Kərgədanlar
Kərgədanlar (lat. Rhinocerotidae) — Təkdırnaqlılar dəstəsinə aid məməli heyvan fəsiləsi. Fəsiləyə Afrika və Asiyada yayılmış 5 növ daxildir.
Kərgədanlar | ||||||||||||
---|---|---|---|---|---|---|---|---|---|---|---|---|
![]() Ağ kərgədanlar (Ceratotherium simum) | ||||||||||||
Elmi təsnifat | ||||||||||||
Aləmi: | Heyvanlar | |||||||||||
Tip: | Xordalılar | |||||||||||
Yarımtip: | Onurğalılar | |||||||||||
Sinif: | Məməlilər | |||||||||||
İnfrasinif: | Plasentalılar | |||||||||||
Dəstə: | Təkdırnaqlılar | |||||||||||
Fəsilə: | Kərgədanlar | |||||||||||
Beynəlxalq elmi adı | ||||||||||||
Rhinocerotidae Gray, 1821 | ||||||||||||
Cinsləri | ||||||||||||
|
||||||||||||
|
Bədəninin uzunluğu 2,5—4 m, süysününün hündürlüyü 1—2 m, kütləsi 3 t-dək olur. Hətta ağ kərgədanların kütləsi 5 t-a qədər ola bilir. Burnunun üstündə bir-birinin ardınca 1—2 buynuzu olur. Boynu gödək, beli əyilmiş, qarnı sallaqdır. Dərisi qalın və tüksüz, rəngi tünd-bozdur. Yaxşı eşidir və iy bilir, zəif görür. Bədəninin ağır olmasına baxmayaraq qısa məsafədə çox sürətlə — saatda 40—45 km sürətlə qaçır. Cənub-Şərqi Asiyada və Afrikada yayılmışdır. Tropik meşə, savanna və bataqlıqlarda, əsasən cüt, bəzən də kiçik qrup halında yaşayır. Noyabr—dekabrda cütləşir. Boğazlıq dövrü 17—18 aydır. Əti yeməlidir. Mühafizə olunur.