Kiçik qonurdiş

Kiçik qonurdiş (lat. Sorex minutus) — heyvanlar aləminin xordalılar tipinin məməlilər sinfinin həşəratyeyənlər dəstəsinin yereşənlər fəsiləsinin qonurdiş cinsinə aid heyvan növü.

Kiçik qonurdiş
Elmi təsnifat
Domen: Eukariotlar Ranqsız: Amorphea Ranqsız: Obazoa Ranqsız: Opisthokonta Ranqsız: Holozoa Ranqsız: Filozoa Aləm: Heyvanlar Yarımaləm: Eumetazoylar Klad: ParaHoxozoa Klad: İkitərəflisimmetriyalılar Klad: Nephrozoa Tipüstü: Sonağızlılar Tip: Xordalılar Klad: Olfactores Yarımtip: Onurğalılar İnfratip: Ağızçənəlilər Klad: Eugnathostomata Klad: Teleostomi Klad: Euteleostomi Klad: Xoanlar Klad: Rhipidistia Klad: Tetrapodomorpha Klad: Eotetrapodiformes Klad: Elpistostegalia Klad: Stegocephalia Sinifüstü: Dördayaqlılar Klad: Reptiliomorpha Klad: Amniota Sinif: Məməlilər Klad: Theriimorpha Klad: Theriiformes Klad: Trechnotheria Klad: Cladotheria Klad: Prototribosphenida Klad: Zatheria Klad: Tribosphenida Yarımsinif: Vəhşi heyvanlar Klad: Euteriyalar İnfrasinif: Plasentalılar Maqndəstə: Boreoeutheria Dəstəüstü: Lavrazioterilər Dəstə: Həşəratyeyənlər Fəsilə: Yereşənlər Yarımfəsilə: Soricinae Triba: Soricini Cins: Qonurdiş Növ: Kiçik qonurdiş
Beynəlxalq elmi adı
Sorex minutus L., 1766[…]
Şəkil axtarışı ITIS   633799 NCBI   62280 EOL   323672 FW   115169

Qısa təsviri

Azərbaycanda əldə edilmiş 68 fərdin kütləsi 2,5-5,7 qram, bədəninin uzunluğu 44,0-68,0 mm, quyruğu 30,2-40,8 mm, pəncəsi 8,6-12,2 mm olmuşdur. B.E.Sokolov və A.K.Tembotova görə (1989) Şərqi Zaqafqaziya heyvanları S.volnuchini ognev formasına aiddir.

Yayılması

Avropa, Asiya, Qafqazın meşə və meşə-çöl landşaftlarında yayılmışdır. Azərbaycanda Böyük və Kiçik Qafqazın meşə zonasında 900-2000 m hündürlükdə rast gəlinir.

Həyat tərzi

Kolluqların arasında, çayların kənarında, arxların qırağındakı daş yığınlarında rast gəlinir. Ən yüksək sıxlığı d.s. 1000 - m-ə qədər hündürlükdə qeydə alınmışdır (Quba rayonu Təngəaltı kəndi və Şuşa rayonunun Keçəldağ ərazisində). Sığınacaq kimi müxtəlif təbii yerlərdən istifadə edərək quru bitkilərdən kürəşəkilli yumşaq yuva düzəldir.

7-8 aylığında cinsi yetkinliyə çatır. Çoxalma dövrü apreldən oktyabra qədərdir. Bu müddət ərzində dişilər hər birində 3-dən 8-ə qədər bala olan 2 nəsilverir. Əsas yemini cücülər (sərtqanadlılar və onların sürfələri, uzunburunlar, ağcaqanadlar, düzqanadlılar, yarımsərtqanadlılar, ikiqanadlar) və xırda onurğalılar (qurbağalar, kərtənkələlər, gəmiricilər və b.) təşkil edir. Gündüzə nisbətən çox vaxt alaqaranlıq vaxtı və gecə ova çıxırlar. Zərərli cücüləri və xırda gəmiriciləri məhv etməklə böyük təsərrüfat əhəmiyyəti daşıyır.