Luka Bıç

Luka Lavrentyeviç Bıç (rus. Лука Лаврентьевич Быч, 30 noyabr 1870 – 12 yanvar 1944) — sağ menşevik. "Yedinstvo" təşkilatının üzvü. 1917–1918-ci illərdə Kuban Xalq Respublikasının ilk sədri.

Luka Bıç
Kuban Diyar Hökumətinin sədri
noyabr 1917 – dekabr 1918
Əvvəlki	Vəzifə təsis edildi.
Sonrakı	Flipp Suşkov
Kuban Radasının üzvü
1917 – mart 1920
Kuban Xalq Respublikasının Paris Sülh Konfransındakı Nümayəndə Heyətinin sədri
1919 – 1920
Bakı İctimai Təşkilatlar Şurasının sədri
1917 – 1917
Əvvəlki	V.İ.Frolov
Sonrakı	Vəzifə təsis edildi.
Bakı Şəhər Dumasının sədri
1912 – fevral 1917
Əvvəlki	Fyodor Qolovin
Sonrakı	Cümşüd Harutyunov
Şəxsi məlumatlar
Doğum tarixi	30 noyabr 1870(1870-11-30)
Vəfat tarixi	12 yanvar 1944(1944-01-12) (73 yaşında)
Vikianbarda əlaqəli mediafayllar

Həyat və fəaliyyəti

Luka Bıç 1870-ci ildə Pavlovski stanitsasında anadan olmuşdur. Moskva Universitetinin hüquq fakültəsini bitirmişdir. Fevral inqilabı ərəfəsində — 1912–1917-ci illərdə Bakı şəhər rəisi olmuşdur. Fevral inqilabından (1917) sonra o, Bakı Şəhər Duması adından vurduğu teleqramda yeni hökuməti salamlayaraq bildirirdi ki, Bakıda bu münasibətlə bir günlük təbrik tətili keçirilmişdir. Bıç 1917-ci il martın 5-də Müvəqqəti hökumətin Bakıda yaratdığı İctimai Təşkilatların İcraiyyə Komitəsinin sədri olmuşdur. 1917-ci ilin payızında Kuban vilayətində bolşeviklərə qarşı mübarizədə fəal iştirak etmiş, noyabrda müstəqil Kuban Respublikasının yaradıcılarından biri olmuş, ilk Kuban hökumətinin başçısı seçilmişdir. 1919-cu ildə Paris Sülh Konfransında Kuban Respublikası nümayəndə heyətinin başçısı kimi iştirak etmiş, keçmiş Rusiya imperiyası ərazisində yaranmış yeni dövlətlərin nümayəndələri ilə birlikdə həm bolşevik hakimiyyətinə, həm də Denikinin Rusiya imperiyasını bərpa etmək cəhdlərinə qarşı qətiyyətlə mübarizə aparmışdır.

Xarici keçidlər

• Кубанское казачество в 1917–1920 гг. на официальном сайте администрации Краснодарского края admkrai.kuban.ru  (rus.)
• Казачий словарь-справочник (Калифорния, 1950-е): БЫЧ Лука Лаврентьевич на сайте cossackdom.com  (rus.)
• Коваль Р. Нариси з історії Кубані. Перший кубанський прем'єр Лука Бич  (ukr.)