Məbud İsmayılzadə

Məbud İbrahim oğlu İsmayılzadə (24 mart 1924, Zərdab rayonu17 sentyabr 2004, Bakı) – rejissor, inzibatçı, Azərbaycan SSR əməkdar incəsənət xadimi (1979).

Məbud İsmayılzadə
Doğum tarixi 24 mart 1924(1924-03-24)
Doğum yeri
Vəfat tarixi 17 sentyabr 2004(2004-09-17) (80 yaşında)
Vəfat yeri
Fəaliyyəti rejissor
Mükafatları "Azərbaycan SSR əməkdar incəsənət xadimi" fəxri adı — 1979

HəyatıRedaktə

Məbud İbrahim oğlu 1924-cü ildə Zərdab rayonunda anadan olmuşdur. 1951-ci ildə Azərbaycan Dövlət Teatr İnstitunun rejissorluq fakültəsini bitirib. Müxtəlif vəzifələrdə çalışan Məbud müəllim 1973-cü ildə N.B.Vəzirov adına Lənkəran Dövlət Dram Teatrına direktor və baş rejisor təyin edilir. Bu teatr yeni təşkil edildiyindən, o, buranı teatr səviyyəsinə gətirmək üçün çox əziyyət çəkir.

Azərbaycan teatrının görkəmli şəxsiyyətlərindən olan Mehdi Məmmədovun 1978-ci ildə dediklərini onun əməyinə verilən ən yaxşı qiymətdir: "Lənkəran Dövlət Dram Teatrı yaşca balaca olsa da, repertuar səviyyəsinə görə daha dolğun, daha mənalıdır. Sözün əsl mənasında bu teatra qibtə edirəm. Bütün akademik teatrlar bu teatrdan öyrənməlidir."

M.İsmaylzadə həmçinin respublikada ilk teatrlaşdırılmış kütləvi bayramların əsasını qoyub. Belə ki, 1967-cı ildə ilk dəfə rəsmi keçirilən Novruz bayramının, 70-ci illərin məhsul bayramlarının, 1982-ci ilfə Şuşada Vaqif poeziya günlərinin ssenari müəllifi və qurluşçu rejissoru M.İsmayılzadə olub.

MükafatlarıRedaktə

  • Azərbaycan SSR əməkdar incəsənət xadimi — 2 aprel 1979[1]

İstinadlarRedaktə