Məmmədsadıq Sadıqov

Məmmədsadıq Sadıqov (1924–1994) — iqtisad elmləri doktoru, professor.

Məmmədsadıq Sadıqov
Məmmədsadıq Sadıqov Mustafa oğlu
Doğum tarixi	13 dekabr 1924
Doğum yeri	Nuxa (indiki Şəki), Azərbaycan SSR, ZSFSR, SSRİ
Vəfat tarixi	1994
Vəfat yeri	Bakı
Vətəndaşlığı	SSRİ→ Azərbaycan
Elm sahəsi	iqtisad
Elmi dərəcəsi	elmlər doktoru
Elmi adı	professor
Təhsili	Azərbaycan Dövlət İqtisad Universiteti V.Plexanov adına Moskva Dövlət İqtisad İnstitutu, aspirantura
Elmi rəhbəri	prof. Q.F.İvanovun
Mükafatları

Həyatı

Məmmədsadıq Sadıqov 1924-cü ildə Şəkidə anadan olmuşdur. 1941-ci ildə 7 saylı orta məktəbi bitirib.

1942-ci ildə könüllü olaraq hərbi xidmətə getmişdir.

Elmi fəaliyyəti

Məmmədsadıq Sadıqov 1947-ci ildə Azərbaycan Dövlət İqtisad Universitetinə daxil olub, 1952-ci ildə bitirmişdir. Elmi Şuranın qərarına əsasən V.Plexanov adına Moskva Dövlət İqtisad İnstitutunun aspiranturasına göndərilmişdir.

1977-ci ildə isə Moskva şəhərində İctimai Elmlər Akademiyasının Elmi Şurasında "Şəhər ilə kənd arasında sosial-iqtisadi fərqlərin aradan qaldırılması" mövzusunda doktorluq dissertasiyasını müdafiə edib.

Məmmədsadıq Sadıqov 70-dək monoqrafiya, dərslik, dərs vəsaiti, elmi-kütləvi kitab və məqalələrin müəllifidir. 1961-ci ildə dosent, 1977-ci ildə isə professor adını almışdır.

Əmək fəaliyyəti

Məmmədsadıq Sadıqov 1956-cı ildən Bakı Ali Partiya Məktəbinin siyasi iqtisad kafedrasında baş müəllim, dosent, kafedra müdiri vəzifələrində çalışıb.

Kitabları

• "Şəhər ilə kənd arasında sosial-iqtisadi fərqlərin aradan qaldırılması" (Azərnəşr, 1968),
• Şəhər ilə kənd arasında fərqlərin aradan qaldırılması problemləri (Azərnəşr, 1970),
• Siyasi iqtisad (Maarif, 1972);
• Siyasi iqtisad (Maarif, 1975);
• Azərbaycan SSR kənd rayonları gənclərinin peşə yönümü və peşə seçiminin müasir vəziyyəti (AzNİİNTİ, 1976);
• Şəhər ilə kənd arasında sosial-iqtisadi fərqlərin aradan qaldırılması (Azərnəşr, 1978).

Vəfatı

Məmmədsadıq Sadıqov 1994-cü ildə vəfat etmişdir.