Kilidbahir qalası

Kilitbahir qalası — 1452-ci ildə İstanbulu mühasirə etməsi əsnasında Papalıq donanmasının Bizans İmperiyasına kömək etməsini qarşısını almaq məqsədilə Fateh Sultan Mehmet tərəfindən Dardanel qarşısındakı Kilitbahir kəndində inşa etdirilmişdir. Qala, daxili və xarici sur divarlarından və həyət içində 7 mərtəbəli üçbucaq bir qüllədən ibarətdir. İç qala 7 mərtəbəlidir. Daha sonra ilk dəfə 1541-ci ildə Qanuni Sultan Süleyman tərəfindən bərpa edilmiş, bu bərpa zamanı cənub hissəsi əhatə edən bir sur divarı xarici ucda bir qüllə (Sarıqüllə) inşa edilmişdir. Qala 1870-ci ildə Sultan Əbdüləziz tərəfindən ikinci dəfə bərpa edilmişdir. Şimal hissəsinin orijinal xarici dəniz divarı günümüzdə yoxdur. Bu bölümün şimal hissəsi 1894-cü illərdə II Əbdülhəmid tərəfindən yenidən inşa etdirilib. Xarici sur divarları (xarici qala) 4 mt, ikinci xarici qala 18 mt, iç qala 30 mt hündürlüyündədir. Divar qalınlıqları 4-6 mt arasındadır. Dəniz divarlarının cənub hissələri top mazğalı olaraq istifadə edilmişdir. Qala bütün kobud yonulmuş daşlarla inşa edilmişdir. Açıqlıq hissələri saxsı kəmərli olub, qapı və pəncərələr ağ mərmərdən tikilib. Qala Dardanel Müharibələrində çox mühüm rol oynamışdır. Bu qala 14 noyabr 1980-ci ildə Mədəniyyət Nazirliyi tərəfindən "Qorunması Vacib Olan Mədəni Varlıq" olaraq reyestr edilmişdir.

Kilidbahir qalası
Kilitbahir Kalesi
40°08′51″ şm. e. 26°22′46″ ş. u.
Ölkə	Türkiyə
Şəhər	Çanaqqala
Yerləşir	Çanaqqala ili
Sifarişçi	Fateh Sultan Mehmet
Tikilmə tarixi	1452
Kilidbahir qalası
Vikianbarda əlaqəli mediafayllar