Vikipediya

Leonardo DiKaprio

Leonardo DiKaprio (11 noyabr 1974[1][2][…], Los-Anceles, Kaliforniya) — amerikalı aktyor və film prodüseri. Karyerasının başlanğıcından 2019-cu ilədək çəkildiyi filmlər 7.2 milyard dollar gəlir gətirib və o, dünyanın ən çox qazanan aktyorlarının illik reytinqinə 8 dəfə başçılıq edib. O, bir "Oskar", üç "Qızıl Qlobus" və bir çox mükafatlara layiq görülüb.

Leonardo DiKaprio
ing. Leonardo DiCaprio
Leonardo DiKaprio 2019-cu ildə
Leonardo DiKaprio 2019-cu ildə
Doğum adı Leonardo Wilhelm DiCaprio
Doğum tarixi 11 noyabr 1974(1974-11-11)[1][2][…] (50 yaş)
Doğum yeri
Vətəndaşlığı
Partnyorları
Fəaliyyəti aktyor, kino aktyoru, ssenarist, televiziya aktyoru, film prodüseri, teatr aktyoru, ətraf mühit fəalı
Fəaliyyət illəri 1989-cu ildən
Mükafatları "İncəsənət və ədəbiyyat" ordeni kavaleri
Ən yaxşı kişi roluna görə "Oskar" mükafatı "Qızıl qlobus" mükafatı
IMDb ID0000138
Vikianbarın loqosu Vikianbarda əlaqəli mediafayllar

Los-Ancelesdə anadan olan DiKaprio karyerasına 1980-ci illərin sonlarında televiziya reklamlarında görünməklə başlayıb. 1990-cı illərin əvvəllərində komediya janrında olan "Parenthood" kimi müxtəlif televiziya seriallarında təkrarlanan rollarda oynayıb. İlk böyük film işi və baş rolu "Bu oğlanın həyatı" filmi ilə olub. 1997-ci ildə "Titanik" filmi ilə beynalxalq şöhrət qazanıb.

Həyatı

redaktə

Leonardo Vilhelm DiKaprio 11 noyabr 1974-cü ildə Kaliforniyanın Los-Anceles şəhərində doğulub.[8] O, İrmelin Indenbirken və Corc Di Kaprionun yeganə övladıdır. Onun anası İrmelin hüquq katibi, atası Corc isə komiks rəssamı və distribütoru olub.[9] Valideynləri kollecdə oxuyarkən tanış oldular və daha sonra məzun olduqdan sonra Los-Ancelesə köçdülər. Anası alman mənşəli, atası isə italyan və alman əsillidir.[10] Onun ana tərəfdən babası Vilhelm Indenbirken alman idi. Ana tərəfdən nənəsi Helen Indenbirken isə Almaniyada yaşayan rus mühacir idi. DiKaprio katolik inancı ilə böyüdülüb.[11] Bəzi mənbələr Leonardo DiKaprionun ana tərəfdən nənəsinin Ukraynanın Odessa şəhərində anadan olması ilə bağlı yalan iddialar irəli sürüb. Ancaq bu iddiaları təsdiqləyən heç bir dəlil yoxdur. DiKaprionun Ukraynada doğulmuş və ya Ukrayna irsi olan qohumlarının olması barədə heç bir məlumat yoxdur.[12]

