Mixail Kavelaşvili
Mikheil Kavelaşvili (gürc. მიხეილ ყაველაშვილი; 22 iyul 1971[1][2][…], Bolnisi[3]) – Gürcüstan siyasətçisi və keçmiş peşəkar futbolçu. O, Gürcüstan milli futbol komandasının keçmiş hücumçusu və 2016-cı ildən etibarən Gürcüstan parlamentinin üzvüdür. O, 2024-cü il prezident seçkiləri nəticəsində Gürcüstan Respublikasının 6-cı Prezidenti seçilib.
| Mixail Kavelaşvili | |
|---|---|
| gürc. მიხეილ ყაველაშვილი | |
 | |
Gürcüstan Parlamentinin deputatı[d] | |
| 11 dekabr 2020 – 25 noyabr 2024 | |
Gürcüstan Parlamentinin deputatı[d] | |
| 18 noyabr 2016 – 11 dekabr 2020 | |
Gürcüstan Parlamentinin deputatı[d] | |
| 25 noyabr 2024 – 10 dekabr 2024 | |
Gürcüstan Prezidenti[d] | |
Vəzifədədir | |
| 29 dekabr 2024-cü ildən | |
| Əvvəlki | Salome Zurabişvili |
| Şəxsi məlumatlar | |
| Doğum tarixi | 22 iyul 1971[1][2][…] (53 yaş) |
| Doğum yeri | |
| Partiya | |
| Fəaliyyəti | futbolçu, siyasətçi |
| Elmi fəaliyyəti | |
| Elm sahəsi | siyasətçi |
 Vikianbarda əlaqəli mediafayllar | |
Erkən Həyatı və Təhsili
redaktəMikheil Kavelaşvili 22 iyul 1971-ci ildə Gürcüstan SSR-in Bolnisi şəhərində anadan olub.1990-cı ildən etibarən uğurlu futbol karyerasına başlamışdır. Futbol karyerasına Dinamo Tbilisi klubunun gənclər sistemində başlayıb. Futbolçu karyerasını 2006-cı ildə başa vurub və idman sahəsində qazandığı uğurlarla yadda qalıb. Kavelaşvilinin ali təhsili yoxdur. Bu, onun 2015-ci ildə Gürcüstan Futbol Federasiyasının rəhbərliyinə namizədliyini irəli sürməsinə mane olub. Lakin bu fakt onun digər sahələrdə uğur qazanmasına əngəl olmayıb.
Futbol Karyerası
redaktəKlub Karyerası
redaktəKavelaşvili peşəkar futbolçu kimi hücumçu mövqeyində çıxış edib. O, karyerası ərzində aşağıdakı klublarda oynayıb:
- Dinamo Tbilisi (1988–1995): 132 oyun, 80 qol.
- Spartak Vladikavkaz (1994–1995, 2004): 31 oyun, 12 qol.
- Manchester City (1995–1997): 28 oyun, 3 qol.
- Grasshoppers (1997–1999): 59 oyun, 20 qol.
- Zürich (1999–2002): 81 oyun, 28 qol.
- Luzern (2002–2003): 25 oyun, 5 qol.
- Sion (2003–2004): 10 oyun, 6 qol.
- Aarau (2004–2005): 16 oyun, 8 qol.
- Basel (2005–2006): 14 oyun, 4 qol.
Milli Karyera
redaktəGürcüstan milli futbol komandasında 1991–2002-ci illər arasında 46 oyuna çıxaraq 9 qol vurmuşdur.
Siyasi Karyerası
redaktə2016-cı ildə Kavelaşvili Gürcü Arzusu partiyasının üzvü kimi Gürcüstan Parlamentinə deputat seçilib. 2022-ci ildə partiyadan ayrılaraq Xalqın Gücü adlı siyasi təşkilatın həmtəsisçisi olub. 2024-cü ilin noyabrında hakim "Gürcü Arzusu" partiyası onu prezidentliyə namizəd irəli sürüb. 14 dekabr 2024-cü ildə keçirilən seçkilərdə qalib gələrək Gürcüstan Prezidenti seçilib. Andiçmə mərasimi 29 dekabr 2024-cü ildə baş tutacaq.
Şəxsi Həyatı
redaktəMikheil Kavelaşvili Tamara Baqrationi ilə evlidir. Cütlüyün dörd övladı var: Mariam (d. 1996), Gurami (d. 2001), Elizabet (d. 2013) və Tamaranın əvvəlki evliliyindən olan oğlu Georgi.
İstinadlar
redaktə- ↑ 1 2 Mikhail Kavelashvili // Transfermarkt (çd.). 2000.
- ↑ 1 2 Mikheil Kavelashvili // FBref (çd.).
- ↑ 1 2 საქართველოს ბიოგრაფიული ლექსიკონი (gürc.). 2001.