Mariya Svolu
Mariya Svolu və ya Mariya Desipri (yun. Μαρία Σβώλου; 1892[1], Afina – 3 iyun 1976[1]) — Yunanıstan feministi və sosialist lideri.
| Mariya Svolu | |
|---|---|
| yun. Μαρία Σβώλου[1] | |
| Şəxsi məlumatlar | |
| Doğum tarixi | 1892[1] |
| Doğum yeri |
|
| Vəfat tarixi | 3 iyun 1976[1] |
| Dəfn yeri | |
| Partiya |
|
| Fəaliyyəti | siyasətçi, qadın hüquqları fəalı[d] |
| Həyat yoldaşı |
|
Həyatı
redaktəMariya Desipri 1892-ci ildə Afinada Corc Desiprosun ailəsində anadan olub. Üç bacısı olan Mariya iki il Pirey şəhərində yaşayıb. O, gənc yaşlarında atası Yunanıstan Milli Bankının filialının direktoru təyin olunanda ailəsi ilə birlikdə Larisa şəhərinə köçüb. Burada Larisa Arsakion məktəbində təhsil alan Mariya 1907-ci ildə məzun olub. O, 1915-ci ildə atasının ölümündən sonra ailəsi ilə Afinaya qayıdıb. 1916-cı ildə fransız dilinin tədqiqi üzrə sertifikat alan Mariyaya üç il sonra Kilsə və Dövlət Təhsili Nazirlikləri tərəfindən fransız dilinin tədrisi üzrə lisenziya təqdim edilmişdir.[2]
Fəaliyyəti
redaktəMariya gənc yaşlarından Yunanıstanın qadın hərəkatında fəal iştirak edib. 1920-ci ildə Avra Teodoropulunun təşəbbüsü ilə Roza İmvrioti, Mariya Neqreponte və digər feministlərlə birlikdə qurulan Yunanıstan Qadın Hüquqları Liqasının təsisçilərindən biri olub.[3][4] O, 1923-cü ildə hüquq üzrə professor Aleksandros Svolosla evlənib. Qadın Hüquqları Liqasının katibi kimi Mariya işləyən və fahişəliyə qarşı mübarizə aparan qadınlar üçün axşam məktəblərinin yaradılmasının tərəfdarı idi. O, Yunanıstan qadınları üçün bərabərlik tələb edən kampaniya aparırdı. O, İqtisadiyyat Nazirliyinin əmək müfəttişi olarkən həmin vəzifəsindən istifadə edərək hökumətin diqqətini işləyən yoxsul qadınların iş və mənzil şəraitinin pis olmasına yönəldirdi.[5]
Mariya 1911–1936-cı illərdə liberal siyasətlə məşğul olub və sülh hərəkatını dəstəkləyib. O, "Qadın mübarizəsi" jurnalının redaktoru olub və 1936–1940-cı illərdə diktator Yoannis Metaksas tərəfindən əri ilə birlikdə Yunanıstandan sürgün edilib. Svolu liberal feminist hərəkatın lideri idi və gender bərabərliyinin yalnız fundamental sosial dəyişikliklərdən sonra əldə oluna biləcəyinə inanırdı.[6] O, 1940-cı ildə Yunanıstana qayıtdı və İtaliya-Yunan müharibəsində tibb bacısı kimi könüllü olaraq iştirak etdi. Daha sonra Yunanıstan Almaniya tərəfindən işğal edildiyi dövrdə Qırmızı Xaçla birlikdə uşaqlar üçün yeməklər təşkil etdi. Svolu EAM-ELAS müqavimət hərəkatına qoşuldu və Milli Şuranın üzvü seçildi, həyat yoldaşı isə EAM-ın rəhbərlik etdiyi Milli Azadlıq Siyasi Komitəsinin sədri oldu.
Svolu kommunistlərə rəğbət bəsləyirdi və bu səbəbdən 1948-ci ildə Yunanıstanda vətəndaş müharibəsi zamanı yenidən sürgün edildi. Qayıtdıqdan sonra o, Birləşmiş Demokratik Sol partiyasının üzvü kimi parlamentə namizədliyini irəli sürdü. Mariya Svolu parlamentə iki dəfə seçilib və partiyanın Mərkəzi Komitəsinin üzvü olub.[5]
İstinadlar
redaktə- ↑ 1 2 3 4 5 http://greekarchivesinventory.gak.gr/index.php/s7xr-z855-tehn.
- ↑ Samiou, Dimitra. SVOLOU, Maria (born Desypri) (1892? - 1976) // Biographical Dictionary of Women's Movements and Feminisms in Central, Eastern, and South Eastern Europe: 19th and 20th Centuries (1st). New York: Central European University Press. 2005. 552–557. ISBN 9637326391.
- ↑ Boutzouvi, 2006. səh. 571
- ↑ Χατζηϊωάννου, 2015
- ↑ 1 2 Morris, Paul. Svolou, Maria (d. 1976) // Commire, Anne (redaktor). Women in World History: A Biographical Encyclopedia. Waterford, Connecticut: Yorkin Publications. 2002. ISBN 0-7876-4074-3. 2016-02-24 tarixində orijinalından arxivləşdirilib.
- ↑ Daskalova, Krassimira. Balkans // The Oxford Encyclopedia of Women in World History. Oxford: Oxford University Press. 2008. 188–189. ISBN 978-0-19-514890-9.
Ədəbiyyat siyahısı
redaktə- Boutzouvi, Aleka. Theodoropoulou, Avra (born Drakopoulou) (188–1963) // de Haan, Francisca; Daskalova, Krasimira; Loutfi, Anna (redaktorlar ). Biographical Dictionary of Women's Movements and Feminisms in Central, Eastern, and South Eastern Europe: 19th and 20th Centuries. Budapest, Hungary: Central European University Press. 2006. 569–574. ISBN 978-963-7326-39-4 – Project MUSE vasitəsilə.
- Χατζηϊωάννου, Ευθύμιος. "Γυναικείο κίνημα" [Women's movement] (Greek). Berlin, Germany: Elliniki Gnomi. 8 March 2015. 23 March 2016 tarixində arxivləşdirilib. İstifadə tarixi: 23 March 2016.