Mirzə Cabbar Təzkirəçi

Hacı Mirzə Cabbar Səfərəli oğlu Təzkirəçi (fars. میرزا جبار تذکرهچی‎) — İranın ilk jurnalistlərindən biri, diplomat.

Mirzə Cabbar Təzkirəçi
Hacı Mirzə Cabbar Səfərəli oğlu Xoyi
Digər adları	fars. میرزا جبار تذکرهچی‎
Doğum tarixi	1826
Doğum yeri	Xoy, Cənubi Azərbaycan
Uşaqları	Cavad xan, Murtuza xan
Milliyyəti	jurnalist, diplomat
Fəaliyyəti	diplomat

Həyatı

Hacı Mirzə Cabbar Səfərəli oğlu Təzkirəçi 1826-cı ildə Cənubi Azərbaycanın Xoy şəhərində anadan olmuşdu. İbtidai təhsilini atasından almışdı. Sonra mədrəsədə oxumuşdu. Mirzə Tağı xan Əmir Kəbirin yanında işə düzəlmişdi. Təzkirəçi kimi tanınmışdı.

Tehranda ilk mətbələrdən birini Mirzə Cabbar Təzkirəçi açmışdı. Dövrünün savadlı ziyalısı kimi tanınan bu şəxs bir neçə xarici dil bilirdi.

Mirzə Cabbar Təzkirəçi xarici ölkələrdə diplomat kimi çalışmışdı. İranda ilk rəsmi mətbu orqan olan "Ruznameyi-vəqayeyi-ittifaqiyə"nin redaktoru olmuşdu. Rəsmi nəşrlər üçün Avropa qəzetlərindən tərəqqi ilə bağlı yazıları tərcümə etmişdi. O, «Bütün İranda ilk publisist və nəşriyyatçılardan olmuşdu».

Ailəsi

Mirzə Cabbarın Cavad xan, Murtuza xan adlı oğlanları vardı.

Mənbə

• Ənvər Çingizoğlu, Qacarlar dövrünün diplomatları, Bakı, "Mütərcim", 2012. 334 səh.

Həmçinin bax

• Mirzə Cavad xan Sədəddövlə

Xarici keçidlər

• Mirzə Cabbar Nazimülmühüm  (fars.)