Maşın şou

"Maşın Şou"^[1] (tam adı "Maşın" realiti şou) — realiti şou janrında olan layihə. Şounun müəllif və aparıcısı Murad Dadaşovdur. M Group Production şirkətinin layihəsidir. Layihə uzun müddət Lider (11 buraxılış), ATV (4 buraxılış) və ANS telekanalında (bir buraxılış) yayımlanıb. 2005-ci ildə başlayan şounun bu illər ərzində 16 buraxılışı və 288 iştirakçısı olmuşdur. İlk 3 buraxılışda sıravi vətəndaşlar iştirak etsə də, 4-cü şoudan başlayaraq, maşın ətrafında yalnız şou biznesin tanınmış simaları olub.

20 gün canlı efirdə yayımlanan layihənin 18 günü yarışmadan ibarətdir və 18 nəfər iştirak edir. Layihədə iştirakçı olmaq ödənişsizdir və hər bir iştirakçı yarışmaya M Group Production şirkətinin rəhbərliyi adından şəxsən dəvət olunur. Eyni zamanda canlı efirdə tamaşaçı qismində iştirak edən auditoriya da şirkət tərəfindən məxsusi dəvətnamə ilə çağırılır.

Oyunun şərtlərinə görə, iştirakçı tələb olunan vaxtda əlini maşın üzərindən çəkə bilməz. Əks halda oyunu tərk etməlidir.

İştirakçılar arasında keçirilən gizli səsverməyə əsasən hər gün bir nəfər yarışmadan getməlidir. Getməli olan iştirakçının oyunda qalıb-qalmaması canlı efirdə topladığı sms-lərdən asılı olur. Beləliklə, yetərincə səs toplamayan iştirakçı yarışmanı tərk edir. Qaldığı təqdirdə isə digər oyun yoldaşını şoudan uzaqlaşdıra bilər. Əks halda özü gedir. "Maşın" realiti şousunun ən məşhur ifadəsi də bu zaman səslənir: "Maşın əldən getdi!"

Oyunda sona qalan üç nəfər artıq finalda sayılır. Bu andan etibarən şouda final şərtləri qüvvəyə minir: finalçılar günün çox hissəsini maşından ayrılmadan, ayaqüstə, yuxusuz və digər fizioloji tələbatlarını ödəmədən keçirir. Bu məqamda yalnız mənəvi deyil, həm də fiziki cəhətdən güclü olan şəxs maşına sahib olur.

"Maşın" realiti şousunun buraxılışları

Maşın Şou 15

"Maşın" realiti-şousunun 15-ci "sürəti"^[2]. "XANIMLAR VS CƏNABLAR" adlandırılmışdır^[3]. Şounun qalibi Talıb Tale olmuşdur.

İştirakçılar

Bu yubiley buraxılışda iştirakçılar cinsi bərabərlik prinsipi ilə bölünmüşdür; 9 kişi iştirakçı və 9 qadın iştirakçı^[3].

Ən yaşlı iştirakçının 67, ən cavanının isə 30 yaşı var idi^[4]. Siyahıda yer alan 18 nəfərin içində müxtəlif peşə sahibləri – aktyorlar, teleaparıcılar, müğənnilər və reperlər, meyxanaçılar və jurnalistlər vardı.

teleaparıcı Vüsalə Kərimova
müğənni Nazim Pişyari
aktrisa Tünzalə Əliyeva
meyxanaçı Vüqar Əbdulov
müğənni Xatun Əliyeva
teleaparıcı İlqar Mikayıloğlu
prodüser Ülviyyə Alovlu
aktyor İlkin Miskərli
teleaparıcı Zemfira Adıgözəlova
müğənni Vüqar Muradov
meyxanaçı Samirə Yusifqızı
müğənni Rauf Əhmədov
müğənni Günel Ələkbərova
müğənni Talıb Tale
teleaparıcı Vüsalə Əlizadə
reper Elşad Xose
aktrisa Mehriban Xanlarova
aktyor Arif Quliyev.

