Mancuriya tozağacı

Mancuriya tozağacı (lat. Betula mandshurica) — bitkilər aləminin fıstıqçiçəklilər dəstəsinin tozağacıkimilər fəsiləsinin tozağacı cinsinə aid bitki növü.

Mancuriya tozağacı
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptophyta Klad: Embryophytes Klad: Polysporangiophytes Klad: Tracheophytes Klad: Toxumlu bitkilər Klad: Çiçəkli bitkilər Klad: Eudicots Klad: Core eudicots Klad: Superrosids Klad: Rosids Klad: Fabids Dəstə: Fıstıqçiçəklilər Fəsilə: Tozağacıkimilər Yarımfəsilə: Betuloideae Cins: Tozağacı Növ: Mancuriya tozağacı
Beynəlxalq elmi adı
Betula mandshurica Nakai, 1915
Şəklin VikiAnbarda axtarışı ITIS   195238

Təbii yayılması

Şimal-Şərqi Çində yayılmışdır.

Botaniki təsviri

Hündürlüyü 20 m-ə, gövdəsinin diametri 40-50 sm-ə çatan seyrək çətirli ağacdır. Gövdəsinin qabığı ağ, bozumtul-ağ, qara və s. rənglərdə olur. Budaqların ucunda vəzilər vardır. Yarpaqları dairəvi üçkünc, ovalşəkilli, ölçüləri 3-9 sm olub, enli pazşəkilli və ya ürəkşəkillidir. Aprel-iyun aylarında çiçəkləyir. Meyvələri iyul-sentyabr aylarında yetişir. Meyvələri qanadcıqdır, eni uzunluğundan 1,5 dəfə böyükdür.

Ekologiyası

Rütubətli torpaqlarda yaxşı bitir, xəstəliklərə dözümlüdür.

Azərbaycanda yayılması

Mərkəzi Nəbatat Bağında introduksiya olunmuşdur. Azərbaycanın bəzi rayonlarında mədəni şəraitdə becərilir.

İstifadəsi

Tək əkinlərdə, bataqlıqların qurudulmasında istifadəsi məqsədyönlüdür. Abşeronda yaşıllaşdırmada müxtəlif formaları istifadə olunur.