Araz Ağalarov

Araz Ağalarov
Araz Ağalarov
Doğum tarixi	8 noyabr 1955 (69 yaş)
Doğum yeri	Bakı, Azərbaycan SSR, SSRİ;
Uşağı	Emin Ağalarov;
Təhsili	Azərbaycan Texniki Universiteti;
Fəaliyyəti	iş adamı, sahibkar, iqtisadçı
Partiyası	Azərbaycan Kommunist Partiyası (–1991);
Mükafatları	; ; ;
	Vikianbarda əlaqəli mediafayllar

Ağalarov Araz İsgəndər oğlu (8 noyabr 1955, Bakı, Azərbaycan SSR, SSRİ) — iqtisad elmləri doktoru. Ümum-Rusiya Azərbaycan Konqresinin vitse-prezidenti.^[1]

Həyatı

Araz Ağalarov 1955-ci il noyabrın 8-də Bakıda anadan olmuşdur^[2].

1977-ci ildə Bakı Politexnik Universitetinə qəbul olmuş, 1982-ci ildə Azərbaycan Politexnik İnstitutunu bitirib. Elə həmin il Moskvaya gedərək aspiranturaya daxil olub. 1977–1983-cü illər isə Elmi-Tədqiqat İnstitutunu bitirib. 1983–1987-ci illərdə SSRİ Həmkarlar İttifaqlarının Ümumittifaq Mərkəzi Şurası yanında Ali Məktəbin dinləyicisi olub^[2].

Ümum ittifaq Həmkarlar İttifaqı Mərkəzi Şurasında işləməyə başlayıb. 1988-ci ildə kooperativ hərəkatı başlayanda kiçik müəssisə yaradaraq sərgi fəaliyyəti ilə məşğul olub.

Fəaliyyəti

Araz Ağalarov və Dmitri Medvedyev

1990-cı ildə ilk dəfə Rusiyada ABŞ-dən olan tərəfdaşları ilə Comtech adlanan kompüter texnologiyaları sərgisi təşkil edib. Artıq 5 il sonra onun sərgisi Comdex (Las-Veqas) və Cebit (Hannover) sərgilərindən sonra statusuna görə dünyada III yeri tutub.

Beləliklə, RF-də müxtəlif sayələrə dair beynəlxalq sərgilər üzrə yeganə böyük operator olub. Bundan başqa, 1991-ci ildə ilk eksklüziv ayaqqabı mağazası açıb. Daha sonra tikinti biznesi ilə məşğul olmağa başlayıb və 1992-ci ildə Moskvanın mərkəzində indi də ən elitar, bahalı ev olan "Ağalarov evi"nin tikintisini başa çatdırıb. Yenə həmin il Rusiyada 66 min kvadratmetr sahasi olan ilk hipermarketi tikib.

Dünyada analoqu olmayan bu hipermarketdə eyni vaxtda 400 min adda mal satılır. 2000-ci ildə Moskva dairəvi yolunun üzərində 75 hektar sahəsi olan "Krokus siti" şəhərciyinin tikintisinə başlayıb. Ticarət, əyləncə, biznes və sərgi meydançalarının vahid kompleksdə birləşdiyi "Krokus siti" son onilliyin ən irimiqyasli və maraqlı layihələrindən sayılır.

Araz Ağalarov iqtisad elmləri doktorudur. "Krokus intenəşnl" Şirkətlər Qrupunun prezidenti, "Krokus-Bank" idarə heyətinin sədri, Rusiya istehsalçilar və idxalçilar ittifaqının prezidenti, Moskva Beynəlxalq Bizness Assosiasiyasının və "Opora Rossii" ictimai təşkilatının vitse-prezidenti, "Biznes i vıstavkı" jurnalının baş redaktorudur.

