Vikipediya

Marek Hamşik

Slovakiyalı futbolçu

Marek Hamşik (27 iyul 1987[3][4][…], Banska Bistritsa[5]) — Hücumameylli yarımmüdafiəçi mövqeyində oynayan slovakiyalı peşəkar futbolçu. Napoli futbol komandasının kapitanı və Slovakiya milli futbol komandasının vitse kapitanıdır.

Marek Hamşik
Hamşik, Napoli. Mart, 2015
Hamşik, Napoli. Mart, 2015
Ümumi məlumatlar
Doğum tarixi (36 yaş)
Doğum yeri Banská Bystrica, Çexoslovakiya
Vətəndaşlığı
Boyu 1,83 m[1]
Çəkisi 79 kq[2]
Mövqeyi Hücumameylli yarımmüdafiəçi, Mərkəz yarımmüdafiəçisi
Klub haqqında məlumat
Klub Napoli FK
Nömrəsi 17
Karyerası
Gənclik karyerası
2001–2002 Jupie Padlovice
2002–2004 Slovan Bratislava
Klub karyerası[* 1]
2004 Slovan Bratislava 6 (1)
2004–2007 Breşiya 65 (10)
2007– Napoli 319 (81)
Milli yığma[* 2]
2003–2004 Slovakiya (17 yaşlılar) 6 (3)
2005–2006 Slovakiya (19 yaşlılar) 6 (1)
2006–2007 Slovakiya (21 yaşlılar) 2 (0)
2007– Slovakiya 89 (19)
  1. ↑ Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı.
  2. ↑ Rəsmi oyunlarda milli yığmanın heyətində keçirdiyi oyunların və vurduğu qolların sayı.
Vikianbarın loqosu Vikianbarda əlaqəli mediafayllar

Karyerasına 2004-cü ildə Slovan Bratislavada başladıqdan 1 il sonra İtaliyanın Breşiya komandasına keçmişdir. 2007-ci ildə A Seriyasına təzəcə qayıdan Napoliyə transfer edilmiş və orada start heyət oyunçusuna çevrilmişdir. Onun enerjisi, liderlik, yaradıcılıq qabiliyyətləri və yarımmüdafidən qol vəziyyəti yaratma təsəvvürü komandaya iki İtaliya kuboku, bir İtaliya Superkuboku, UEFA Çempionlar Liqasına vəsiqə və 2014-15-ci il UEFA Avropa Liqasının yarımfinalına vəsiqə qazandırmasında rol oynamışdır. Milli komandada o, Slovakiyanı 2010-cu il Dünya Çempionatında təmsil etmiş və komandası qrup mərhələsinin son matçında sabiq çempion İtaliyanı məğlub edərək səkkizdə bir finala vəsiqə qazanmışdır. 2016-cı il Avropa Çempionatında da Hamşik əsas heyətdə yer almışdır. 

Çıxışlarına görə, Hamşik həmçinin bir çox fərdi mükafatın da qalibi olmuşdur. O, beş dəfə Slovakiyanın ən yaxşı futbolçusu seçilmiş və 2008-ci ildə A Seriyasının Ən Yaxşı Gənc Futbolbolçusu mükafatını qazanmışdır. 2011-ci ildə A Seriyasında İlin komandasının tərkibində, həmçinin 2015-ci ildə Avroliqada mövsümün komandasında yer almışdır. 2013-cü ildə Hamşik Bloomberg tərəfindən Avropada ən yaxşı səkkizinci futbolçu seçilmişdir[6].  

Klub karyerası redaktə

İlk illəri redaktə

Banska Bistrikada boya-başa çatmasına baxmayaraq, Marek heç vaxt əsas yerli komanda olan Dukla Banska Bitrikada forma geyməmişdir. Əvəzində kiçik gənclər komandası olan Jupie Podlavice'da oynamağa başlamışdır.[7] 2002-ci ildə Slovakiyanın aparıcı futbol komandalarından olan Slovan Bratislava ilə müqavilə imzalamışdır. Burada 6 oyun keçirmiş və 1 qol vurmuşdur.  

2004-cü ildə 17 yaşlı gənc istedad kimi 500.000 €-ya Breşiyaya transfer olunmuşdur.[8] A Seriyasındakı debüt matçında komandası səfərdə Kiyevo Veronaya 3-1 hesabı ilə məğlub olmuşdur.[8] Növbəti mövsümdə, Breşiya çempionatı 19-cu pillədə başa vurur və B Seriyasına düşür. 2005-06-cı illərdə o, Breşiyada 24 oyun keçirir və komandası mövsümü 10-cu pillədə başa vurur. 2006-07 mövsümündə isə Marek baxımlı oyun sərgiləyərək, 40 oyuna 10 qol vurur. 

İstinadlar redaktə

  1. ↑ "17 Marek Hamsik". SSC Napoli (italyan). 5 November 2016 tarixində arxivləşdirilib. İstifadə tarixi: 7 June 2016.
  2. ↑ http://www.sscnapoli.it/Squadra/Marek-Hamsik.
  3. ↑ Marek Hamsik // Transfermarkt (çd.). 2000.
  4. ↑ MAREK HAMSYK // Argentine Soccer Database (isp.).
  5. ↑ Munzinger Sport (alm.).
  6. ↑ "Messi and Ronaldo joined by Ribery in top three of new list of Europe's top 50 stars" Arxivləşdirilib 2022-04-28 at the Wayback Machine Sky Sports.
  7. ↑ Harsányi, Ladislav (28 June 2007). "Prinesie Hamšík do Podlavíc milióny ?" Arxivləşdirilib 2012-04-15 at the Wayback Machine. (slovakca). pravda.sk
  8. ↑ 1 2 Rastislav Hribik (27 Aprel, 2007). "Hamšík home at Brescia".uefa.com.
Mənbə — "https://az.wikipedia.org/w/index.php?title=Marek_Hamşik&oldid=7103112"