Mirzə Mehdi Naci

Mirzə Mehdi Naci (1805, Yelizavetpol – 1882, Yelizavetpol) — XIX əsrdə Gəncədə yaşayıb-yaratmış tanınmış təbib, şair, nəqqaş-xəttat.

Mirzə Mehdi Naci
Təxəllüsü	Təbib
Doğum tarixi	1805
Doğum yeri	Yelizavetpol, Rusiya imperiyası
Vəfat tarixi	1882
Vəfat yeri	Yelizavetpol, Yelizavetpol quberniyası, Rusiya imperiyası
Fəaliyyəti	şair, xəttat
Üzvlüyü	Divani-hikmət
Mirzə Mehdi Naci Vikimənbədə

Həyatı

O, 1805-ci ildə Gəncədə doğulmuşdur. "Divani-hikmət"in fəalüzvlərindən olan Naci dövrünün tanınmış şairi, xalq təbabətini gözəl bilən həkimi həm də mahir həkkak-xəttatı olmuşdur. Onun hazırladığı gözəl ornamentli qəbir daşları indi də Gəncə qəbiristanlığında qalmaqdadır. Naci Qarabağ, Şəki, Qazax, Şamaxı şairləri ilə yaxından əlaqə saxlamış, tez-tez onlarla məktublaşmışdır. O, 1882-ci ildə Gəncədə vəfat etmiş, şəhərin İmamzadə türbəsində, hələ sağlığında özü üçün hazırladığı məqbərədə dəfn edilmişdir. İmamzadə kompleksində onun sağlığında özü üçün düzəltdiyi və başqalarına yazdığı başdaşılara rast gəlmək mümkündür.