Kavaquçi gölü

Kavaquçi gölü (河口湖, Kawaguchi-ko) – Yaponiyanın Fuci dağının yaxınlığında, Yamanaşi prefekturasının cənubunda, Fucikavaquçiko ilə Minobu qəsəbələrinin sərhədində yerləşən göl. Beş Fuci gölünün içərisində sahəsinə görə ikinci, dəniz səviyyəsindən yüksəkliyinə görə sonuncudur. Dəniz səviyyəsindən 833 metr yüksəklində yerləşdiyindən yayları sərin, qışı soyuq keçir. Sahil xəttinin uzunluğu Beş Fuci gölü arasında ən uzundur.

Kavaquçi gölü
yap. 河口湖
Yuxarıdan görünüşü.
Ümumi məlumatlar
Mütləq hündürlüyü	833 m
Sahil uzunluğu	19.080 km
Sahəsi	6,13 km²
Həcmi	0,084 km³
Dərin yeri	15,2 m
Yerləşməsi
35°30′54″ şm. e. 138°45′24″ ş. u.
Ölkə	Yaponiya
Əyalət	Yamanaşi prefekturası
Kavaquçi gölü
Vikianbarda əlaqəli mediafayllar

Gölün yaxınlığında Fuci-Hakone-İzu Milli Parkı yerləşir.

Göldən axan hansısa çay yoxdur. Ətrafındakı yaşayış məntəqələri 1914-cü ildə tamamlanan kanala qədər problem təşkil edirdi. Kanal gölü Saqami çayının qolu ilə əlaqələndirir.

Digər Beş Fuci gölü kimi Kavaquçi gölü də populyar turizm məkanıdır. Gölün yaxınlığında otellər, düşərgələr və gəzinti qayıqları var. Göldə yaşayan əsas balıq növləri Yaponiya karpı və vakasaqidir. Göldə balıqçılıq idmanı populyardır. Cəlb etdiyi turist sayına və turizm infrastrukturunun inkişafına görə Beş Fuci gölü arasında birincidir. Alpinizm mövsümündə (iyul və avqust ayları) Fuci dağına dırmaşmaq istəyənlər səyahətlərinə buradan başlayırlar.

Göl 2013-cü ildə Fucisan Mədəniyyət Yerinin bir hissəsi Ümumdünya irsi siyahısına salınmışdır.

Qalereya

• 
  Göldən Fuci dağının mənzərəsi.
• 
  Göldə yerləşən Unoşima adası.
• 
  Kurodake dağı.
• 
  Qışda gölün sahili.
• 
  Kavaquçiko körpüsü.

Həmçinin bax

• Fuci-Hakone-İzu Milli Parkı

Xarici keçidlər

• Kavaquçiko rəsmi saytı Arxivləşdirilib 2007-05-13 at the Wayback Machine
• Kawaguchiko.net