Mariya Krutsifiksa
Mariya Krutsifiksa (xorv. Marija Krucifiksa Kozulić) — Xorvat xeyriyyəçisi, pedaqoq, İsanın Müqəddəs Qəlbi Bacıları Cəmiyyətinin yaradıcısı.
| Mariya Krutsifiksa | |
|---|---|
| xorv. Marija Krucifiksa Kozulić | |
 | |
| Doğum tarixi | 20 sentyabr 1852[1] |
| Doğum yeri | |
| Vəfat tarixi | 29 sentyabr 1922[1] (70 yaşında) |
| Vəfat yeri | |
| Fəaliyyəti | religious[d], nun[d] |
| Fəaliyyət illəri | 1879-cu ildən |
 Vikianbarda əlaqəli mediafayllar | |
Bioqrafiya
redaktəO, 19-cu əsrin əvvəllərində Riyekaya köçən Loşinjdən olan varlı gəmi sahiblərinin ailəsindən idi[2]. 14 yaşında o, doğma şəhərindəki şəhər və Benediktin Müqəddəs Rox monastırının musiqi məktəbini bitirmiş, burada italyan dilini öyrənmişdir. Mariya Krutsifiksa ilk illərini evdə oturaraq və anasına kömək etməklə, qardaş və bacılarına dərs verməklə keçirir. Bacısı İrene Riyekadakı məktəbdə fizika və riyaziyyat müəllimi olur. Onun qardaşı Cüzeppe Nikolo 1885-ci ildə hələ təhsilini davam etdirərkən 22 yaşında vəfat edir. Onun Emiliya adlı bacısı fərdi müəllim işləyirdi və bir bacısı rahibə olmuşdu. 1874-cü ildə Nyu-Yorkdan Odessaya səyahət zamanı gəmi qəzaya uğradıqdan sonra atasının şirkəti müflis olur və ailəni köçməyə məcbur edir. 1879-cu ildə Mariya Krutsifiksa ailəsi ilə birlikdə yaxınlıqdakı Triestə köçərək, orada İsa Məsihin Müqəddəs Qəlbi kultuna qoşulur və kilsə geyimləri mağazasının ortaq sahibi və meneceri olur. Daha sonra o, 1895-ci ildə bitirdiyi Qoriziyadakı Ursulin Pedaqoji Məktəbinə daxil olur. Elə həmin il, Krutsifiksa doğma şəhərinə qayıtdıqdan sonra, milliyyətindən və dinindən asılı olmayaraq küçə qızlarını qəbul edən uşaq evini və uşaq bağçasını özündə birləşdirən İsanın Müqəddəs Ürəyi İnstitutunu təsis etdi. Dörd il sonra onun ölümünə qədər rəhbəri olduğu İsanın Müqəddəs Ürəyinin Bacıları Cəmiyyətini qurur.
Xatirəsi
redaktə2007-ci ildə təhsil və xeyriyyəçilik fəaliyyətinə görə o, Riyekanın Apostolu tituluna layiq görülmüş və sonradan onun beatifikasiya prosesi başlamışdır.
2008-ci ildə qurduğu cəmiyyət Riyekadakı qadın tələbə evinin binasına onun adını verilib.
2013-cü ildə rejissor Bernardino Modriç Krutsifiksanın fəaliyyətindən bəhs edən “Riyekanın anası” adlı sənədli film çəkmişdir[3] (xorv. Riječka Majka).
İstinadlar
redaktə- ↑ 1 2 Marija Kozulić // Hrvatski biografski leksikon (xorv.). 1983.
- ↑ "DRUŽBA SESTARA PRESVETOG SRCA ISUSOVA - Biografia di Fondatrice". www.sestre-scj.hr. 2023-01-30 tarixində arxivləşdirilib. İstifadə tarixi: 2023-04-23.
- ↑ Hrvatska enciklopedija, 2021.