Karl Sandberq

KARL SANDBERQ
KARL SANDBERQ
Doğum tarixi	6 yanvar 1878
Doğum yeri	Heylsberq, İllinoys, ABŞ
Vəfat tarixi	22 iyul, 1967
Vəfat yeri	Flet-Rok, Şimali Karolina, ABŞ
Fəaliyyəti	şair, musiqişünas, tarixçi, romançı, yazıçı, ssenarist, jurnalist, bioqraf, sindikatçı[d], uşaq ədəbiyyatı yazıçısı
Üzvlüyü	Amerika İncəsənət və Ədəbiyyat Akademiyası[d];
	Vikianbarda əlaqəli mediafayllar

Karl Sandberq – amerikalı şair.

Həyatı

Karl Sandberq "Çikaqo haqqında şeirlər" (1916), "Taxıldöyənlər" (1918), "Tüstü və polad" (1920) toplularında sosial mövzular mühüm yer tutur. "Bəli, xalq" (1936) poeması sol qüvvələrə rəğbətlə yazılmışdır. Sərbəst şerin tanınmış nümayəndələrindəndir: "Amerika nəğmələri kitab" (1927), A. Linkolnun tərcümeyi-halına dair əsəri (c. 1-6, 1926-39), "Xatirələr qayası" (1948) roman, "Bal və duz" (1963) fəlsəfi şerlər toplusu var.

1913-cü ildən Çikaqodakı "System" jurnalının redaktoru olmuşdur. Bütün şeirlərinin toplusu 1951-ci ildə işıq üzü görmüşdür. O, 1967-ci ildə vəfat edib.

Yaradıcılığı

XXX

Məhsul ayının altında,
Yumşaq gümüşü
Damcılar işıldayanda
Bağça gecələrinin üstündə,
Boz, lağlağı ölüm
gələr və pıçıldayar qulağına
ən yaxın dost kimi
tez – tez səni xatırlayan.
Yay güllərinin altında
Gözə çarpan boz
pusquya yatanda alatoranında
vəhşi qırmızı yarpaqların,
eşq balaca əlləriylə
gələr və toxunar sənə
min cür xatirələrlə,
və soruşar səndən
gözəl, cavabı olmayan suallar.

Bəlkə

Bəlkə mənə inanar, bəlkə də yox.
Bəlkə evlənərəm o dəliqanlıyla bəlkə də yox.

Bəlkə çöllərdəki külək,
Dənizdəki külək, bəlkə,
hansısa biri hardasa bəlkə də deyə bilər.

Başımı çiyninə söykəyəcəyəm
Və soruşanda heç düşünmədən bəli deyəcəyəm
Bəlkə də yox.

Bir telefon xəttinin altında

Mən mis bir teləm havadan asılan,
İncə olduğumdan günəş mənə kölgə də salmır.
Gecə gündüz mahnı oxuyuram – vızıldayıb və qəribə səslər çıxarıb:
eşqdir və savaş və pul; savaşdır və gözyaşları, iş və arzu,
İçimdən keçən kişilər və qadınların ölüm və qəhqəhələri, söhbətlərinizin daşıyanı,
Yağmurda ve damcılayan nəmlikdə, gün çıxanda və quruyan parlaqlıqda,
Bir mis tel.