Müqəddəs Narek kilsəsi
Müqəddəs Narek kilsəsi — Ermənistanın Araqatsotn mərzinin Güllücə kəndində Erməni Həvari kilsəsi. Kilsə 2012-ci ildə Narek Pape kimi tanınan yerdə inşa edilmişdir. 25 avqust 2012-ci ildə məsh edilmişdir.
| Erməni Həvari kilsəsi | |
| Müqəddəs Narek kilsəsi | |
|---|---|
 | |
 | |
| Ölkə | |
Tarixi
redaktəƏsrlər boyu Abaran ərazisinin Güllücə (indiki Vardenis) kəndində "Papeli Narek" adlı İncil var idi. Kitab ata adı Pape olan bir ailəyə məxsus idi və o, Narek adlandırılmışdır. Bunun səbəbi Qriqor Narekatsinin "Mərsiyələr kitabı" deyil idi. İnanca görə, kitab bir İncil və müalicəvi qabiliyyətə malik idi, ona görə də kəndlilər onu "Papenin Nareki" adlandırırdılar. Kitabın məzmunu 1710-cu ildə Konstantinopolda nəşr olunan möcüzəvi tibb İncilindən haqqında idi. Pape kitabı özü ilə daşıyırdı, lakin daha sonra isə kitab onun qohumlarının evində, kənddəki Müqəddəs Akop kilsəsinin yanında saxlanılmışdır.[1]
Zaman keçdikcə Papenin törəmələri yavaş-yavaş o evi tərk edərək dünyanın müxtəlif yerlərində məskunlaşmağa başlamış və təbii olaraq "Papenin Nareki" adlı müqəddəs kitabı özləri ilə aparmışdılar. Ev xarabalıq halına qalmış, lakin buna baxmayaraq, kəndlilər yarı boş bir evə gələrək kitabların qoyulduğu yerdə müqəddəs şəkillər yerləşdirir, şam yandırır və dualar edirlər.[2]
2010-cu ildən başlayaraq kənddə Müqəddəs Akop kilsəsinin yenidən qurulması qərarı verilmişdir. Bu kilsənin uçmaq üzrə olan, müqəddəs kitabı olmayan evin yerində tikilməsi planlaşdırılmışdır. Sonralar Papenin xaricdəki törəmələri ilə əlaqə qurulmuş, onlarla kitab Ermənistana köçürülmüş və "Matenadaran"da iki il davam edən yenidənqurma layihəsindən sonra xüsusi qorunma şəraiti ilə "Müqəddəs Narek" kilsəsinə yerləşdirilmişdir. 2016-cı ildə Roma Papası Fransiskin Ermənistana səfəri çərçivəsində dövrün Ermənistan Prezidenti Serj Sarkisyan Roma Papasına ilk xristian ölkəsinin zəvvarı kimi Qriqor Narekatsinin xatirə heykəlinin miqyaslı maketini təqdim etmişdir.[3] Qriqor Narekatsinin heykəli 21 mart 2018-ci ildə Ermənistanın Vatikandakı səfiri Mixael Minasyan və biznesmen Artur Canibekyanın xeyriyyəçiliyi ilə qoyulmuşdur. Abidənin arxasında Müqəddəs Narek kilsəsi təsvir edilmişdir.[4][5]
Ənənə
redaktəHər il avqustun son bazar günü Vardenis kəndindəki Müqəddəs Akop kilsəsində liturgiyadan əvvəl ruhani təbəqənin rəhbərlik etdiyi möminlər Müqəddəs Narek kilsəsinə köçür. Yalnız o gün 1710-cu ildə nəşr olunan möcüzəvi tibb İncili Müqəddəs Akop kilsəsinə köçürülür. Həmin gün möminlərin "Papenin Nareki" ilə ünsiyyət qurmaq imkanı olan bir ziyarət günüdür. Müqəddəs Akop kilsəsində müqəddəs liturgiya və müqəddəs mərasim keçirilir.[6]
İstinadlar
redaktə- ↑ "The day of pilgrimage to the church of St.Acob in the Vardenis community of Aragatsotn". 2019-05-09 tarixində arxivləşdirilib.
- ↑ "the way of the Holy Book". 2022-07-28 tarixində arxivləşdirilib. İstifadə tarixi: 2018-04-05.
- ↑ "St. Gregory of Narek statue unveiled in Vatican Gardens – Video". Public Radio of Armenia (ingilis). 5 April 2018. 2018-04-08 tarixində arxivləşdirilib. İstifadə tarixi: 2018-04-05.
- ↑ Vaticannews. "St. Grigor Narekatsi monument is a symbol of brotherhood. photos "". vaticannews.va (italyan). 2018-04-06 tarixində arxivləşdirilib. İstifadə tarixi: 2018-04-05.
- ↑ "The image of Saint Narek Chapel on the monument of Narekatsi" (italyan). 2017-12-17 tarixində arxivləşdirilib. İstifadə tarixi: 2018-04-05.
- ↑ "A liturgy for the re-consecration of St. Hakob Church in Vardenis". 2020-11-11 tarixində arxivləşdirilib.