Konstantin Kostışin

Konstantin Kostışin
Konstantin Kostışin
	Костянтин Якович Костишин
Doğum tarixi	15 oktyabr 1965 (58 yaş)
Doğum yeri	Kiyev, Ukrayna SSR, SSRİ
Milliyyəti	ukraynalı
Vətəndaşlığı	SSRİ→; Ukrayna
Həyat yoldaşı	Anna Tambova
Uşağı	1
Fəaliyyəti	aktyor
Fəaliyyət illəri	1991-h.h.
IMDb	ID0467581

Konstantin Yakovleviç Kostışin (ukr. Костянтин Якович Костишин; d. 15 oktyabr 1965, Kiyev, Ukrayna SSR) — ukraynalı kino və teatr aktyoru.^[1]

Həyatı redaktə

Konstantin Kostışin 15 oktyabr 1965-ci ildə Ukraynanın Kiyev şəhərində anadan olmuşdur. İlk təhsilini A.Qaydar adına uşaq teatr studiyasında almışdır. Məktəbi bitirdikdən sonra bir il müddətində Kiyevdə zavodda tornaçı olaraq işləmişdir. 1989-cu ildə Karpenko-Karıy adına Kiyev Dövlət Teatr İncəsənəti İnstitutunu bitirmişdir. 1991-ci ildən Dneprin sol sahilində yerləşən Kiyev Akademik Dram və Komediya Teatrının aktyorudur, əsasən, baş rolları ifa edir. Teatr institutunda bir il təhsil aldıqdan sonra iki il müddətində sovet ordusunda hərbi xidmət etmişdir. Muxtarın qayıdışı teleserialında kriminalist İnnokenti Sadovski rolu ilə məşhurluq qazanmışdır.

Teatr rolları redaktə

Vasya — «Mən bu gün qadın olacağam» (Afanasi Salınski, 1991)
Aleksey — «Murlin Murlo» (1991)
Budda, Ağ mələk — «Sənin tərəfindən əsir alınmış» (Andrey Amalrik, 1991)
Oras Buşe — «Sevgi və ölüm oyunu», (Romen Rollan, 1991)
Tos — «Yalan» (Vladimir Vinniçenko, 1992)
Omelko — «Cadugər» (İvan Karpenko-Karıy, 1993)
Oxşar — «Sorry…» (Aleksandr Qalin, 1993)
Əsgər — «Şahzadənin kaprizləri» (1993)
Znamenski — «Olesya» (Marko Kropivnitski,1994)
Pablo — «“Arzu” tramvayı» (Tennessi Vilyams, 1994)
Lyamerlyuş — «Vurulmuş sələmçi haqqında teatr tamaşası» (Molyerin «Xəsis» pyesi əsasında, 1995)
Sebastyan — «On ikinci gecə və yaxud hər nə istəsəniz» (Uilyam Şekspir, 1995)
Muşeron — «Məğlubedilməz Qayan qılıncı» (Tamara Qabbenin «Ustalar şəhəri» nağılı əsasında, 1995)
Migel Ostos — «Axmaq» (Marsel Aşar, 1996)
Stanislav — «Kraliçanın əsiri» (Jan Koktonun «İkibaşlı qartal» pyesi əsasında, 1996)
Şahzadə Tartalya — «Üç portağala qarşı sevgi» (Karlo Qossi, 1997)
Həkim — «Aldadılmış» (Tomas Mann, 1997)
Lüdoviko — «Venesiya mavrı» (Uilyam Şekspirin «Otello» dramı əsasında, 1998)
Estryuqo — « Möhtəşəm dəyyus» (Fernan Krommelink, 1998)
Pedro — «Başqalarının yuxularında nə itirmisiniz?» (Maks Frişin «Santa Kruz» pyesi əsasında, 1999)
Lobov — «Əbədi ər» (1999)
Popuqayçikov, Çvankin — «Tarelkinin ölümü» (Aleksandr Suxovo-Kobılin, 2000)
Birinci həkim — «Parisdə çox səs-küy var» (Molyerin «Cənab de Pursonyak» pyesi əsasında, 2001)
Rocer Tramplimen— «Tamaşaçılar tamaşaya buraxılmır!» (Maykl Freynin «Teatr» pyesi əsasında, 2001)
Svinopas — «Ah, mənim əziz Avqustinim...» (Hans Xristian Andersenin nağıllarının motivlərindən M.Enzikatın pyesi əsasında, 2001)
Kolen — «Lüdovikin vaxtındakı məhəbbət» (Molyerin «Jorj Danden və ya aldadılmış ər» pyesi əsasında, 2002)
Koçkin — «Əylənin! Hər şey yaxşıdır?!» (E.Unqardın «Adelaida» pyesi əsasında, 2003)
Linyer — «Sirano de Berjerak» (Edmon Rostan, 2005)
Pyotr — «Romeo və Cülyetta» (Uilyam Şekspir, 2005)
Tibb bacısının həyat yoldaşı, dəllal — «Növbə» (Aleksandr Mardan, 2006)
Belyayev — «Mənim əzizlərim!...» (Fyodor Dostoyevski və Aleksandr Volodinin əsərləri əsasında, 2006)
Azolan — «Təhlükəli əlaqələr» (Pyer Şoderlo de Laklo, 2007)
Mef Potter — «Tom Soyyer» (Mark Tvenin «Tom Soyyerin macəraları» romanının motivlərindən Yaroslav Stelmaxın pyesi əsasında, 2008)
Kiçik leytenant — «Çonkini oynayırıq» (Vladimir Voynoviçin «Əsgər İvan Çonkinin həyatı və qeyri-adi macəraları» romanı əsasında, 2009)

Seçilmiş filmoqrafiya redaktə

Muxtarın qayıdışı (teleserial, 2003) - İnnokenti Sadovski
Pərvanələr (teleserial, 2013) - hərbi düşərgənin həkimi
Ümid məktubu (teleserial, 2016) - Stepan Krasnov

İstinadlar redaktə

↑ "Konstantin Kostışin". www.kino-teatr.ru (rus). 2023-07-25 tarixində arxivləşdirilib. İstifadə tarixi: 2021-03-05.

Xarici keçidlər redaktə

[1] "Konstantin Kostışin". www.kino-teatr.ru (rus). 2023-07-25 tarixində arxivləşdirilib. İstifadə tarixi: 2021-03-05.

[1]