Məmməd Məcidoğlu
Məmməd Məcidoğlu (Abdullayev Məmməd Məcid oğlu; 1 iyun 1947, Xan Qərvənd kəndi, Goranboy rayonu, Azərbaycan SSR, SSRİ) — Azərbaycan şairi. Azərbaycan Yazıçılar Birliyinin üzvü, Azərbaycan Aşıqlar Birliyinin üzvü.
| Məmməd Abdullayev | |
|---|---|
| Abdullayev Məmməd Məcid oğlu | |
| Təxəllüsü | Məmməd Məcidoğlu |
| Doğum tarixi | |
| Doğum yeri | Xanqərvənd kəndi, Goranboy rayonu, Azərbaycan SSR, SSRİ |
| Vətəndaşlığı |
 SSRİ Azərbaycan |
| Milliyyəti | Azərbaycanlı |
| Təhsili | Azərbaycan Dövlət Neft Akademiyası |
| Əsərlərinin dili | Azərbaycanca |
| Janrlar | şeir, qəzəl |
Həyatı
redaktəAbdullayev Məmməd Məcid oğlu 1947-ci ildə Goranboy rayonunun Xanqərvənd kəndində anadan olmuşdur. Gənc yaşlarından bədii yaradıcılıqla məşğul olmuş, şeirləri müxtəlif qazet və jurnallarda, almanaxlarda çap olunmuşdur. İlk şeirlərini Bakı maliyyə-kredit texnikumunda və Azərbaycan Neft Akademiyasında oxuduğu illərdə yazsa da, onun şeir yaradıcılığının cilalanması və püxtələşməsi rəhmətlik Həkim Qəninin yaratdığı və bu gün də ölməz ruhunun rəhbərlik etdiyi Vahid poeziya məclisi ilə bağlıdır. "Vahid poeziya məclisi"nin üzvüdür.[1][2]
Yaradıcılığı
redaktəMəmməd Məcidoğlu çağdaş ədəbiyyatımızda az işlənən, elə bu səbəbdən də az qala unudulmaqda olan müxəmməs, mürəbbe, müstəzad, müsəddəs, sürud, qitə kimi klassik şeir janrlarına müraciət etmiş və uğurlu nəticələr qazanmışdır. Şeirlərində yeni məzmun, xüsusən vətənpərvərlik, üstəlik, hərbi-vətənpərvərlik mövzusu daha diqqətəşayan bir yer tutur. O, dövlətimizin, xalqımızın bu günü ilə səsləşən, tariximizin indiki məqamında son dərəcə vacib olan bu mövzunu klassik qəzəl janrına da uğurla gətirə bilmiş və oxucuların rəğbətini qazanan gözəl şeir nümunələri yaratmışdır. 2011-ci ildə "Ümumrespublika Satira və Qəzəl" müsabiqəsinin qalibi olmuşdur.[1][2]
Kitabları
redaktə- “Təcnislər” (2005)
- “Məni qınamayın, sevirəm deyə” (2007)
- “Dünyam vardı...” (2008)
- “Divan” (2010)
- “Mən yadına düşəcəyəm” (2011)
- “İkinci divan” ( 2012)
- "Qayıt desən qayıdardım"
- "Sonetlər"
- "Fəlakət demə mənsizliyinə"
- "İlahi, sevirəm yaratdığını" (2017)
İstinadlar
redaktə- ↑ 1 2 "Yeni mövzu, yeni məzmun, yeni mündərəcə". 2023-08-04 tarixində arxivləşdirilib. İstifadə tarixi: 2017-06-08.
- ↑ 1 2 "Mirzə Ələkbər Sabirin vəfatının 100-cü ildönümü münasibətilə keçirilən müsabiqənin qalibləri mükafatlandırılıb - FOTO". 2023-08-04 tarixində arxivləşdirilib. İstifadə tarixi: 2017-06-08.