Abbasov Mirzəli Hacabbas oğlu (1874, Rusiya imperiyası – 3 noyabr 1943, Tiflis, Gürcüstan Sovet Sosialist Respublikası, Sovet İttifaqı) — aktyor, rejissor, dramaturq, Gürcüstan SSR əməkdar artisti (1924).[1][2]
| Mirzəli Abbasov | |
|---|---|
| Doğum tarixi | 1874 |
| Doğum yeri | |
| Vəfat tarixi | 3 noyabr 1943 |
| Vəfat yeri | |
| Dəfn yeri | |
| Fəaliyyəti | aktyor |
Həyatı
redaktəMirzəli Abbasob 1874-cü ildə Tiflis şəhərində azərbaycanlı ailəsində dünyaya gəlmişdir. 1924-cü ildə Gürcüstan Sovet Sosialist Respublikasının əməkdar artisti adını alan Mirzəli Abbasov elə doğulduğu Tiflis şəhərində 1943-cü ildə vəfat etmişdir. Vəfatından sonra Tiflisdəki müsəlman qəbiristanlığında dəfn edilmişdir.
Yaradıcılığı
redaktəAbbasov Mirzəli (Əlibala) Hacabbas oğlu 1898-ci ildən səhnə fəaliyyətinə başlamışdı. İlk oynadığı rol Mirzə Fətəli Axundovun "Sərgüzəşti-vəziri-xani-Lənkəran" əsərindəki Fərraş obrazı olmuşdur. Tiflis Azərbaycan teatrının təşkilatçılarından olmuş, onun səhnəsində Üzeyir Hacıbəyovun "Arşın mal alan" və "O olmasın, bu olsun" musiqili komediyalarını, "Ölülər" tragikomediyasını tamaşaya qoymuşdur.[3] Azərbaycanlı dram qruplarının aktiv üzvü kimi Tiflisdə, Təbrizdə və bir sıra digər şəhərlərdə səfərlərdə olmuşdur. 1916-cı ildən etibarən Tiflisdəki Azərbaycan türklərinin əsas teatr təşkilatçılarından biri olmuşdur. Yaradıcılığı boyunca daha çox Hüseyn Ərəblinski kimi faicəvi taleyə sahib obrazları canlandıran Mirzəli Abbasovun əsas rolları sırasına Əbdülrəhim bəy Haqverdiyevin "Ağa Məhəmməd şah Qacar" tarixi faciəsində Qacar obrazı, Vilyam Şekspirin "Otello" faciəsində Otello obrazı, Fridrix Şillerin "Oğrular" dramında Franz obrazları daxildir. O, eyni zamanda bir sıra pyeslərin müəllifidir.[1][2][4]
İstinadlar
redaktə- ↑ 1 2 Abbasov Mirzəli (Əlibala) Hacabbas oğlu // Cəlil Məmmədquluzadə Ensiklopediyası. Bakı: Şərq-Qərb. 2008. 40–42.
- ↑ 1 2 Аббасов, Мирза Али // Театральная энциклопедия (rus). I. Москва: Советская энциклопедия. 1965. 329–330.
- ↑ "Abbasov Mirzəli Hacabbas oğlu". 2016-03-06 tarixində arxivləşdirilib. İstifadə tarixi: 2013-09-19.
- ↑ "Abbasov Mirzәli Hacabbas oğlu". uzeyirbook.musigi-dunya.az. 2016. 6 Mar 2016 tarixində arxivləşdirilib. İstifadə tarixi: 30 October 2022.
Mənbə
redaktə- Cəlil Məmmədquluzadə Ensiklopediyası. Bakı, 2008. səh. 40.