Məmməd Xəlilov

Məmməd Xəlilov
Məmməd Xəlilov
Azərbaycan SSR kənd təsərrüfatı naziri
	17 mart 1965 – 9 oktyabr 1976
Əvvəlki	Əsgər Orucov; (kənd təsərrüfatı məhsulları istehsalı və tədarükü naziri kimi)
Sonrakı	Məmməd Əsgərov
Azərbaycan SSR naziri
	30 mart 1963 – 30 sentyabr 1963
Azərbaycan Kənd Təsərrüfatı Texnikası Birliyinin sədri
	16 mart 1961 – 17 mart 1965
Əvvəlki	birlik yaradılıb
Sonrakı	Yevgeni Çeqodayev
Azərbaycan SSR kənd təsərrüfatı nazirinin birinci müavini
	1960 – 1961
Nazir	Möhsün Poladov
Şəxsi məlumatlar
Doğum tarixi	9 sentyabr 1917
Doğum yeri	Yelizavetpol, Yelizavetpol quberniyası, Rusiya imperiyası;
Vəfat tarixi	9 oktyabr 1976 (59 yaşında)
Vəfat yeri	Bakı, Azərbaycan SSR, SSRİ;
Dəfn yeri	Fəxri Xiyaban;
Partiya	Sovet İttifaqı Kommunist Partiyası (1958–1976);
Fəaliyyəti	siyasətçi
Təltifləri	;

Məmməd Rza oğlu Xəlilov (9 sentyabr 1917, Yelizavetpol – 9 oktyabr 1976, Bakı) — Azərbaycan partiya və dövlət xadimi, Azərbaycan SSR kənd təsərrüfatı naziri (1965–1976), Azərbaycan SSR Ali Sovetinin 6–9-cu çağırış deputatı, Azərbaycan SSR əməkdar kənd təsərrüfatı mexanizatoru.

Həyatı redaktə

Məmməd Rza oğlu Xəlilov 1917-ci ildə hazırkı Gəncə şəhərində anadan olmuşdur. 1940-cı ildə Melitopol Kənd Təsərrüfatı Mühəndis-Mexanizatorları İnstitutunu bitirdikdən sonra o, Azərbaycan SSR Xalq Əkinçilik Komissarlığına işləməyə göndərilmişdir.^[1]

1941-ci ildən Sovet Ordusu sıralarında xidmət etmiş, Böyük Vətən müharibəsində iştirak etmişdir. 1945-ci ildən 1958-ci ilədək Azərbaycan SSR Kənd Təsərrüfatı Nazirliyində, Pambıqçılıq Nazirliyində mühəndis, şöbə rəisi, sonralar isə Azərbaycan SSR Kənd Təsərrüfatı Nazirliyinin MTS və TTS baş idarəsinin rəisi vəzifələrində işləmişdir.^[2]

1959-cu ildən Azərbaycan Kommunist Partiyası Mərkəzi Komitəsinin kənd təsərrüfatı şöbəsi müdirinin müavini, 1960-cı ildən Azərbaycan SSR kənd təsərrüfatı nazirinin birinci müavini vəzifələrində çalışmışdır. 1961–1965-ci illərdə Azərbaycan SSR Kənd Təsərrüfatı Texnikası Birliyinin sədri, 1965-ci ildən Azərbaycan SSR kənd təsərrüfatı naziri olmuşdur.^[3]^[4]

Məmməd Xəlilov 1958-ci ildən Sov.İKP üzvü olmuş, Azərbaycan SSR Ali Sovetinin 6–9-cu çağırış deputatı seçilmişdir.^[5] O, 1963–1964-cü illərdə Azərbaycan KP MK kənd təsərrüfatı bürosunun, 1965-ci ildən isə Azərbaycan KP MK üzvü olmuşdur.^[3]

Məmməd Xəlilov 9 oktyabr 1976-cı ildə Bakıda vəfat etmişdir.^[6] I Fəxri Xiyabanda dəfn edilmişdir.^[7]

