Maruqame (şəhər)

Maruqame
Maruqame
	yap.
Bayraq	Gerb
	34°17′22″ şm. e. 133°47′52″ ş. u.HGYO
Ölkə	Yaponiya
Region	[[Şikoku regionu]]
Prefektura	[[Kaqava prefekturası]]
Mer	Tetsudzi Arai
Tarixi və coğrafiyası
Əsası qoyulub	aprel 1899
Sahəsi	111,79 km²
Saat qurşağı	UTC+9
Əhalisi
Əhalisi	110.466 nəfər (2014)
Sıxlığı	988,16 nəf./km²
Milli tərkibi	yaponlar
Rəsmi dili	yapon dili
Rəqəmsal identifikatorlar
Poçt indeksi	〒763-8501
Digər
	city.marugame.lg.jp (yap.)
	Xəritəni göstər/gizlə Maruqame
	Vikianbarda əlaqəli mediafayllar

Meruqame (丸亀市, Marugame-shi^?) — Yaponiyanın Kaqava prefekturasında yerləşən şəhər.

2014-cü ilin məlumatına görə şəhərin əhalisi 110.466 nəfərdir, hər km² ərazidə 988,16 nəfər yaşayır. Şəhərin sahəsi 111,79 km²-dir. Maruqame şəhəri allüvial düzənliyin mərkəzində yerləşir.

Tarix

Maruqame qalası.

Maruqame şəhəri Meydzi dövründə — 1899-cu ilin aprelində yaradılmışdır. Maruqame Yaponiyada şəhər kodu verilmiş 53-cü şəhər idi. 1940-cı illərdən 1950-ci illərə qədər (Söva dövrü) şəhərin şərqində yerləşən ərazi və bir neçə ada şəhərə birləşdirilmişdir. 1999-cu ildə (Heysey dövrünün 11-ci illiyi) Maruqame şəhəri 100 illik yubileyini qeyd etmişdir.

22 mart 2005-ci ildə Ayauta və Hanzan şəhərləri (keçmiş Ayauta rayonun tərkib hissəsi idilər) Maruqame şəhərinə birləşdirilmiş və müasir Maruqame şəhəri yaradılmışdır.

Keçmiş Ayauta şəhəri 1959-cu ildə (Söva dövrü) Kumatama və Okada qəsəbələrinin birləşdirilməsi ilə yaradılmışdır. Kumatama qəsəbəsi isə 1951-ci ildə Kurikuma və Tomikuma qəsəbələrinin birləşdirilməsi nəticəsində yaranmışdır.
Keçmiş Hanzan şəhəri 1956-cı ildə (Söva dövrü) Sakamoto və Hakundzi qəsəbələrinin birləşdirilməsi ilə yaradılmışdır.

Coğrafiya

Şəhər Yaponiyanın Şikoku adasında, Şikoku regionunun Kaqava prefekturasında yerləşir.

Əhali

2014-cü ilin avqustuna məlumatına görə şəhərin əhalisi 110.466 nəfərdir, hər km² ərazidə 988,16 nəfər yaşayır. Əhalisinin 1980-2005-ci illər arasında dəyişməsi:^[1]

1980	94.849 nəfər.
1985	99.628 nəfər.
1990	101.253 nəfər.
1995	106.107 nəfər.
2000	108.356 nəfər.
2005	110.085 nəfər.

Görməli yerləri

"Reoma World".

Maruqame şəhəri Maruqame qalası ilə tanınır. Bu qala Yaponiyada orijinal taxta tenşusuna sahib 12 qaladan biridir. Qala insanlar tərəfindən hazırlanmış 50 metr hündürlüyündəki təpədə yerləşir.

Maruqame istehsal etdiyi yelpiklər (uçiva) ilə məşhurlaşmışdır. Yaponiyada istehsal olunan yelpiklərin təxminən 90 %-i Maruqame şəhərinin payına düşür.

