Mədəniyyət (qəzet)

Mədəniyyət — Azərbaycan Respublikasının Mədəniyyət Nazirliyinin rəsmi qəzeti.

Mədəniyyət
Format	A3
Təsisçi	Azərbaycan Respublikası Mədəniyyət və Turizm Nazirliyi
Baş redaktor	Vüqar Əliyev
Yaranma tarixi	2 yanvar 1991
Dil	Azərbaycan dili
Qiymət	30 qəpik
Səhifə	8
Ünvan	AZ1073. Bakı ş. Moskva pros.1, Cəfər Cabbarlı adına "Azərbaycanfilm" kinostudiyası. 2-ci mərtəbə.
Tiraj	2000
medeniyyet.az

Haqqında

"Mədəniyyət" qəzetinin ilk sayı 1991-ci ilin 2 yanvar tarixində nəşr olunub. Qəzetin təsisçisi Azərbaycan Respublikası Mədəniyyət Nazirliyidir. Nazirliyin mətbu orqanı kimi nəşrin başlıca vəzifəsi Azərbaycanda mədəniyyət sahəsində həyata keçirilən dövlət siyasətini işıqlandırmaq, bu sahədə görülən işləri ictimaiyyətə çatdırmaqdır.

İstiqaməti və məzmunu

Azərbaycanın mədəni həyatının müxtəlif sahələri – teatr, musiqi, kino, rəssamlıq, heykəltəraşlıq, xalq yaradıcılığı və tətbiqi sənətlər, eləcə də mədəni irs, tarix və ədəbiyyatımız, folklor, aşıq yaradıcılığı, habelə muzey, kitabxana və digər mədəniyyət müəssisələrinin fəaliyyəti qəzetin səhifələrində əksini tapır. Bundan əlavə, dünya mədəniyyətinin diqqətçəkən olayları, Azərbaycanın beynəlxalq mədəni əlaqələri, milli adət-ənənələr və mənəvi dəyərlər, mədəniyyətlərarası dialoq, mədəni müxtəliflik kimi mövzular qəzetin gündəm mövzularını təşkil etməkdədir.

Qəzet həftədə iki dəfə (çərşənbə və cümə günləri) çıxır.