Kuzu Fosil Muzeyi
Kuzu Fosil Muzeyi (佐野市葛生化石館, Sano-şi Kuzu Kasekikan?) – Yaponiyanın Toçiqi prefekturasının Sano şəhərində, şəhərin Kuzu regionunda yerləşən fosil muzeyi.
| Kuzu Fosil Muzeyi | |
|---|---|
 | |
 | |
| Açılış tarixi | 2005 |
| Ölkə | |
| Yerləşir | Sano[d] |
| 36°24′06″ şm. e. 139°36′42″ ş. u.HGYO | |
| city.sano.lg.jp/sp/kuzuu… | |
 Vikianbarda əlaqəli mediafayllar | |
Tarixi
redaktəMuzeyin əsası 1979-cu ildə Kuzu Şəhər Tarix-Diyarşünaslıq Muzeyinin bir hissəsi kimi qoyulmuşdur. 2004-cü ildə muzeyə kurator təyin olunmuş, 2005-ci ildə yenidən qurularaq yeni muzeyə çevrilmişdir. Kuzu şəhərinin Sano şəhərinə birləşdirilməsindən sonra muzeyin tam rəsmi adı Sano Şəhər Kuzu Fosil Muzeyi olmuşdur.[1]
Muzey göstərdiyi xidmətlərə 2022-ci ildə Yaponiya Geologiya Cəmiyyətinin Kanto filialının xüsusi mükafatını qazanmışdır.[2]
Ekspozisiya
redaktəMuzey Kuzu Mədəniyyət Mərkəzinin birinci mərtəbəsində yerləşir. Muzey Sano şəhərində və şəhərin ərafında tapılmış fosil, süxur və təbii materiallara həsr olunmuşdur. Muzeyin əsas ekspozisiyasını əhəngdaşı və kərgədan fosilləri təşkil edir. Kuzu regionu Yaponiyada əhəngdaşı hasilatına görə tanınmışdır. yapon kərgədanının və nəhəng Yabe maralının qalıqları tapılmışdır.[3] Muzeyin talismanı olan iki kərgədan yapon kərgədanları əsasında modelləşdirilmişdir. Muzeyin loqosunda kərgədan yer alıb.[4] Yaponiyada tapılmış ən kiçik Nauman fili fosili onu Mitake dağında tapmış bir əhəngdaşı şirkəti tərəfindən muzeyə verilmişdir.[5] Bu fosil Kanto regionunda tapılmış ilk Nauman fili fosilidir.[1] Muzeydə həmçinin Kanto regionunda tapılmış ilk bizon qalıqları nümayiş etdirilir.[6]
Muzey sərgisi 6 guşədən ibarətdir. Perm dövrü guşəsində bu dövrdə yaşamış canlıların dioramaları sərgilənir. Mezosoy dövrü guşəsində Sano şəhərində tapılmış ammonoidealar və konodontalar nümayiş etdirilir. Əhəngdaşı guşəsində Kuzu regionuna aid olan əhəngdaşı nümunələri sərgilənir. Bir guşə Yaponiyada tapılmış kərgədan qalıqlarına həsr olunmuşdur. Bu guşədə 1968-ci ildə Kuzuda kəşf edilmiş və Yaponiyada tapılmış yeganə bütöv kərgədan skeleti nümayiş etdirilir. Kuzu formasiyası guşəsində bu formasiyada tapılmış fosillər sərgilənir. Son guşə Kuzu regionunun müasir heyvanlar aləminə həsr olunmuşdur.[7]
İstinadlar
redaktə- ↑ 1 2 "地球史解明につながる化石の宝庫 栃木・佐野の葛生石灰岩". Sankei (yaponca). 14 avqust 2014. 24 sentyabr 2015 tarixində arxivləşdirilib. İstifadə tarixi: 24 sentyabr 2024.
- ↑ "葛生化石館が日本地質学会関東支部より功労賞をいただきました。". Sano şəhərinin saytı (yaponca). 9 may 2023. 23 sentyabr 2024 tarixində arxivləşdirilib. İstifadə tarixi: 23 sentyabr 2024.
- ↑ "化石館について". Sano şəhərinin saytı (yaponca). 28 noyabr 2019. 23 sentyabr 2024 tarixində arxivləşdirilib. İstifadə tarixi: 23 sentyabr 2024.
- ↑ "ニッポンサイ(その1)". Sano şəhərinin saytı (yaponca). 4 mart 2021. 23 sentyabr 2024 tarixində arxivləşdirilib. İstifadə tarixi: 23 sentyabr 2024.
- ↑ "最小ナウマンゾウ". Sano şəhərinin saytı (yaponca). 26 noyabr 2019. 2024-09-26 tarixində arxivləşdirilib. İstifadə tarixi: 23 sentyabr 2024.
- ↑ "「栃木県葛生地域の石灰岩洞窟堆積物より産出したBison化石」" (PDF). Qunma Prefektura Təbiət Tarixi Muzeyi (yaponca). 2009. 24 sentyabr 2015 tarixində arxivləşdirilib (PDF). İstifadə tarixi: 24 sentyabr 2024.
- ↑ "館内案内". Sano şəhərinin saytı (yaponca). 28 noyabr 2019. 23 sentyabr 2024 tarixində arxivləşdirilib. İstifadə tarixi: 23 sentyabr 2024.
Xarici keçidlər
redaktə- city.sano.lg.jp/kuzuufossil/ — rəsmi saytı