Kizu Kokiçi
Kizu Kokiçi (木津 幸吉?, 1830[1], Eçiqo əyaləti[d] – 1895[1]) – Yaponiya fotoqrafı. Hokkaydonun ilk peşəkar fotoqrafıdır.[2]
| Kizu Kokiçi | |
|---|---|
| yap. 木津幸吉 | |
| Doğum tarixi | 1830[1] |
| Doğum yeri | |
| Vəfat tarixi | 1895[1] |
| Fəaliyyəti | fotoqraf, dərzi |
İlk illəri
redaktəKizu Kokiçi 1830-cu ildə Yaponiyanın Eçiqo əyalətində doğulmuş və Hakodate şəhərində məskunlaşaraq dərziliklə məşğul olmuşdur. Rusiyanın Yaponiyadakı konsulu İosif Qoşkeviç onun dükanına gəlmiş və Qərb üslubunda geyim hazırlamasını xahiş etmişdir. Kizu onun istəyini qəbul etsə də, heç vaxt Qərb kostyumu hazırlamadığı üçün bir kostyumu ondan nümunə kimi götürmüşdür. Beləliklə, Yaponiyada Qərb üslubunda kostyum hazırlayan ilk şəxs olmuş və bu sahədə ixtisaslaşaraq biznesini böyütmüşdür.[2]
Fotoqrafiya
redaktəKizu Hakodatedən doğulduğu şəhərə səyahət edərkən mindiyi gəmidə kamera görmüşdür. Hakodatedən suvenir kimi apardığı ayı dərisinin qarşılığında bu kameranı satın almış, lakin foto çəkməyi bacarmamışdır. Qoşkeçiv həvəskar fotoqraf olduğu üçün Hakodate şəhərində qayıtdıqdan sonra ondan kömək istəmiş və fotoqrafiyanı öyrənmişdir. Hakodatedə olmadığı müddətdə geyim biznesi dağılmağa başladığı üçün 1860-cı illərin ortasında[a] Hakodatedə öz fotoqrafiya studiyasını açmağa qərar vermişdir. Beləliklə, Hokkaydonun ilk peşəkar fotoqrafı olmuşdur.[2] 1867-ci ildə Tamoto Kenzo ilə əməkdaşlıq edərək bir ay boyunca Matsumae qəsrindəki tikinti işlərinin fotolarını çəkmişdir.[4] 1869-cu ildə Tokioya köçərək Kizu Qokiçi adını qəbul etmiş və Şitaya bölgəsində yeni fotostudiya açmışdır. Tamoto Kizunun ona verdiyi avadanlıqlarla Hakodatedə öz fotostudiyasını açmışdır.[3]
Hakodate şəhərinin Toyokava bölgəsində Hokkaydonun ilk peşəkar fotoqrafı olduğunu əks etdirən abidə ucaldılmışdır.[5]
Qeydlər
redaktəİstinadlar
redaktə- ↑ 1 2 3 4 Kizu Kokichi // Photographers’ Identities Catalog.
- ↑ 1 2 3 4 Bennet. səh. 126
- ↑ 1 2 Tucker. səh. 313
- ↑ Bennet. səh. 128
- ↑ Ozawa, Takesi. "The history of early photography in Japan". History of Photography (ingiliscə). 5 (4). 1981: 295. doi:10.1080/03087298.1981.10442688. İstifadə tarixi: 25 noyabr 2024.
Ədəbiyyat
redaktə- Bennett, Terry. Photography in Japan: 1853–1912 (ingiliscə). Tuttle Publishing. 2006. 126. ISBN 0-8048-3633-7. İstifadə tarixi: 21 noyabr 2024.
- Tucker, Anne; Iizawa, Kōtarō; Friis-Hansen, Dana; Ryuichi, Kaneko; Kinoshita, Naoyuki; Joe, Takeba. The History of Japanese Photography (ingiliscə). Yale University Press. 1 yanvar 2003. ISBN 9780300099256. İstifadə tarixi: 24 noyabr 2024.
Xarici keçidlər
redaktə- Kizu Kokiçi Kotobank saytında.