Laura Rizzotto
Laura Rizzotto (d. 18 iyul 1994, Rio-de-Janeyro, Braziliya) — Latviya-Braziliya müğənnisi və bəstəkarı. Onun 2011-ci ildə Universal Music Brazil albom şirkəti ilə əməkdaşlığı sayəsində Made in Rio adlı debüt albomu işıq üzü görmüşdür. 2014-cü ildə ifaçının ikinci studiya albomu Reason to Stay, 2017-ci ildə isə RUBY adlı mini-albomu satışa buraxılmışdır.
| Laura Rizzoto | |
|---|---|
.jpg) Laura Rizzoto | |
| Ümumi məlumatlar | |
| Doğum adı |
Laura de Karvalyo Rizzotto port. Laura de Carvalho Rizzotto |
| Doğum tarixi | |
| Doğum yeri | Rio-de-Janeyro, Braziliya |
| Musiqiçi məlumatları | |
| Fəaliyyəti | müğənni, bəstəkar |
| Fəaliyyət illəri | 2009–h.h. |
| Janr | |
| Musiqi alətləri | vokal, gitara, ukulele, piano, |
| Albom şirkəti | Universal Music Brazil |
| Təhsili |
|
| laurarizzotto.com | |
 Vikianbarda əlaqəli mediafayllar | |
Rizzotto "Funny Girl" mahnısı ilə Latviyanı 2018 Avroviziya Mahnı Müsabiqəsində təmsil etmişdir.
Həyatı
redaktəLaura Rizzotto 18 iyul 1994-cü ildə Braziliyanın paytaxtı Rio-de-Janeyro şəhərində anadan olmuşdur. Onun atası Latviya və Braziliyanın ikili vətəndaşıdır. Rizzottonun Portuqal mənşəli Braziliyalı anası isə Latviyanın Liepaya şəhərində anadan olmuş və Riqada böyümüşdür. Onun ailəsi 2005-ci ildə Amerika Birləşmiş Ştatlarının Minnesota ştatında yerləşən Edina şəhərinə köçmüşdür. Onun uşaqlığı Rio-de-Janeyro və ABŞ-də keçmişdir. Orta məktəbdə təhsilini bitirdikdən sonra Rizzotto Bostonda yerləşən Berkli Musiqi Kollecinə daxil olmuşdur. 2013-cü ildə o, Los-Ancelesə köçmüş və orada Kaliforniya İncəsənət İnstitutuna daxil olaraq, musiqi sənəti üzrə təhsilini dərəcə ilə bitirmişdir. Daha sonra o, Nyu-Yorka köçmüş və 2017-ci ildə Kolumbiya Universitetini musiqi ixtisası üzrə magistr dərəcəsi ilə bitirmişdir.[1]
Karyerası
redaktəLaura Rizzotto öz musiqi karyerası 2009-cu ildə başlamış və növbəti ildə Universal Music Brazil albom şirkəti ilə anlaşma imzalamışdır. Onun 2011-ci ildə Made in Rio adlı debüt albomu işıq üzü görmüşdür. 2012-ci ildə Demi Lovatonun A Special Night with Demi Lovato turu çərçivəsində Braziliyada keçirdiyi konsertdə Rizotto da səhnə almışdır. 2014-cü ildə ifaçının üzərində özünün tək çalışdığı ikinci studiya albomu Reason to Stay təqdim olunmuşdur. 2016-cı ildən 2017-ci ilə kimi Rizzotto Cennifer Lopes üçün Portuqal dili məşqçisi kimi çalışmışdır.[2] 2017-ci ildə onun RUBY adlı mini-albomu satışa buraxılmışdır.
2017-ci ilin dekabr ayında Laura Rizzottonun "Funny Girl" mahnısı ilə Latviyanın LTV telekanalının 2018 Avroviziya Mahnı Müsabiqəsi üçün təşkil etdiyi milli seçim turunda iştirak edəcəyi təsdiqlənmişdir.[3] Fevral ayında baş tutan yarışmada Rizzotto səsvermədə rəqiblərini məğlub edərək, qalib gəlmiş və "Funny Girl" mahnısı ilə Latviyanı Portuqaliyanın paytaxtı Lissabonda keçirilən Avroviziya 2018-də təmsil etmək hüququ qazanmışdır.[4] Uzun sürən çalışmalardan sonra Laura 10 may tarixində baş tutan müsabiqənin ikinci yarımfinal mərhələsində 14-cü səhnə almışdır. Nəticədə ifaçı 106 xalla 12-ci yeri tutmuş və müsabiqənin finalına yüksələ bilməmişdir
Diskoqrafiya
redaktəAlbomlar
redaktə| Albom adı | İl |
|---|---|
| Made in Rio | 2011 |
| Reason to Stay | 2014 |
Mini-albomlar
redaktə| Albom adı | İl |
|---|---|
| RUBY | 2017 |
Sinqllar
redaktə| Mahnı adı | İl |
|---|---|
| "Friend in Me" | 2011 |
| "Reason to Stay" | 2014 |
| "Teardrops" | |
| "Love It (The World Cup Song)" | |
| "The High" | 2017 |
| "Cherry on Top" | |
| "Red Flags" | |
| "Funny Girl" |
İstinadlar
redaktə- ↑ "Bio". laurarizzotto.com. Laura Rizzotto. 2018-03-03 tarixində arxivləşdirilib. İstifadə tarixi: 18 fevral 2018.
- ↑ "Laura Rizzotto - «Supernova 2018» dalībniece" (latışca). LSM. 6 dekabr 2017. 2018-02-18 tarixində arxivləşdirilib. İstifadə tarixi: 2018-02-25.
- ↑ "Latvia: Supernova 2018 Participants Announced". eurovoix.com. Eurovoix. 6 dekabr 2017. 2018-01-20 tarixində arxivləşdirilib. İstifadə tarixi: 2018-02-25.
- ↑ "Laura wins Supernova!". escXtra. 24 fevral 2018. 2018-03-03 tarixində arxivləşdirilib. İstifadə tarixi: 2018-02-25.
| Əvvəlki: Triana Park "Line" |
Latviya Avroviziya Mahnı Müsabiqəsində  2018 |
Sonrakı: Carousel "That Night" |