Mənim əzizim (film, 2006)
Mənim əzizim (hind: जान-ए मन, Rom: Jaan-E-Man) hind dilində çəkilmiş və 20 oktyabr 2006-cı ildə ekranlara çıxarılmış hind komediyasıdır. Rejissor Şiriş Kunderanın debüt işi hesab edilir. Film həm Hindistanda, həm də xaricdə tənqidçilər tərəfindən yüksək qiymətləndirilmişdir.
| Mənim əzizim | |
|---|---|
| hind. जानेमन | |
| Janr | musiqili film[1], LGBT mövzulu film[d], romantik film |
| Rejissor | Şiriş Kundera |
| Prodüser | Sadcid Nadiadvala |
| Baş rollarda |
Salman Xan Priti Zinta Akşay Kumar |
| Operator | Sudit Çaterdji |
| Bəstəkar | Anu Malik |
| Distribütor | Netflix |
| İlk baxış tarixi | 20 oktyabr 2006 |
| Müddət | 175 dəq. |
| Ölkə | |
| Dil | Hind dili |
| Rəng | rəngli |
| IMDb | ID0456481 |
Süjet xətti
redaktəKollec ulduzu, tələbə rok qrupunun üzvü Suhan Kapur gözəl Pianın sevgisini asanlıqla əldə edir. Onu ümidsizcəsinə sevən əlaçı tələbə Aqastya belə bir rəqibə qarşı heç bir şansının olmadığını başa düşür və geriyə çəkilir. Piya kolleci bitirdikdən sonra varlı valideynlərinin istəyinin əksinə olaraq kino sahəsində karyera qurmaq niyyətində olan kasıb Suhanla evlənir. Piya onu dəstəkləyir və nəhayət ona bir prodüser şirkəti ilə sərfəli müqavilə imzalamaq təklif olunur, Amma bunun üçün Suhan Piyadan ayrılmalıdır ki, bunu da asanlıqla edir. Piya xəyanətə dözür və Suhana hamilə olduğunu belə demir. Dostlarından birinin sayəsində Nyu Yorka köçür, gül dükanı açır və qızı Sühanini tək böyüdür.
Suhanın karyerası müvəffəqiyyətsizlik ilə nəticələnir, belə ki, onun debüt filmi müvəffəqiyyətsizlik ilə nəticələnir və prodüserlər onunla işləməkdən imtina edirlər. O, qeyri-adi işlər ilə məşğul olmaq istəyir və inanır ki, bu işlər qarşıda ona gözlədiyi şöhrəti və məşhurluğu gətirəcək, Amma birdən-birə onun qayğısız həyatı alimentin ödənilməsi ilə bağlı məhkəmə qərarı ilə kölgədə qalır. Qızının aliment pulunu verə bilməyən və ya vermək istəməyən Suhan kömək üçün vəkil əmisinə müraciət edir. Onların qanundan yan keçmək üçün şansları çox azdır, lakin qəfildən Hindistana ilk sevgisi Piyanı tapmaq üçün gələn Aqastyanın simasında bir xilaskar mələk onlara görünür. Amerikada təhsil alıb kosmonavt olan Aqastya Piyanı unuda bilməyib və həmişə şansını yenidən sınamaq arzusunda olub. Kollecdən sonrakı həyatı haqqında heç nə bilmədiyi üçün onun köhnə ünvanını tapır. Aqastyanın meydana çıxmasının onun problemini həll edə biləcəyini hiss edən Suhan planlarını onunla sınayır və onun Piyaya qarşı ciddi niyyətlərinin olduğuna əmin olduqdan sonra onu Nyu Yorka gedib onunla evlənməyə razı salır. Aqastyanın yeganə problemi bütün həyatı boyu qadınlarla münasibətdə ona mane olan utancaqlığıdır. Təcrübəli qadın ovçusu olan Suhan ona Piyanı qazanmağa kömək edəcəyinə söz verir. Nəhayət, Aqastya razılaşır və hər ikisi planlarını həyata keçirmək üçün okeanın o tayına keçirlər.
Nyu Yorkda Suhan ağıllı və qorxaq Aqastyanı müstəqil qərarlar verməyi bacaran və metroseksual etmək üçün çox çalışmalı olur. Suhanın özü, tanınmaması üçün daimi olaraq reinkarnasiya edib, Aqastyanın ardınca gedir və mini radionun köməyi ilə Aqastyanın hərəkətlərini istiqamətləndirir. Aqastya Piyanı asanlıqla qazana bilir, çünki onun sözləri və hərəkətləri ona hələ də sevdiyi Suhanı xatırladır. Yavaş-yavaş Suhan onu sevdiyini anlamağa başlayır, lakin oyun artıq çox uzaqlara getmişdir. Nəhayət, Suhana qızını görmək imkanı verilir və bu, onun planlarını kəskin şəkildə dəyişdirir. O, bir dəfə səhv etdiyini başa düşür və yeni bir həyata başlamaq qərarına gəlir. Başlamaq üçün o, iş axtarışına çıxır və səhvən uşaq bezlərinin reklamı üçün qız axtaran bir reklam şirkətinin kastinqinə gedir. Hər kəsin çaşbaş qaldığı Suhan kastinqdə iştirak edir və çox gəlirli müqavilə imzalayır. Onun siması ekranlardan, reklam lövhələrindən ayrılmır. İndi yalnız Piya ilə görüşmək və onu geri qaytarmağa çalışmaq qalır, Ancaq bu anda Piya Aqastya ilə evlənməyə razılaşır …