Maruqame şəhərinin digər görməli yerlərinə aiddir:

İyno dağı (Sanuki-Fudzi)^[2]
Zentsu-dzi məbədi
Kotohira məbədi
Kotohira Kabuki Teatrı
Böyük Seto körpüsü

1947-ci ildən şəhər illik yol qaçışı müsabiqəsi olan Maruqame yarımarafonuna ev sahibliyi edir. Hər ili fevralın əvvəllərində keçirilən müsabiqəyə minlərlə iştirakçı qatılır.^[3]Asiya qitəsi üzrə yarımarafon rekordu 2006-cı ildə Kayoko Fukuşi tərəfindən bu müsabiqədə qeydə alınmışdır.^[4]

Reoma World

Maruqame limanı.

Şikoku regionunda əyləncə mərkəzi kimi tanınmış "Reoma World" 20 aprel 1991-ci ildə məhz bu şəhərdə açılmış, amma maliyyə problemlərinə görə 2000-ci ilin avqustunda bağlanmışdır.

2004-cü ildə yeni maddi yardım ilə "Reomo World" yenidən açılmışdır. Əyləncə mərkəzində çoxlu sayda attrkasion, iki restoran, kurort və tema parkı yerləşir. 2009-cu ildə buranı 660.000 nəfər ziyarət etmişdir. Halbuki, 2004-cü ildə bu rəqəm 1,6 milyon idi. Bunun səbəbinin əlverişsiz ictimai nəqliyyatın olması hesab olunur.

MIMOCA

Maruqame şəhərində Maruqame Geniçiro-İnokuma Müasir İncəsənət Muzeyi yerləşir. Muzey dəmiryolu stansiyasının şərqində yerləşir. Burada əsəsən Geniçiro İnokumanın əsərləri sərgilənir, amma bəzən böyük sərgilərə də ev sahibliyi edir.

İqtisadiyyat

Satsuki azaliyası.

Maruqame şəhərinin istehsal etdiyi əsas məhsullara kimyəvi məmulatlar, yelpiklər, parça, düyü, duz və arpadır. 1980-ci illərin əvvəllərində şəhərin iqtisadiyyatını inkişaf etdirmək üçün böyük sahilyanı duz sahələri dənizdən təmizlənmişdir. Şəhər ibadətçilər üçün əhəmiyyətli limanıdır. Osaka və Kyoto bölgələrində gələn ibadətçilər Kotohiradakı Kompina məbədinə ibadət etməyə gəlirlər.

Simvolika

Şəhərin simvolik ağacı Myrica Rubra, simvolik gülü Satsuki azaliyası hesab olunur.

Qardaş şəhərlər

San-Sebastyan

Qalereya

Aono dağı
Siyasi xəritədə
Gecə
Maruqame Geniçiro-İnokuma Müasir İncəsənət Muzeyi
Böyük Seto körpüsü
Kotohiro məbədi.
Zentsu-dzi

İstinadlar

↑ Əhalinin sayı buradakı mənbəyə əsaslanır: 1980, 1985, 1990, 1995, 2000 və 2005 illəri üçün.
↑ "Marugame" (ingilis). 2017-07-22 tarixində arxivləşdirilib. İstifadə tarixi: 2015-12-27.
↑ Ota, Shigenobu (2009–02-02). Marugame Half Marathon Arxivləşdirilib 2017-12-13 at the Wayback Machine. ARRS. Retrieved on 2010–02-07.
↑ Nakamura, Ken (2006–02-05). Fukushi sets Asian Half-Marathon record in Marugame Arxivləşdirilib 2012-10-24 at the Wayback Machine. IAAF. Retrieved on 2010–02-07.

Xarici keçidlər

city.marugame.lg.jp — Rəsmi saytı (yap.)

[1] Əhalinin sayı buradakı mənbəyə əsaslanır: 1980, 1985, 1990, 1995, 2000 və 2005 illəri üçün.

[2] "Marugame" (ingilis). 2017-07-22 tarixində arxivləşdirilib. İstifadə tarixi: 2015-12-27.

[ARRS-3] Ota, Shigenobu (2009–02-02). Marugame Half Marathon Arxivləşdirilib 2017-12-13 at the Wayback Machine. ARRS. Retrieved on 2010–02-07.

[4] Nakamura, Ken (2006–02-05). Fukushi sets Asian Half-Marathon record in Marugame Arxivləşdirilib 2012-10-24 at the Wayback Machine. IAAF. Retrieved on 2010–02-07.

[1]

[2]

[3]

[4]