DiKaprionun valideynləri onun adını Leonardo qoymağı seçiblər, çünki anasının hamiləlik dövründə xüsusi anı olub. O, İtaliyanın Florensiya şəhərindəki Uffitsi muzeyini ziyarət edirdi və təsadüfən Leonardo da Vinçinin rəsminə baxırdı. Elə həmin an körpəsinin bətnində təpik vurduğunu hiss etdi. Təsadüfdən və tanınmış rəssama olan heyranlıqdan ilhamlanaraq, oğullarına Leonardo adını qoymağa qərar verdilər. Leonardo DiKaprionun cəmi bir yaşı olanda atasının başqa qadına aşiq olması səbəbindən valideynləri boşanmaq qərarına gəliblər.[13] Bu vəziyyət atasının sonda ailə evindən köçməsinə səbəb oldu. Valideynləri uşağını birlikdə böyütmək üçün Los-Ancelesdəki Echo Parkda bir-birinə bağlı olan iki eyni kottecə köçmək qərarına gəldilər.[14] DiKaprionun atası sevgilisi və onun oğlu Adam Farrarla eyni evdə yaşayırdı. Zamanla DiKaprio və Adam arasında güclü və xüsusi münasibət yarandı. DiKaprio və anası sonda Los Feliz də daxil olmaqla Los-Ancelesin başqa bölgələrə köçdülər. O, valideynlərini "sözün hər mənasında bohem" adlandırıb, yəni onların qeyri-ənənəvi və azad ruhlu həyat tərzi var idi.[15] O, həmçinin onları "dünyada ən çox güvəndiyim insanlar" adlandırıb, onlara olan dərin etimadı və etibarını vurğulayıb.

DiKaprio fahişəlik, cinayət və zorakılıqla dolu olan kasıb məhlədə böyüdüyünü bildirib. O, dörd il Los Angeles Center for Enriched Studies (LACES)-də oxuyub. Bundan sonra o, Seeds İbtidai məktəbinə gedib. Bu məktəbi bitirdikdən sonra John Marshall Liseyinə daxil oldu.[16]DiKaprio dövlət məktəbinə getməyi sevmirdi və bunun əvəzinə aktyorluq karyerasını davam etdirmək istəyirdi. Təhsilini başa vurmamış məktəbi tərk etdi, lakin sonra çox çalışdı və nəticədə diplom ala bildi.[17]

O, uşaq ikən okean bioloqu ya da aktyor olmaq istəyirdi. DiKaprio sonda aktyor olmağı seçdi. O, personajları və insanları təqlid etmək üçün təbii istedada malik idi və başqalarının onun aktyorluq bacarığına necə reaksiya verdiyini görməkdən böyük həzz alırdı.[18] O, iki yaşında ikən tamaşalar etməyə maraq göstərib. Hər şey onun cəsarətlə səhnəyə çıxdığı bir tamaşa festivalında başladı. Musiqi səsləndikcə hərəkət etmək və özünü rəqslə ifadə etmək istəyinə qarşı dura bilmirdi. O, ögey qardaşı Adam Farrarın televiziya reklamına çəkilərək 50.000 dollar qazandığını görəndə aktyorluğa olan həvəsi daha da artdı.

Karyerası

redaktə

DiKaprionun aktyorluq karyerası 1989-cu ildə "Parenthood" adlı teleserial ilə başladı. Film çəkilişləri əsnasında ən yaxın yoldaşlarından biri olacaq Tobi Maquayr ilə tanış oldu. Eyni il məşhur sabun opera "Santa Barbara"-da rol aldıqdan sonra 1991-dən 1992-ə qədər Yeniyetməlik dövrü adlı teleserialda evsiz cavan Lyuk Brauer xarakteriylə tamaşaçı qarşısına çıxdı. İlk əhəmiyyətli rolu 1991-dəki Critters 3 filmindəki Coş xarakteri olan DiKaprio, 1993-də məşhur aktyor Robert De Niro ilə eyni filmdə oynama şansına nail olur.


