100 qram keçi ətinin qida dəyəri:
  • Zülallar – 39,1 qr.
  • Yağlar – 28,6 qr.
  • Su – 5 qr.
  • Kalori – 216 kKal.

Keçi əti (ing. Goat meat) — Dünyada ən çox istifadə edilən ət növlərindən biri. Ondan hazırlanan yeməklər çox məşhurdur. Keçinin süddündən, dərisindən və tükündən gündəlik sənayedə insanlar tərəfindən istifadə edilməkdədir. Keçi ətinin xüsusi qoxusu olur ki, bu da onun tərinin və sidiyinin qoxusunun təbii olaraq ətə hopmasından irəli gəlir. Ətə iyin hopmaması üçün bəzən onun dərisini soyarkən əlcək geyinir və sonra əlcəyi çıxardıb əti doğrayırlar. Bu ətə qoxunun hopmasının qarşısını alır.[1]

Çiy keçi əti.

Keçi ətinin vitamin və faydalı maddələrlə zəngin olduğu qədim zamanlardan məlumdur. Bəzi xəstəliklər zamanı hətta həkimlər keçi əti yeməyi məsləhət görürlər. Keçi ətinin tərkibində olan makro və mikroelementlər bir çox xəstəliklərin sağalmasını sürətləndirir.[2][3]

Keçi ətinin tərkibi amin turşular, orqanizm üçün vacib olan vitaminlər (tiamin, retinol, riboflavin və s.) və mikroelementlərlə zəngindir. Keçi ətinin tərkibində insan orqanizmi üçün vacib sayılan yağ turşuları var. Tərkibində parazitlər olan keçi əti ən faydalı ətlərdən sayılmır. Dietoloqlar ateresklerozdan, ürək xəstəliklərindən və immunitet zəifliyindən əziyyət çəkən yaşlı insanlara keçi əti yeməyi məsləhət bilirlər.

Keçi əti orqanizm üçün ən yaxşı müalicəvi ət hesab edilir. Onda olan yağın miqdarı qoyun və donuz ətində olan yağın miqdarından çox azdır. Keçi ətində xolesterolun miqdarı çox azdır. Bu səbəbdən də o dietik ət hesab edilir. Ən dadlı keçi əti isə yaxşı qidalandırılmış və 1,5 aydan çox yaşı olan keçinin əti sayılır. Ətinin dadlı və keyfiyyətli olması üçün isə keçi südü və təbii qidalarla bəslənməlidir.

İstinadlar redaktə

  1. "Should You Market Chevon, Cabrito or Goat Meat?" (PDF). The Florida Agricultural Market Research Center, Florida Universiteti. 2009-04-24 tarixində orijinalından (PDF) arxivləşdirilib.
  2. "Whose goat is it anyway?". Hindustan Times. 11 February 2012. 25 December 2018 tarixində orijinalından arxivləşdirilib. İstifadə tarixi: 15 May 2015.
  3. "Mutton/Goat meat dishes". Indian Food. 25 December 2018 tarixində arxivləşdirilib. İstifadə tarixi: 15 May 2015.

Həmçinin bax redaktə