Müslüm Maqomayevin abidəsi (Moskva)

Müslüm Maqomayevin abidəsi — Rusiyanın paytaxtı Moskva şəhərində Müslüm Maqomayev parkında görkəmli Azərbaycan müğənnisi və bəstəkarı Müslüm Maqomayevin xatirəsinə ucaldılmış abidə

Müslüm Maqomayevin abidəsi
Ölkə	Rusiya
Yerləşir	Moskva
Heykəltaraşlar	Aleksandr Rukavişnikov İqor Voskresenski
Tikilib	15 sentyabr 2011
Vəziyyəti	əla
Hündürlüyü	4,5 metr
Material	tunc, qranit
Vikianbarda əlaqəli mediafayllar

Müslüm Maqomayevin abidəsinin daxil olduğu memarlıq-heykəltaraşlıq ansamblı Moskvada, Voznesenski və Yeliseyev döngələrinin kəsişdiyi yerdəki bağın cənub-şərq hissəsində, böyük musiqiçinin yaşadığı evin yaxınlığında ucaldılmışdır. Royal formasında cilalanmış qranitdən hazırlanmış abidə meydançasında - royalın qabaq divarı üzərində Maqomayevin ifa etdiyi ən məşhur mahnılardan biri olan "Sən mənim melodiyamsan" mahnısının sözləri və notları həkk edilmişdir. Müğənninin tunc heykəli qranit pyedestalda ucalır. Müəllifləri heykəltaraş, Rusiyanın xalq rəssamı Aleksandr Rukavişnikov və Rusiyanın əməkdar memarı İqor Voskresenski olan abidənin hündürlüyü 4,5 metrdən artıqdır.

Açılışı

"Krokus" Qapalı Səhmdar Cəmiyyətinin prezidenti Araz Ağalarovun təsis etdiyi Müslüm Maqomayevin Mədəni-Musiqi İrsi Fondunun dəstəyilə hazırlanmış abidənin təntənəli açılış mərasimi 15 sentyabr 2011-ci ildə olmuşdur. Açılış mərasimində Rusiyanın və Azərbaycanın rəsmi şəxsləri, ziyalılar, ictimaiyyət nümayəndələri iştirak etmişdir.

Şəkilləri

• 
  Açılış mərasimi
• 
  Açılış mərasimi

Mənbə

• MOSKVADA MÜSLÜM MAQOMAYEVİN ABİDƏSİ. mediaforum.az Arxivləşdirilib 2012-11-12 at the Wayback Machine  (az.)

Həmçinin bax

• Müslüm Maqomayev
• Müslüm Maqomayevin Mədəni-Musiqi İrsi Fondu
• Müslüm Maqomayev parkı (Moskva)
• Müslüm Maqomayev parkı (Kiyev)