Kevin Sistrom

Kevin Sistrom (30 dekabr 1983) – Amerikalı kompüter proqramçısı və mütəxəssisi.

Kevin Sistrom
ing. Kevin Systrom
Kevin Systrom 2018 (40980041741) (cropped).jpg
Doğum tarixi 30 dekabr 1983(1983-12-30) (38 yaş)
Vətəndaşlığı
Təhsili
Fəaliyyəti informatik, mühəndis, sahibkar
Saytı systrom.com
Vikianbarın loqosu Vikianbarda əlaqəli mediafayllar

Kevin Sistrom Mayk Kriqer ilə birlikdə dünyanın ən böyük foto paylaşma saytı olan İnstaqramın qurucusudur. Sistrom, 2016-cı ildə ABŞ üzrə tərtib olunmuş "Ən Zəngin Sahibkarlar" siyahısına daxil edilmişdir. Onun CEO-su olduğu İnstaqram, 2017-ci ilin sentyabr ayından etibarən aylıq 800 milyon istifadəçisi olan, o cümlədən sürətlə böyüyən bir platformaya çevrildi. 24 sentyabr 2018-ci ildə İnstaqramın baş direktoru vəzifəsindən istefa vermişdir.

HəyatıRedaktə

Kevin Sistrom 1983-cü ilin 30 dekabrında Hollistonda (Massaçusets ştatı) anadan olmuşdur.

Anası Diana "Zipcar" kompaniyasında marketoloq kimi çalışmışdır. O həm də birinci dotkom balonu zamanı "Monster and Swaipt"də işləyib. Atası Duqlas isə, "TJX" kompaniyasında kadr xidmətləri üzrə vitse-prezident vəzifəsində çalışıb. Kevinin ana nənəsi və babası Henkokda Birinci icma kilsəsinin üzvləri idilər. Uşaqlıqda Sistrom Doom 2 kompüter oyununda özünəməxsus səviyyələr yaratmış və dostları ilə proqramın köməyi ilə onların kompüterində siçanın göstəricisini idarə etməyə və şəbəkə ilə əlaqəni kəsməyə imkan yaradan AOL messencerinin vasitəsi ilə zarafat etmişdir. Kevin həm də orta məktəbdə təhsil aldığı zaman Bostondakı "Boston Beat" mağazasında işləmişdir.

2002-ci ildə Kevin kompüter proqramlaşdırmasını dərindən öyrəndiyi, Massaçusest ştatındakı, Konkordda yerləşən Middlseks özəl məktəbini, 2006-cı ildə isə idarəetmə üzrə magistr dərəcəsini aldığı Stenford Universitetini bitirdi. Stenfordda təhsil aldığı zaman Sistrom "Siqma Nyu" tələbə cəmiyyətinin üzvü idi. Üçüncü kursun qış periodunu fotoqrafiyanı öyrəndiyi Florensiyada keçirdi.

İstinadlarRedaktə