Kuklalar (film, 2009)
Kuklalar — Rejissor Çingiz Rəsulzadənin filmi.[1]
| Kuklalar | |
|---|---|
| Fayl:Kuklalar (film, 2010).jpg | |
| Janr | Dram |
| Rejissor | Çingiz Rəsulzadə |
| Ssenari müəllifləri | Çingiz Rəsulzadə, Ramiz Fətəliyev |
| Baş rollarda |
Mehriban Xanlarova Abbas Qəhrəmanov Nübar Novruzova Xalidə Quliyeva |
| Operator | Yuri Varnovski |
| Rəssam | Rövşən Mehdiyev |
| İstehsalçı | Sınaq Film Prodüser Mərkəzi |
| İlk baxış tarixi | 2009 |
| Filmin növü | tammetrajlı bədii film |
| Ölkə |
 Azərbaycan |
| Dil | Azərbaycan dili |
| İl | 2009 |
| Texniki məlumatlar | 35 mm |
| Rəng | rəngli |
| Çəkiliş yeri |
Bakı Bakı, Milli Dənizkənarı Park Sumqayıt Zaqatala |
.jpg){kind=link}
Məzmun
redaktəFilmdə hadisələr 80-ci illərin sonları 90-cı illərin əvvəllərində Bakıda cərəyan edir. SSRİ-nin son günlərində dənizkənarı parkda kukla işləyən altı gənc dost yetişkin həyata ilk addımlarını atır. Daha sonra basqınla üzləşən canlı kuklalar seçim arasında qalırlar. Həmin gənclərin bir qismi müharibədə savaşmağa, digər qismi isə öz əvvəlki peşələri ilə məşğul olmağa üstünlük verirlər.
Film haqqında
redaktə- Filmin orijinal ssenarisi üzərində iş 2005-ci ildə başlayıb və 2 ildən sonra tamamlanmış variant Mədəniyyət və Turizm Nazirliyinə təqdim olunub. Film 2007-ci ildə istehsalata buraxılıb. 2007-ci ilin oktyabr ayından çəkilişlər başlanmışdır.
- Filmdə əsas rolları orta məktəb şagirdi və tələbə olan 6 gənc oynayır. Bu altı gənci seçmək isə asan olmamışdır. Onlar 500-ə yaxın namizəd arasından seçilmişlər.
- Filmin çəkiliş texnikası İrandan gətirilmişdir.
- 1980-1990-cı illərin Bakısını bərpa etmək üçün kompüter qrafikasından istifadə edilib.
- Mikki obrazının ifaçısı aktyor Qorqud Cəfərin kinoda ilk işidir.
Filmin heyəti
redaktəFilm üzərində işləyənlər
redaktə- Ssenari müəllifi: Çingiz Rəsulzadə, Ramiz Fətəliyev
- Quruluşçu rejissor: Çingiz Rəsulzadə (Çingiz Rasulzadə kimi)
- Quruluşçu operator: Yuri Varnovski
- Quruluşçu rəssam: Rövşən Mehdiyev
- Bəstəkar: İsa Məlikov
- Rejissor: Elman Şeydayev
- Geyim rəssamı: Şahin Həsənli (rəssam)
- Montaj edən: Elşad Rəhimov
- İcraçı prodüser: Heydər Dadaşov
- Prodüser: Tofiq Musayev
- Rejissor assistenti: Elbrus Ələkbərov, Pərviz Həsənov, Xədicə Qarayeva,
- Səs rejissoru: Teymur Kərimov
- Səs operatoru: Eldar Şahverdiyev
- Geyim rəssamı assistenti: Safura Manafova (Həsənli), Xalidə Ağacanlı
Rollarda
redaktə[Cəminə Ağayeva
- Vahid Əliyev — erməni fotoqraf Jora
- Şəlalə Şahvələdqızı
- Cavid Quliyev — Buratino
- Ağa Bədəlov — Martışa
- Emil Zöhrabov — Balu
- İsgəndər Ağagülov — Tom
- Yevgeni Qəhrəmanov — Canavar
- Qorqud Cəfərli — Mikki
İstinadlar
redaktə- ↑ Sara. Beynəlxalq film festivalında ölkəmizi “Kuklalar” təmsil edəcək: [Çexiyanın Karlovı Varı şəhərində keçiriləcək festivalda Çingiz Rəsulzadənin eyni adlı filmi] //525-ci qəzet.- 2010.- 25 iyun.- S. 4.
Mənbə
redaktə- "Kuklalar" filmi haqqında //"Cinema News" jurnalı.- 2008.- iyun.- səh. 9.
- Azərbaycan Respublikası Mədəniyyət və Turizm Nazirliyi. Dövlət Film Fondu. Kino-Bülleten. IV buraxılış. Bakı: Apostroff, 2011.
- Bürcəliyeva, Ş. Bəxtsiz "Kuklalar": [Rejissor Natiq Rəsulovun eyni adlı filmi haqqında] //Mədəniyyət.- 2010.- 23 iyun.- S. 10.