Araz Ağalarovun sərgilərin təşkili və keçirilməsində böyük səriştəsi var. 1985-ci ildə kooperativ hərəkatı başladıqda ÜİHİMŞ-dakı vəzifəsindən imtina edərək kiçik bir müəssisə açıb. Hələ 1990-cı ilə qədər moskvalı biznesmenlər kompüter arxasınca Honkonqa, Sinqapura, Tayvana, bəzən də Amerikaya gedirdilər.

Tədarükçüləri kompüter sərgilərinin keçirildiyi yerlər maraqlandırırdı. Araz Ağalarov düşünürdü ki, bəs Rusiyada niyə belə sərgilər keçirilməsin, onun yaratdığı müəssisə məhz bu işlərlə məşğul olmağa başladı və 1990-cı ildə Rusiyada kompüter texnologiyaları üzrə ilk sərgini təşkil etdi. Sərgi "Comtech" adlanırdı.

1995-ci ildə onun sərgiləri Las-Veqasda Comdex və Hannoverdə keçirilən Cebit sərgilərindən sonra dünyada statusuna görə üçüncülük qazandı. Araz Ağalarov sonralar "Comtech"dəki payını bir ingilis şirkətinə sataraq "Krokus Siti" layihəsini həyata keçirməyə başladı.

1991-ci ildə Araz Ağalarov Stoleşnikov döngəsi ilə Petrovkanın kəsişdiyi yerdə ilk eksklüziv ayaqqabı mağazası açdı. Bu, o vaxtlar çox məşhur mağaza idi.

1995-ci ildə Araz Ağalarov yaşayış evi tikmək fikrinə düşür və Moskvanın ən bahalı və elit evi sayılan "Ağalarov evi"nin tikintisini başa çatdırır. Onun 1997-ci ildə Moskva dairəvi avtomobil yolu (MKAD) ilə Kaşirsk şosesinin kəsişdiyi yerdə tikdirdiyi ilk hipermarketin də dünyada tayı-bərabəri yoxdur. Çünki orada eyni vaxtda 400 min adda mallar satılır.

Diqqətçəkən cəhətlərdən biri də odur ki, Araz Ağalarov "Krokus siti"yə daxil olan ilk obyektlərini ya keçmiş çirkab çalaları olan yerdə, ya da bataqlıqda tikdirib. "Sənin evin" ticarət mərkəzini tikən zaman ilk traktor əraziyə girərkən bataqlıqda batmışdı. Sonradan onu qaldırıcı kranla çəkib çıxardılar. Bu bataqlıqları qurutmaq üçün orada drenaj quruldu, əraziyə çoxlu çınqıl və qum töküldü.

"Müslüm Maqomayevin Mədəni-Musiqi İrsi Fondu" qeyri-kommersiya təşkilatının təsisçisidir.^[3] Təşkilat istedadlı uşaqları və gənc musiqiçiləri dəstəkləyir və dövlət ali musiqi məktəblərinin sonuncu kurs tələbələri üçün təqaüd proqramı hazırlayıb.^[4]

Araz Ağalarov vitse-prezidenti olduğu Ümum-Rusiya Azərbaycan Konqresi Rusiyadakı azərbaycanlıların ən böyük və nüfuzlu təşkilatıdır. Bu gün ÜAK Rusiya və Azərbaycan arasında ticari-iqtisadi, mədəni və digər əlaqələrin inkişafı və möhkəmləndirilməsinə, birgə iri iqtisadi və sosial layihələrin gerçəkləşməsinə yardım göstərir, mövcud problemləri həll etmək, maneələri aradan qaldırmaq istiqamətində geniş tədbirlər həyata keçirir.

Şəxsən Araz Ağalarovun bu sahədə xidmətləri əvəzsizdir. O, kompaniyası ərazisində yerləşdiyi Krasnoqorski rayonunun uşaq evlərinə kömək göstərir və xeyriyyə aksiyalarında iştirak edir. O, istedadlı azərbaycanlıların xaricdə təhsil almasına köməklik göstərməyi də özünə borc bilir.