İştirakçılar arasında ən təcrübəlisi Mehriban Xanlarova və Günel Ələkbərovadır. Bu onların artıq 3-cü iştirakları idi. Tünzalə Əliyeva, Nazim Pişyari, Vüqar Əbdulov və Elşad Xose isə ikinci dəfə iştirak edirdilər.

Yayımlanması

Realiti-şouya 8 oktyabr 2017-ci ildə, saat 22:15 ATV telekanalında start verilmişdir^[4].

Maşın Şou 16

"Maşın" realiti-şousunun 16-cı "sürəti". "XANIMLAR VS CƏNABLAR 2" adlandırılmışdır. İlk gün meyxanaçı Ələkbər Yasamal, ikinci gün aparıcı Günel Hümbətova, üçüncü gün aparıcı Azər Axşam, dördüncü gün aktyor Məcid Hüseynov, beşinci gün "Qurd" ləqəbli reper Fərid İmanov, altıncı gün aparıcı Firuzə Cəlilova və aparıcı Ilhamə Bədəlova, yeddinci gün aktyor Cavidan Novruz, səkkizinci gün aparıcı Mətanət Əliverdiya, doqquzuncu gün müğənni Əli Mirəliyev, onuncu gün müğənni Ruhəngiz Musəvi, şounu tərk etmişdir. On birinci gün müğənni Rahidə Baxışova, on ikinci gün müğənni Abbas Bağırov, on üçüncü gün aktrisa Pərvin Abıyeva və aparıcı Aytən Səfərova şounu tərk etmişdir. Finala isə 3 nəfər: Uran, Roza Zərgərli və Hüseyn Əzizoğlu qalmışdır. Finalın 1-ci günü Uran şounu tərk etmişdir. İki günlük final mübarizəsi isə müğənni Roza Zərgərlinin qələbəsi ilə başa çatmışdır, amma Roza Zərgərli Maşın Şou tarixində ilk dəfə bir qalib kimi maşından imtina etmiş və şounun təşkilatçısı və aparıcısı Murad Dadaşovdan maşının hansısa xeyriyyə işinə sərf olunmasını xahiş etmişdir.

İştirakçılar

Şouda maşın uğrunda mübarizə aparmış 9 tanınmış kişi və 9 tanınmış qadın^[5]:

aktyor Cavidan Novruz
aparıcı Mətanət Əliverdiyeva
meyxanaçı Ələkbər Yasamallı
aparıcı Günel Hümbətova
aparıcı Azər Axşam
aparıcı Firuzə Cəlilova
aktyor Məcid Hüseynov
aparıcı Aytən Səfərova
video-bloqqer Hüseyn Əzizoğlu
aparıcı İlhamə Bədəlova
reper "Uran" ləqəbli İbrahim İbrahimov
müğənni Rahidə Baxışova
müğənni Əli Mirəliyev
müğənni Ruhəngiz Musəvi
reper "Qurd" ləqəbli Fərid İmanov
aktrisa Pərvin Abıyeva
müğənni Abbas Bağırov
müğənni Roza Zərgərli

Yayımlanması

Realiti-şouya 29 may 2018-ci ildə, saat 22:15 ATV telekanalında start verilmişdir.

Maşın Şou 17

"Maşın" realiti-şousunun 17-ci "sürəti". "Hind Kinosu" adlandırılmışdır. Şounun qalibi Xəyalə Quliyeva olmuşdur.

İştirakçılar

Yayımlanması

Realiti-şou 2018-ci ilin dekabr ayında ATV telekanalında yayımlanmışdır.