Təltifləri redaktə

"Azərbaycan SSR əməkdar kənd təsərrüfatı mexanizatoru" fəxri adı — 24 may 1960
3 dəfə "Qırmızı əmək bayrağı" ordeni — 30 aprel 1966, 27 avqust 1971, 12 dekabr 1973
"Döyüş xidmətlərinə görə" medalı — 5 noyabr 1944
"İgidliyə görə" medalı — 2 mart 1945
"Köniqsberqin alınmasına görə" medalı (təqdimat: 7 oktyabr 1946)
"1941–1945-ci illər Böyük Vətən müharibəsində Almaniya üzərində qələbəyə görə" medalı — 9 may 1945 (təqdimat: 7 oktyabr 1946)
"1941–1945-ci illər Böyük Vətən müharibəsində qələbənin 20 illiyi" yubiley medalı — 7 may 1965
"1941–1945-ci illər Böyük Vətən müharibəsində qələbənin 30 illiyi" yubiley medalı — 25 aprel 1975
"SSRİ Silahlı Qüvvələrinin 50 illiyi" yubiley medalı — 26 dekabr 1967
"Vladimir İliç Leninin anadan olmasının 100 illiyi münasibətilə" yubiley medalı — 1970
Ümumttifaq Kənd Təsərrüfatı Sərgisinin qızıl medalı — 30 dekabr 1956
Ümumttifaq Kənd Təsərrüfatı Sərgisinin gümüş medalı — 22 oktyabr 1955
2 dəfə Ümumttifaq Kənd Təsərrüfatı Sərgisinin medalı — 24 may 1956, 20 avqust 1957
2 dəfə Xalq Təsərrüfatı Nailiyyətləri Sərgisinin qızıl medalı — 3 dekabr 1967, 18 noyabr 1975
2 dəfə Xalq Təsərrüfatı Nailiyyətləri Sərgisinin gümüş medalı — 18 noyabr 1971, 24 noyabr 1971
Xalq Təsərrüfatı Nailiyyətləri Sərgisinin medalı — 12 may 1965

İstinadlar redaktə

↑ М. Р. Хәлилов // Коммунист. № 238 (16367). 12 октјабр 1976-ҹы ил. С. 3.
↑ Хәлилов Мәммәд Рза оғлу // Азәрбајҹан ССР Али Советинин депутатлары. Алтынҹы чағырыш. Бакы: Азәрбајҹан ССР Али Советинин нәшри. 1965. С. 305.
↑ ^3,0 ^3,1 Khalilov, Memed Rzaogly // Prominent personalities in the USSR (ingilis). Metuchen, New Jersey: Scarecrow Press. 1968. səh. 258.
↑ Хәлилов Мәммәд Рза оғлу // Азәрбајҹан ССР Али Советинин депутатлары. Једдинҹи чағырыш. Бакы: Азәрбајҹан ССР Али Советинин нәшри. 1968. С. 340.
↑ Хәлилов Мәммәд Рза оғлу // Азәрбајҹан ССР Али Советинин депутатлары. Доггузунҹу чағырыш. Бакы: Азәрбајҹан Дөвләт Нәшријјаты. 1976. С. 350.
↑ Азәрбајҹан Коммунист Партијасынын Мәркәзи Комитәсиндән, Азәрбајҹан ССР Али Советинин Рәјасәт Һеј'әтиндән, Азәрбајҹан ССР Назирләр Советиндән // Коммунист. № 237 (16366). 10 октјабр 1976-ҹы ил. С. 1.
↑ Xəlilov Məmməd Rza oğlu // Fəxri Xiyaban. Bakı: Heydər Əliyev Fondu. 2007. səh. 97.

Xarici keçidlər redaktə

"Халилов Мамед Рзаевич" (rus). Подвиг народа. İstifadə tarixi: 25 dekabr 2021.
"Mammad R Khalilov" (ingilis). Find a Grave. İstifadə tarixi: 25 dekabr 2021.

[kom76-1] М. Р. Хәлилов // Коммунист. № 238 (16367). 12 октјабр 1976-ҹы ил. С. 3.

[dep6-2] Хәлилов Мәммәд Рза оғлу // Азәрбајҹан ССР Али Советинин депутатлары. Алтынҹы чағырыш. Бакы: Азәрбајҹан ССР Али Советинин нәшри. 1965. С. 305.

[prom-3] 3,0 ^3,1 Khalilov, Memed Rzaogly // Prominent personalities in the USSR (ingilis). Metuchen, New Jersey: Scarecrow Press. 1968. səh. 258.

[dep7-4] Хәлилов Мәммәд Рза оғлу // Азәрбајҹан ССР Али Советинин депутатлары. Једдинҹи чағырыш. Бакы: Азәрбајҹан ССР Али Советинин нәшри. 1968. С. 340.

[dep9-5] Хәлилов Мәммәд Рза оғлу // Азәрбајҹан ССР Али Советинин депутатлары. Доггузунҹу чағырыш. Бакы: Азәрбајҹан Дөвләт Нәшријјаты. 1976. С. 350.

[6] Азәрбајҹан Коммунист Партијасынын Мәркәзи Комитәсиндән, Азәрбајҹан ССР Али Советинин Рәјасәт Һеј'әтиндән, Азәрбајҹан ССР Назирләр Советиндән // Коммунист. № 237 (16366). 10 октјабр 1976-ҹы ил. С. 1.

[fx-7] Xəlilov Məmməd Rza oğlu // Fəxri Xiyaban. Bakı: Heydər Əliyev Fondu. 2007. səh. 97.

[1]

[2]

[3]

[4]

[5]

[6]

[7]