Kavaquçiko İncəsənət Muzeyi

Kavaquçiko İncəsənət Muzeyi (河口湖美術館, Kavaquçiko Bicutsukan) – Yaponiyanın Yamanaşi prefekturasının Fucikavaquçiko qəsəbəsində, Kavaquçi gölünün sahilində yerləşən incəsənət muzeyi. Muzey Fuci dağını əks etdirən əsərlərə həsr olunmuşdur.

Kavaquçiko İncəsənət Muzeyi
Açılış tarixi	14 aprel 1991
Ölkə	Yaponiya
Yerləşir	Fucikavaquçiko[d]
35°31′09″ şm. e. 138°46′14″ ş. u.
fkchannel.jp/kgmuse/
Vikianbarda əlaqəli mediafayllar

Tarixi

Muzeyi tikintisi 1989-cu ilin noyabrında başlamış və 1990-cı ilin oktyabrında başa çatmışdır. Açılışı 14 aprel 1991-ci ildə baş tutmuşdur. Fuci dağının şimalında açılmış ilk, Yamanaşi prefekturasında isə açılmış üçüncü incəsənət muzeyidir. Muzey "Sakakura" şirkəti tərəfindən dizayn olunmuş və "Takenaka" şirkəti tərəfindən tikilmişdir. 5 mart 1993-cü ildə Yaponiya Muzeylər Assosiasiyasının üzvü olmuşdur.

Xüsusiyyətlər

Muzeyin əsas mövzusu Fuci dağıdır. Burada Fuci dağını əks etdirən rəsm əsərləri, fotolar və qravürlər sərgilənir. Muzey kolleksiyasına Adaçi Qeniçironun Qərb üslubundakı rəsmləri, Koyo Okadanın fotoları və Eysaku Vadanın yağlı boya işləri daxildir. Muzey binası iki mərtəbədən ibarətdir. Binanın sahəsi 1436,71 m², ümumi döşəmə sahəsi 2391,16 m² təşkil edir. Birinci mərtəbədə anbar, menecment və çay otağı, konfrans zalı, ikinci mərtəbədə isə üç sərgi zalı, qalereya, giriş zalı, ofis və müşahidə nöqtəsi yerləşir.

1999-cu ildən etibarən muzey Fuci Dağı Fotoqrafiya Müsabiqəsinə ev sahibliyi edir. Müsabiqə çərçivəsində hər il Fuci dağının çəkilmiş ən yaxşı fotosu seçilir.

Muzeyin loqosu 2000-ci ildə dizayner Makoto Matsunaqa tərəfindən dizayn olunmuşdur. Loqo Fuci dağını əks etdirir.

Xarici keçidlər

• fkchannel.jp/kgmuse — rəsmi saytı