"Bu oğlanın həyatı" filmindəki performansıyla New York Film Critics və the National Society of Film Critics tərəfindən müsbət rəylər alan DiKaprio, yenə eyni il "Gilbert Qreypi narahat edən nədir?" filmindəki performansıyla hələ 19 yaşındaykən ən yaxşı ikinci plan aktyoru kateqoriyasında Oskar mükafatına namizəd göstərilmişdi. 1995-də "Total Eclipse"-də daha əvvəl River Feniks üçün düşünülən ancaq Feniksin ani ölümüylə özünə verilən homoseksual şair Artur Rimbo rolunu canlandırdı. Eyni il heroin asılısı bir basketbolçunu canlandırdığı Basketbolçunun gündəliyi filmi ilə ulduzu daha çox parlamağa başlayan DiKaprio, məşhur rejissor Baz Lurmanın da marağını çəkməyə başlamışdı. Lurmanın, Vilyam Şekspirin bütün zamanlara meydan oxuyan əsəri "Romeo+Juliet"-i 1990-cı illərə uyğunlaşdırdığı istehsalında Claire Daneslə baş rolları paylaşan gənc aktyoru artıq bütün dünya tanıyırdı. Gənc qızların sevgilisi, Hollywoodun yeni idealı, ən böyük partlamasını Ceyms Kemeronun "Titanik" filmilə yaşayacaqdı. 1997-ci il aktyorun həyatında yeni bir səhifə açdı. Belə ki, Titanik filmində baş rolda yer alan DiKaprio dünyanın sevimlisinə çevrildi.

1998-də Alexandre Dumas père'nin romanı olan "The Man in the Iron Mask" filmində Jeremy Irons, John Malkovich və Jerar Depardye kimi aktyorlara bilrikdə çəkildi. Eyni il çılpaq fotoşəkillərini icazəsiz istifadə etdiyi səbəbiylə Playboy jurnalını məhkəməyə verdi. Söz-söhbətlərə görə fotoşəkillər, "Total Eclipse"-nin çəkilişləri əsnasında aktyorun məlumatı xaricində çəkilmiş və mətbuata verilmişdi. İddia DiKaprioya ödənən və məbləği açıqlanmayan bir təzminatla bağlandı. People jurnalı onu dünyanın ən gözəl 50 insanından biri olaraq siyahısına əlavə etdi.

2000-ci ildə Danny Boylanın daha əvvəl Ewan McGregor üçün düşündüyü "Çimərlik" filmindəki baş rolu DiKaprioya nəsib oldu. Bir il aradan sonra ən yaxşı yoldaşlarından biri olan Tobi Maquayr ilə baş rolları paylaşacaqları "Don's Plum" üçün kamera qarşısında idi.

2002 DiKaprio üçün olduqca şanslı bir il olacaqdı. Çünki oyunçu həm yaşayan ən yaxşı rejissor qəbul edilən Martin Skorsezenin "Nyu-Yorkun bandaları" filmində Deniel Dey-Lüislə birlikdə iş fürsəti tapacaq həm də məşhur Braziliyalı model Gisele Bündchenlə eşq yaşamağa başlayacaqdı. Ən yaxşı rejissorların kamerasında ulduzu da daha da parlayan DiKaprio, 2002-ci ildə Steven Spielbergin də Bacarırsansa məni tut filmində baş rol üçün düşündüyü ad oldu. DiKaprio 2004-də Demokrat Partiyaya qatılıb il boyunca John Kerryə seçki kampaniyasında dəstək verdi. Eyni zamanda qlobal istiləşmə və ətraf mövzusundakı həssas tutumuyla və işləriylə də tanınan aktyor, mövzuyla əlaqədar bir çox iclasa qatıldı.

2005-də üç il birlikdə olduğu sevgilsi Bündchendən ayrıldı və anasıyla birlikdə Los-Anceles Public Library-ın yanında Leonardo DiKaprio Computer Center adında bir mədəniyyət mərkəzi qurdu.

Skorseze DiKaprio ortaqlığı "Aviator" filmiylə davam etdi. Beş namizdəddə "Oskar" alan film, oyunçusuna və rejissoruna mükafat gətirməsə də bu vəziyyət 2 il sonra dəyişəcəkdi. Çünki "Dönüklər" sonunda Martin Skorseze ən yaxşı rejissor oskarını qazandırdı.

DiKaprio son olaraq Edward Zwickin 5 oskar namizədi olan "Qanlı almaz" filmi kamera qarşısına keçmiş və olduqca müvəffəqiyyətli olmuşdu.

2016-da Oscar aldı.