"Maşın" realiti şousunun xronologiyası


Adı	Qalib	Keçirilmə tarixi	Telekanal
Maşın 1: Birinci sürət	Malik Eyvazov	oktyabr 2005	Lider
Maşın 2: İkinci sürət	Gülya Əliyeva	dekabr 2005	Lider
Maşın 3: Üçüncü sürət	Adil Qəhrəmanov	mart 2006	Lider
Maşın 4: Ulduzlu gecələr	Rafael İsgəndərov	may 2006	Lider
Maşın 5: Payız əfsanəsi	Turan İbrahimov	oktyabr 2006	Lider
Maşın 6: Korrida	Ülvi Cəfərov	mart 2007	Lider
Maşın 7: 007	Murad Arif	may 2007	Lider
Maşın 8: Dəhşət	Könül Kərimova	yanvar-fevral 2008	Lider
Maşın 9: Qızıl həyəcanı	Əlikram Bayramov	sentyabr 2009	Lider
Maşın 10: Transformer	Sadığ Mustafayev	may 2010	Lider
Maşın 11: Revanş	Müşfiq Şahverdiyev	dekabr 2011	Lider
Maşın 12: Möhtəşəm	DJ Çina	dekabr 2013	ATV
Maşın 13: Daha bir nağıl	Xatirə İslam	may 2015	ANS
Maşın 14: Qarşıdurma	İslam Mehrəliyev	may-iyun 2017	ATV
Maşın 15: XANIMLAR VS CƏNABLAR	Talıb Tale	oktyabr 2017	ATV
Maşın 16: XANIMLAR VS CƏNABLAR 2	Roza Zərgərli	may-iyun 2018	ATV
Maşın 17: Hind Kinosu	Xəyalə Quliyeva	dekabr 2018	ATV
Maşın 18: Maskarad	Suna Kasımoğlu	oktyabr 2019	ATV

İstinadlar

↑ MAŞIN ŞOU Arxivləşdirilib 2017-10-12 at the Wayback Machine. news.atv.az (az.)
↑ "Maşın-şou" başladı — Oyunu ilk tərk edən kim olacaq? — FOTOLAR Arxivləşdirilib 2017-11-12 at the Wayback Machine. news.atv.az, 09.10.2017 (az.)
↑ ¹ ² "Maşın" realiti-şousunda — Möhtəşəm yeniliklər Arxivləşdirilib 2017-11-12 at the Wayback Machine. news.atv.az, 03.10.2017 (az.)
↑ ¹ ² "Maşın" realiti-şousunun iştirakçıları bəlli oldu — Kimlər var, kimlər yox… Arxivləşdirilib 2017-11-12 at the Wayback Machine. news.atv.az, 07.10.2017 (az.)
↑ "Maşın"da yarışacaq məşhurların adları məlum oldu — Siyahı+ Fotolar Arxivləşdirilib 2018-09-20 at the Wayback Machine. qafqazinfo.az, 30.05.2018 (az.)

Xarici keçidlər

Maşın Şounun bütün 16 buraxılışının qalibləri (az.)

[1] MAŞIN ŞOU Arxivləşdirilib 2017-10-12 at the Wayback Machine. news.atv.az (az.)

[atv.az87990-2] "Maşın-şou" başladı — Oyunu ilk tərk edən kim olacaq? — FOTOLAR Arxivləşdirilib 2017-11-12 at the Wayback Machine. news.atv.az, 09.10.2017 (az.)

[atv.az87762-3] ¹ ² "Maşın" realiti-şousunda — Möhtəşəm yeniliklər Arxivləşdirilib 2017-11-12 at the Wayback Machine. news.atv.az, 03.10.2017 (az.)

[atv.az87956-4] ¹ ² "Maşın" realiti-şousunun iştirakçıları bəlli oldu — Kimlər var, kimlər yox… Arxivləşdirilib 2017-11-12 at the Wayback Machine. news.atv.az, 07.10.2017 (az.)

[qafqazinfo-5] "Maşın"da yarışacaq məşhurların adları məlum oldu — Siyahı+ Fotolar Arxivləşdirilib 2018-09-20 at the Wayback Machine. qafqazinfo.az, 30.05.2018 (az.)

[1]

[2]

[3]

[4]

[5]