Mirzəhəsən Əlizadə

Mirzəhəsən Əlizadə
Mirzəhəsən Əlizadə
	Mirzəhəsən Şahin oğlu Əlizadə
Şəxsi məlumatlar
Ləqəbi	Bilo
Doğum tarixi	11 dekabr 1992
Doğum yeri	Səncərədi, Astara rayonu, Azərbaycan;
Vəfat tarixi	25 oktyabr 2020 (27 yaşında)
Vəfat yeri	Kürdlər, Füzuli rayonu, Azərbaycan;
Dəfn yeri	Səncərədi;
Vətəndaşlığı	Azərbaycan;
Hərbi fəaliyyəti
Mənsubiyyəti	Azərbaycan Ordusu
Qoşun növü	Quru Qoşunları
Xidmət illəri	2017–2020
Rütbəsi	Çavuş
Döyüşlər	İkinci Qarabağ müharibəsi ; • Cəbrayılın azad edilməsi ; • Füzulinin azad edilməsi ; • Qubadlının azad edilməsi • Zəngilanın azad edilməsi
Təltifləri

Mirzəhəsən Əlizadə (11 dekabr 1992, Səncərədi, Astara rayonu – 25 oktyabr 2020, Kürdlər, Füzuli rayonu) — Azərbaycan Silahlı Qüvvələrinin çavuşu, İkinci Qarabağ müharibəsi şəhidi.^[1]

Həyatı redaktə

11 dekabr 1992-ci il Astara rayonunun Səncərədi kəndində anadan olub. Orta məktəbi bitirdikdən sonra Astara Pedaqoji Kollecində "Fiziki tərbiyə və idman müəllimi" ixtisası üzrə təhslini davam etdirib. 2009-cu ildə həqiqi hərbi xidmətə çağırılıb. 2017-ci ildə ordu sıralarına qayıdıb və 3 il ərzində xidmətini davam etdirib. Müddətdən artıq hərbi xidmət qulluqçusu olub.

Hərbi xidməti redaktə

Azərbaycan Ordusunun çavuşu olan Mirzəhəsən Əlizadə 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan İkinci Qarabağ müharibəsi zamanı Füzuli, Cəbrayıl, Qubadlı, Zəngilanın işğaldan azad edilməsi uğrunda döyüşüb. Döyüş yoldaşları ona "Bilo" ləqəbi adını qoymuşdular. Zəngilan uğrunda gedən döyüşlərdə ayağından yaralanıb. Lakin bu vəziyyətdə yenə döyüşə atılıb. Döyüş yoldaşları "bu vəziyyətdə döyüşmək olmaz" desələr də düşmənə qarşı intiqam hissi ilə yanan Mirzəhəsən döyüşə davam edib. Sonuncu döyüşdüyü yerdə oktyabrın 25-də Füzulinin Kürdlər kəndində itkin düşür. Onun ailəsi 50 gün ondan xəbər olmur. Nəhayət dekabrın 13-ü onun şəhid olduğu bildirilir. Onun nəşi dekabrın 14-də doğulub boya başa çatdığı Səncərədi kəndində torpağa tapşırılıb.

Azərbaycan Respublikasının Prezidenti İlham Əliyevin Sərəncamına əsasən çavuş Əlizadə Mirzəhəsən Şahin oğlu ölümündən sonra "Vətən uğrunda" medalı, "Cəsur döyüşçü" medalı, "Döyüşdə fərqlənməyə görə" medalı, "Cəbrayılın azad olunmasına görə" medalı, "Füzulinin azad olunmasına görə" medalı, "Qubadlının azad olunmasına görə" medalı, "Zəngilanın azad olunmasına görə" medalı ilə təltif edilib.