Mişa Titiyev
Mişa Titiyev (ing. Mischa Titiev; 1901[1], Kremençuk, Poltava quberniyası[d][1] – 1978[1]) – rus əsilli ABŞ antropoloqu.[2] Kremençuq şəhərində doğulmuş, 1907-ci ildə ailəsi ilə birlikdə ABŞ-nin Boston şəhərinə köçmüşdür.[2]
| Mişa Titiyev | |
|---|---|
| Doğum tarixi | 1901[1] |
| Doğum yeri |
|
| Vəfat tarixi | 1978[1] |
| Fəaliyyəti | antropoloq, universitet müəllimi[d] |
Karyerası
redaktəTitiyev Harvard Universitetində təhsili alaraq 1923-cü ildə bakalavr dərəcəsi, 1924-cü ildə ingilis ədəbiyyatı üzrə magistr dərəcəsi, 1935-ci ildə antropologiya üzrə fəlsəfə doktoru dərəcəsi almışdır.[2] O, 1935-36-cı illərdə ABŞ Milli Park Xidməti üçün köməkçi muzey kuratoru və gənc arxeoloq olaraq işləmişdir.[2] 1936-cı ildə Miçiqan Universitetində işləməyə başlamış, 1951-ci ildə universitetin professoru olmuşdur.[2]
İkinci dünya müharibəsi zamanı Strateji Servis Ofisi üçün işləmişdir.[2] 1954-cü ildə Fulbrayt təqaüdü əsasında Avstraliya Milli Universitetinin professoru olmuşdur.[2] Təhsil sahəsindən təqaüdə çıxdıqdan sonra Miçiqan Universitetinin emerit professoru adına layiq görülmüşdür.[2]
Araşdırmaları
redaktəTitiyevin əsas akademik maraqları hopilərin etnologiyası, Yaponiya və Peruda yaşayan yaponların sosial təşkilatlanması, Çilidə yaşayan araukanların etnologiyası olmuşdur.[2] O, Arizona ştatında hopilər, Çilidə araukanlar, Peruda yaponlar və Yaponiyanın Okayama bölgəsində yerlilər arasında sahə araşdırması aparmışdır.[2] Şərqi Asiya antropologiyası haqqında araşdırmalar aparmış, Miçiqan Universitetində Yaponşünaslıq mərkəzi qurmuşdur.[2] Titiyev hopilər arasında böyük hörmətə sahib şəxs olmuşdur.[2] Hopilər onu Üçüncü Mesa və Günəş klanı qəbilələrinə qəbul etmişdirlər.[2]
Titiyevin əsas əsərlərinə "Qədim Oraibi" (1944), "Araukan mədəniyyəti keçid mərhələsində" (1951), "İnsan elmi" (1954), "Mədəni antropologiyaya giriş" (1959) aiddir.[2] 1976-cı ildə Miçiqan Universitetinin Ədəbiyyat, Elm və İncəsənət Kolleci tərəfindən Mişa Titiyev kitabxanasının əsası qoyulmuşdur.[2] Bu kitabxana antropologiya sahəsinə aid böyük kolleksiyaya ev sahibliyi edir.[2]
İstinadlar
redaktəƏdəbiyyat
redaktə- Encyclopaedia Judaica (ingiliscə). XIX cild (2-ci nəşr). ABŞ: Gale. 2007. 740. ISBN 978-0-02-865947-3. İstifadə tarixi: 3 avqust 2022.