Lətif Məmmədov (əsgər)

Lətif Məmmədov — (19 noyabr 1986, Kirovabad – 11 noyabr 2005) — Azərbaycanlı şəhid.

Lətif Məmmədov
Məmmədov Lətif Ziyad Oğlu
Şəxsi məlumatlar
Doğum tarixi	19 noyabr 1986
Doğum yeri	Gəncə
Vəfat tarixi	11 noyabr 2005 (18 yaşında)
Vəfat səbəbi	Şəhid
Dəfn yeri	Gəncə Şəhidlər Xiyabanı
Vətəndaşlığı	Azərbaycan
Milliyyəti	Azərbaycan
Hərbi fəaliyyəti
Hərbi hissə	702 saylı hərbi hissə
Xidmət illəri	2005
Rütbəsi	Əsgər
Döyüşlər	Qarabağ müharibəsi

Həyatı

Lətif Məmmədov 1986-cı il noyabrın 19-da Gəncə şəhərində anadan olmuşdur. Orta təhsilini 17 №li orta məktəbdə almışdır. Məktəbin 8-ci sinfinədək oxuyan Lətif uşaqlıqdan idmanla müntəzəm məşğul olurdu. Məktəblərarası yarışlarda fəal iştirak etmişdi. Çox ağıllı və səbirli bir gənc idi. Mülayim xasiyyət və diqqətliliyi ilə bütün tanış-dostlarının rəğbətini qazanmışdı. Ermənilərə nifrəti böyük idi. Dəfələrlə cəbhəyə getməyə cəhd eləsə də yaşı buna imkan vermirdi.

Hərbi xidmət

Lətif Ziyad oğlu Məmmədov 2005-ci il aprelin 15-də həqiqi hərbi xidmətə çağırılmışdı. Şükürbəyli kəndində yerləşən 702 saylı hərbi hissədə xidmət etmişdi. Döyüş yolu qısa olsa da, xüsusi hərbi bacarığı ilə hərbi hissənin fəxri idi. Ona verilən tapşırıqlar tez bir zamanda yerinə yetirilərdi. Lətif Ziyad oğlu Məmmədov 2005-ci il noyabrın 11-də düşmənin atdığı snayper gülləsi ilə gözlərini əbədi yummuşdu. Gəncə Şəhidlər Xiyabanında dəfn olunmuşdur.