Kubada səhiyyə

Kubada səhiyyə — Kubada ömür uzunluğu dünyada ən yüksək yerlərdən birini tutur – 76 yaş. Uşaq ölüm səviyyəsi isə fantastik dərəcədə aşağıdır – 1 yaşdan 4 yaşadək hər 10 min nəfərə 4,3 və məktəb yaşlı uşaqlarda hər 10 min nəfərə 2,7. Dünya səhiyyə reytinqində Kuba bir çox daha inkişaf etmiş ölkələri önləyərək 34-cü yeri tutur.

Kubadakı müasir səhiyyə sistemi 1959-cu il inqilabından sonra tam şəkildə yenidən qurulub formalaşdırılmışdır.

Ölkədə insan sağlamlığı ilə bağlı tədqiqatlara, o cümlədən, biotexnologiyalar və gen mühəndisliyinə, vaksin və çoxsaylı dərman preperatlarının istehsalına çox böyük vəsaitlər ayrılır: bu elmi tədqiqatların nəticələri bütün dünyada tanınıb qəbul edilmişdir. Bu cür yanaşmanın gerçəkləşdirilməsi milli təhsil sistemi çərçivəsində hazırlanmış çoxlu sayda yüksək ixtisaslı kadrların olması sayəsində mümkün olmuşdur.

Milli səhiyyə sisteminə 278 xəstəxana, 442 polikilinika, 165 stomatoloji poliklinika, habelə cürbəcür profilli 466 başqa müəssisələr daxildir ki, onlarda işləyən həkimlərin sayı 800 000 nəfərə çatır. Bununla yanaşı sağlamlıq turizmi müəssisələr şəbəkəsi də mövcuddur, onlarda ildə 6 mindən çox əcnəbi pasiyentə xidmət göstərilir.

Kubada həkimlərin hazırlanması sistemi keçmiş SSRİ-nin təcrübəsinə əsaslanır, həkim diplom almaq üçün 6 il tibb institutunda oxumaq və 3 il ixtisaslaşma keçməlidir.

Onkologiya, pediatriya, hemotologiya, immunologiya, endokronologiya, dəri xəstəlikləri, ortopediya sahələri Kuba səhiyyə sisteminin qürur mənbəyidirlər. Ümumdünya Səhiyyə Təşkilatının 15 ortoped-ekspertindən 8-i kubalıdır. Bu ölkənin mütəxəssisləri həmçinin trombların sorulması və orforktların önlənməsi üzrə unikal bir praktika işləyib hazırlamışdır. Hər il Kubada kataraktanın götürülməsi üzrə 30 minədək əməliyyat aparılır.

Kuba tədqiqatçıları HİV (QİÇS) xəstəliyinə qarşı vaksin hazırlamaq üzərində gərgin iş aparırlar, bu xəstəliyin effektiv profilaktikası sayəsində onun ölkədəki göstəriciləri qonşu ölkələrlə müqayisədə son dərəcə aşağıdır (0,034%).

Ədəbiyyat

Yusif Otaylı, "Kuba səhiyyə və təbabəti", "Laçın yurdu" jurnalı, №1(21), 2017.