Filmoqrafiya

redaktə
  Əsas məqalə: Leonardo DiKaprionun filmoqrafiyası

İstinadlar

redaktə
  1. ↑ 1 2 Leonardo DiCaprio // Encyclopædia Britannica (ing.).
  2. ↑ 1 2 Leonardo Di Caprio // filmportal.de. 2005.
  3. ↑ 1 2 http://www.people.com/people/gisele_bundchen/biography.
  4. ↑ 1 2 http://www.ynetnews.com/articles/0,7340,L-3277618,00.html.
  5. ↑ 1 2 http://www.askmen.com/women/votes_300/395_dicaprios_girlfriends.html.
  6. ↑ 1 2 https://www.indiatoday.in/movies/celebrities/story/leonardo-dicaprio-after-break-up-with-kelly-rohrbach-spills-the-beans-on-his-marriage-leonardo-dicaprio-relationship-new-gf-303493-2016-01-12.
  7. ↑ 1 2 https://www.elle.com/culture/celebrities/a41368567/gigi-hadid-leonardo-dicaprio-relationship-timeline/.
  8. ↑ "Happy Birthday, Leonardo DiCaprio: Must-watch Movies of the Oscar-winning Actor". News18. November 11, 2021. August 2, 2023 tarixində arxivləşdirilib. İstifadə tarixi: August 2, 2023.
  9. ↑ Letran, Vivan. "DiCaprio Boosts Artist's Show". Los Angeles Times. August 19, 2000. October 13, 2015 tarixində orijinalından arxivləşdirilib. İstifadə tarixi: July 29, 2015.
  10. ↑ Michalski, Jennifer. "14 Celebrities Who Speak Multiple Languages". Business Insider. October 24, 2013. January 10, 2022 tarixində arxivləşdirilib. İstifadə tarixi: January 10, 2022.
  11. ↑ Saad, Nardine. "Leonardo DiCaprio and Pope Francis Meet to Discuss Climate Change Goals". Los Angeles Times. January 28, 2016. November 8, 2020 tarixində arxivləşdirilib. İstifadə tarixi: November 12, 2020.
  12. ↑ Dale, Daniel. "Fact Check: How a False Story About Leonardo DiCaprio Donating $10 Million to Ukraine Spread Around the World". CNN. March 12, 2022. August 30, 2022 tarixində arxivləşdirilib. İstifadə tarixi: August 30, 2022. DiCaprio [...] does not have a family member from Odessa or anywhere else in Ukraine, a source close to the actor told CNN on Wednesday.
  13. ↑ Chilton, Charlotte. "50 Photos That Display the Eternal Cool of Leonardo DiCaprio". Esquire. November 11, 2019. July 13, 2023 tarixində arxivləşdirilib. İstifadə tarixi: July 30, 2023.
  14. ↑ Green, Jesse. "Fresh Blood; Leonardo DiCaprio". The New York Times. February 12, 1995. August 9, 2016 tarixində arxivləşdirilib. İstifadə tarixi: June 14, 2016.
  15. ↑ Lindig, Sarah. "Leonardo DiCaprio Opens Up About His Very 'Bohemian' Upbringing". Harper's Bazaar. February 7, 2016. July 13, 2023 tarixində arxivləşdirilib. İstifadə tarixi: July 29, 2023.
  16. ↑ "Los Angeles Center For Enriched Studies: Facts about LACES". Los Angeles Center for Enriched Studies. January 15, 2014 tarixində arxivləşdirilib. İstifadə tarixi: May 15, 2013.
  17. ↑ Mathieson, Craig. "40 for 40: Leonardo DiCaprio Edition". Special Broadcasting Service. November 11, 2014. July 30, 2023 tarixində arxivləşdirilib. İstifadə tarixi: July 29, 2023.
  18. ↑ Rader, Dotson. "Leonardo DiCaprio: Man of the World". Parade. January 8, 2016. September 19, 2016 tarixində arxivləşdirilib. İstifadə tarixi: October 12, 2019.

Xarici keçidlər

redaktə
Mənbə — "https://az.wikipedia.org/w/index.php?title=Leonardo_DiKaprio&oldid=7639678"