Kiyoşi Şiqa
Kiyoşi Şiqa (志賀 潔, Şiqa Kiyoşi?, 7 fevral 1871[1], Senday, Miyaqi prefekturası – 25 yanvar 1957[1], Tokio[d], Yaponiya) və ya Kiyoşi Sato – Yaponiya bakterioloqu.[2]
| Kiyoşi Şiqa | |
|---|---|
| yap. 志賀潔 | |
 | |
| Doğum tarixi | 7 fevral 1871[1] |
| Doğum yeri | |
| Vəfat tarixi | 25 yanvar 1957[1] (85 yaşında) |
| Vəfat yeri | |
| Elm sahəsi | tibb |
| İş yeri |
|
| Təhsili | |
| Üzvlüyü | |
| Mükafatları |
 |
 Vikianbarda əlaqəli mediafayllar | |
Həyatı
redaktəKiyoşi Şiqa 1871-ci ildə Yaponiyanın Senday hanında[a] doğulmuşdur.[2] 1896-cı ild Tokio Universitetinin tibb fakültəsinin bakteriologiya bölməsindən məzun olmuşdur.[3] O, Şibasaburo Kitazatonun başçılığı altında Yoluxucu Xəstəliklər İnstitutunda və Karantina Bürosunda işləyərkən[3] 1897-ci ildə dizenteriyanın törədicisi olan Shigella dysenteriae bakteriyasını kəşf etmişdir.[2] İki dəfə Almaniyaya səyahət edərək serologiya, immunologiya və vərəm üzrə dərslər almış, Paul Erlixin tələbəsi olmuşdur.[2] 1906-cı ildə doktorat dərəcəsi almışdır.[3]
Yaponiyaya qayıtdıqdan sonra 1915-ci ildə Kitazato İnstitutunun yaradılmasında iştirak etmiş və institutun bir bölməsinin başçısı olmuşdur.[3] 1920-ci ildə Koreya general-qubernator xəstəxanasının direktoru seçilmişdir.[3] 1920-ci ildə Keyo Universitetinin professoru olmuş, daha sonra Seul şəhərində yerləşən Keyco Universitetinin professoru (1925) və prezidenti (1929–1931) təyin olunmuşdur.[2] Bu dövrdə Filippin, Hindistan, İtaliya, Britaniya və İsveç kimi ölkələri ziyarət etmişdir.[3]
1944-cü ildə "Mədəniyyət" ordeni ilə təltif olunmuşdur.[2] Kitazato İnstitutunun fəxri üzvüdür.[3]
Qeydlər
redaktə- ↑ Müasir Miyaqi prefekturası.
İstinadlar
redaktəƏdəbiyyat
redaktə- Kodansha Encyclopedia of Japan (ingiliscə). VII cild (Sake–Temm). Tokio: Kodansha. 1983. səh. 89. ISBN 0-87011-627-4. İstifadə tarixi: 3 fevral 2023.
- The Japan Biographical Encyclopedia & Who's Who (ingiliscə) (II). Tokio: Rengo Press. 1961. səh. 1383. İstifadə tarixi: 3 fevral 2023.