Konohanasakuya

Konohanasakuya (木花咲耶) və ya Sakuyahime – Yaponiya mifologiyasında çiçəklənmə şahzadəsi və kövrək həyatın simvolu. Çiçəklərin açılmasına o səbəb olur. Amaterasunun nəvəsi və Yerin idarəçisi Niniqi-no-Mikoto ilə evlidir.

Konohanasakuya sakura ağaclarını çiçəkləndirən ilahə hesab olunur.

Mifologiya

Əfsanəyə görə adı Aşitsu olan Konohanasakuya Niniqini dəniz sahilində görür və ona aşiq olur. Niniqi atası Ohoyamanın yanına gedir və evlilik üçün icazə istəyir. Ohoyama Niniqinin ən böyük qızı İhanaqa ilə evlənməsini istəyir. Lakin Niniqi fikrini dəyişmir. Əfsanənin bir neçə versiyasına görə böyük bacısı və anası əsəbləşir və Aşitsunun başqa kişi ilə yatması barədə şayiələr yayırlar. Əsəbləşmiş Niniqi həyat yoldaşını tərk edir. Aşitsu onu geri qaytarmağa çalışsa da, rədd edilir.

Sonda Aşitsu nəyin baş verdiyini anlayır. Sakura fidanı əkir və ağaca dua edərək ondan həqiqəti göstərməsini istəyir. Əgər körpəsi ərindəndirsə, ağac həmişə çiçək açacaq, əgər deyilsə, ondan ağac quruyacaq və öləcəkdi. Ağacı əkəndən sonra evə qayıdır.

Bahar gələndə onun 3 oğlu olur. Ərinə xəbər göndərsə də, əri qayıtmır. Ümidsiz qalan Aşitsu özünü və uşaqlarını Fuci dağının meşəsində bir evdə başlayır. Meşəni yandırıb uşaqların ərindən olmadığı halda öləcəkləri barədə and içir. Uşaqlar və Aşitsu Konoşiro gölünün yaxınlığındakı əjdaha tərəfindən xilas edilirlər. Axırda Niniqi həyat yoldaşının əkdiyi sakura ağacının çiçək açdığını görür və onun günahsız olduğunu anlayır. O, tez evə qayıdır və şeir oxuyaraq Aşitsunun ürəyinin geri qazanır.

Uşaqlara Honoakari, Honosuseri və Hikohohodemi adları verilir. Niniqi Aşitsunun adını dəyişib Konohanasakuya qoyur. Konohanasakuya oğlanları böyüdür və qocalaraq Harami dağında ölür. Bir versiyaya görə isə Aşitsu təkbaşına meşəyə köçərək özünü öldürür.

Konohanasakuya Fuci dağının ilahəsi Senqen-sama ilə eyniləşdirilib. Bundan əlavə, şintoizmdə uşaqları qoruyan və yedizdirən ilahə Koyasu ilə eyniləşdirilmişdir. Bunun səbəbi, çox güman ki, orijinal miflə bağlıdır.

Ədəbiyyat

• Roberts, Jeremy, Japanese Mythology from A to Z, Chelsea House, 2010, ISBN 978-1-4381-2802-3