Araz Ağalarov 50-dən çox elmi işin, "Rossiya na puti k rınku" monoqrafiyasının müəllifi, Azərbaycanlıların Milli-Mədəni Muxtariyyəti Şurasının üzvüdür. 2012-ci ildə Forbes jurnalının Rusiyanın "daşınmaz əmlak kralları"na dair hazırladığı reytinqdə Araz Ağalarov ikinci yeri tutur. Onun rəhbərlik etdiyi "Crocus" şirkətinin daşınmaz əmlak icarəsindən gəlirləri 2011-ci ildə 700 mln. dollar təşkil edib^[5].

Mükafatları

2006-cı il martın 13-də Azərbaycan Respublikası prezidentinin sərəncamı ilə dünya azərbaycanlılarının həmrəyliyi sahəsində fəaliyyətinə görə "Tərəqqi" medalı ilə təltif edilib^[2].
2013 — "Şərəf" ordeni^[6]

İstinadlar

↑ Bağıyeva, Mətanət. Xaricdə yaşayan azərbaycanlılar. Qısa bioqrafik məlumat kitabçası (PDF) (az.). Bakı: "Papirus NP". 2016. ISBN 978-9952-8299-1-4. 2017-10-21 tarixində arxivləşdirilib (PDF). İstifadə tarixi: 2017-10-21.
↑ ¹ ² ³ "Azərbaycan dövləti tərəfindən təltif edilən diaspor nümayəndələri" (az.). olaylar.az. 18.03.2013 17:53. 2014-08-03 tarixində arxivləşdirilib. İstifadə tarixi: 2014-04-01.
↑ "Moskvada Müslüm Maqomayev adına Ulduzun təməli qoyulacaqdır" (az.). azertag.az. İstifadə tarixi: 2023-10-23.
↑ "Araz Ağalarov tələbələr üçün pul ayırdı –"Müslüm Maqomayev" təqaüdü üçün ərizə qəbulu" (az.). strateq.az. 2022-05-20 tarixində arxivləşdirilib. İstifadə tarixi: 2023-10-23.
↑ Rusiyanın "daşınmaz əmlak kralları"nın reytinqinə üç azərbaycanlı başçılıq edir Arxivləşdirilib 2012-02-03 at the Wayback Machine, Azəri Press Agentliyi
↑ Araz Ağalarov "Şərəf" ordeni ilə təltif edildi. ^{[ölü keçid]} (az.)

Xarici keçidlər

www.adam.az Araz Ağalarov haqqında Arxivləşdirilib 2016-03-04 at the Wayback Machine

[1] Bağıyeva, Mətanət. Xaricdə yaşayan azərbaycanlılar. Qısa bioqrafik məlumat kitabçası (PDF) (az.). Bakı: "Papirus NP". 2016. ISBN 978-9952-8299-1-4. 2017-10-21 tarixində arxivləşdirilib (PDF). İstifadə tarixi: 2017-10-21.

[olaylar.az-2] ¹ ² ³ "Azərbaycan dövləti tərəfindən təltif edilən diaspor nümayəndələri" (az.). olaylar.az. 18.03.2013 17:53. 2014-08-03 tarixində arxivləşdirilib. İstifadə tarixi: 2014-04-01.

[3] "Moskvada Müslüm Maqomayev adına Ulduzun təməli qoyulacaqdır" (az.). azertag.az. İstifadə tarixi: 2023-10-23.

[4] "Araz Ağalarov tələbələr üçün pul ayırdı –"Müslüm Maqomayev" təqaüdü üçün ərizə qəbulu" (az.). strateq.az. 2022-05-20 tarixində arxivləşdirilib. İstifadə tarixi: 2023-10-23.

[5] Rusiyanın "daşınmaz əmlak kralları"nın reytinqinə üç azərbaycanlı başçılıq edir Arxivləşdirilib 2012-02-03 at the Wayback Machine, Azəri Press Agentliyi

[6] Araz Ağalarov "Şərəf" ordeni ilə təltif edildi. ^{[ölü keçid]} (az.)

[1]

[2]

[3]

[4]

[5]

[6]