Leroy Lansinq Ceyns
Leroy Lansinq Ceyns (ing. Leroy Lansing Janes; 1838, Ohayo – 1909) – Meyci dövrünün ilk illərində Yaponiyada fəaliyyət göstərmiş ABŞ pedaqoqu.
| Leroy Lansinq Ceyns | |
|---|---|
 | |
| Doğum tarixi | 1838 |
| Doğum yeri | |
| Vəfat tarixi | 1909 |
| Təhsili |
|
| Fəaliyyəti | missioner |
 Vikianbarda əlaqəli mediafayllar | |
İlk illəri
redaktəLeroy Lansinq Ceyns 1838-ci ildə ABŞ-nin Ohayo ştatında doğulmuş, ABŞ Hərbi Akademiyasında təhsil aldıqdan sonra ABŞ Vətəndaş müharibəsində iştirak etmişdir.[1]
Yaponiyada fəaliyyəti
redaktə1871-ci ildə Yaponiyada missionerlik edən Quido Verbek tərəfindən Yaponiyaya dəvət edilmişdir.[1] O, təklifi qəbul edərək Kumamotoda yerləşən Qərb məktəbində dərs vermək üçün Yaponiyaya gəlmişdir.[1] Ceyns yapon dilini bilməməsinə və bu dili öyrənmək istəməsə də, tədris proqramı onun tam ixtiyarına verilmişdir.[1] O, riyaziyyat, tarix və təbiətşünaslıq dərslərini ingilis dilində vermişdir.[1] Lakin birinci tədris ilindəki fəaliyyəti oxu və yazı ilə məhdudlaşmışdır.[1] O, əxlaqi tərbiyə ilə də məşğul olmuşdur.[1]
Ceyns tədrisin ilk üç ilində tələbələri ilə xristianlığı müzakirə etməkdən çəkinmişdir.[1] Çünki o düşünür ki, tələbələrinin xristianlıq ilə Qərb elmləri arasındakı əlaqəni yaxşı başa düşmələri üçün ingilis dilini yaxşı bilməlidirlər.[1] Onun təsiri altında 35 tələbəsi xristianlığı qəbul edərək Kumamoto bandası adı ilə tanınmışdır.[1] Onların arasında Ebina Danco və Ukita Kazutami təhsil və siyasət sahələri üzrə xristian liderlər olmuşdurlar.[1] Kumamotodakı mühafizəkar qüvvələrin təqibi səbəbilə 1876-cı ilin avqustunda məktəb bağlanmış, Kumamoto bandasının üzvləri Kioto şəhərində yerləşən Doşişa məktəbinə keçmişdirlər.[1]
Ceyns bir müddət Osaka ingilis məktəbində dərslər verdikdən sonra 1877-ci ildə ABŞ-yə qayıtmışdır.[1] 1893-cü ildə Kioto şəhərində yerləşən Üçüncü liseyə dəvət olunmuşdur.[1] Burada 2 il dərs vermişdir.[1] 1909-cu ildə Kaliforniya ştatında ölmüşdür.[1]
İstinadlar
redaktəƏdəbiyyat
redaktə- Kodansha Encyclopedia of Japan (ingiliscə). IV cild (J–Libe). Tokio: Kodansha. 1983. səh. 2. ISBN 0-87011-624-7. İstifadə tarixi: 13 avqust 2022.