq zamanı istifadə olunan) görmək olar (5-ci əsrin əvvəllərində Yaponiya gəlib).

Həmçinin, burada muzeyə gələnlər əsrlər ərzində kancilərin necə yazıldığını (quruluşu və yazılma texnikasını) əyani görə və özləri də qum üzərində yaza bilərlər.

İkinci mərtəbə müxtəlif mövzulu oyunlara həsr olunub. Təbii ki, burada da kancilər əsas meyar olaraq qalır. Məsələn, bu mərtəbə suşi sevərlərə sevimli balıq adlarnın necə yazıldığını xatırlamaq və ya üzərində balıq adlarının yazıldığı nəhəng fincanla (həmin fincanın normal ölçüdə variantı da geniş yayılıb) xatirə şəkli çəkdirmək imkanı yaradır. Eləcə də, muzeydə yoci yukugo (dörd xarakterli ifadələr) və bir (tək) simvolun müxtəlif oxunuşlarını xatırladan bilgi ounlarından həm öyrənmək, həm də zövq almaq mümkündür.

Burada Yaponiyada yaradılan kokuci xarakterləri də nümayiş olunur.

Muzey Kanci Kentei testlərini və illik kanci səsverməsinin sponsorlarını idarə edən "Japan Kanji Aptitude Testing Foundation"a aiddir.

ABŞ və İngiltərə kimi ölkələrdə uşaqlar heroqlifləri xatırlamaq üçün iki mərhələli üsuldan istifadə edirlər. Əvvəlcə simvolun – kancinin mahiyyətini öyrənir əzbərləyir, daha sonra mövcud bilgilərinə əsasən səslənməni müəyyənləşdirirlər.

İş qrafiki

Kanci Muzeyi və Kitabxanası bazar ertəsi iş günü olmamaq şərtilə saat 9:30-dan 17:00-dək işləyir. Böyüklər üçün giriş 800 yen, tələbələr və yuxarı sinif şagirdlər üşün 500 yen, ibtidai və orta məktəb şagirdləri üçün isə 300 yendir. Məktəbəqədər yaşlı uşaqlar, əlillər üçün pulsuzdur. Muzeyin yalnız yapon dilində saytı fəaliyyət göstərir.

Xarici keçidlər

• kanjimuseum.kyoto — Rəsmi saytı