Mixail Kozlovski

Mixail İvanoviç Kozlovski (rus. Михаи́л Ива́нович Козло́вский; 26 oktyabr (6 noyabr) 1753, Sankt-Peterburq – 18 (30) sentyabr 1802, Sankt-Peterburq) — rus heykəltaraş, İmperator Rəssamlıq Akademiyasının akademiki.

Mixail Kozlovski
Doğum tarixi	26 oktyabr (6 noyabr) 1753
Doğum yeri	Sankt-Peterburq, Rusiya imperiyası
Vəfat tarixi	18 (30) sentyabr 1802 (49 yaşında)
Vəfat yeri	Sankt-Peterburq, Rusiya imperiyası
Dəfn yeri	Smolensk qəbiristanlığı[d]
Fəaliyyəti	heykəltaraş
Təhsili	İmperator Rəssamlıq Akademiyası[d] (1764–1773)
Janr	heykəltaraşlıq
Mükafatları
Vikianbarda əlaqəli mediafayllar

Həyatı

Aleksandr Nevski lavrasının Lazarevskoye qəbirstanlığıda qəbri

1753-cü ildə donanma trubaçalanın ailəsində anadan olmuşdur. Sank-Peterburq Rəssamlıq Akademiyasında təhsil almışdır, burada onun ən yaxın tərbiyəçi müəllimləri N. F. Jille və A. Losenko oldular. Rəssamlıq Akademiyasından müxtəlif mükafatlar almışdır: böyük gümüş (1771), kiçik qızıl (1772), böyük gümüş və böyük qızıl (1773). Universiteti 1-ci dərəcəli attestatla heykəltaraşlıq rəssamı dərəcsini aldı.

Kursun sonunda (1773), akademiyanın pensiyaçısı olaraq Romaya (1774—1779) və Parisə (1779—1780) göndərildi. 1782-ci ildə Rusiyaya qayıdaraq, xaricdə düzəltdiyi "Yupiter Qanimed ilə" adlı heykəltaraşlıq qrupuna görə "təyin olunmuş akademik" nüfuzunu aldı. 1788 — 1797-ci illərdə yenidən Parisdə oldu, burada ona Rəssamlıq Akademiyası tərəfindən göndərilən təqaüdçülərə nəzarət etmək tapşırıldı. 1794-cü ildə əvvəlki əsərləri ilə istedadı və biliyini sübut etmiş bir sənətkar kimi akademik dərəcəsinə qaldırıldı, bundan sonra isə professor dərəcəsinə yüksəldi. 1794-cü ildən ömrünün sonuna qədər akademiyada heykəltaraşlıqdan dərs demişdir. 1802-ci ildə vəfat etdi.

Kozlovski tələbələri arasında ən məşhurları Stepan Pimenov və Vasili Demut-Malinovskidir.

Heykəltaraş ilk öncə Smolensk Pravoslav qəbirstanlığında dəfn olundu. 1931-ci ildə qəbri Aleksandr Nevski lavrasının Lazarevskoye qəbirstanlığına köçürüldü.

• 
  Peterhof parkının mərkəzi çeşməsində Samsonun heykəli
• 
  Sankt-Peterburqdakı Suvorovskaya meydanında sərkərdə Suvorovun heykəli
• 
  "Amur" 1797, ГТГ
• 
  "Çar fərmanını cıran Yakov Dolqoruki". 1796. DTQ
• 
  Ayaks Patroklun cəsədini qoruyur. Rus Muzeyinin kolleksiyasından
• 
  Polikrat. Rus Muzeyinin kolleksiyasından

Əsərləri

• Sankt-Peterburqdakı Suvorovskaya meydanında sərkərdə Aleksandr Suvorov monumenti (1799—1801, bürünc);
• Əsas Peterhof fontanının bəzəyi olan "Şiri məğlub edən Samson" adlı heykəl (1800—1802, zərlənmiş tunc; 1947-ci ildə Böyük Vətən Müharibəsi zamanı oğurlanmışdır, 1947-ci ildə heykəltaraş V. L. Simonov tərəfindən yenidən qurulmuşdur);
• "Oturmuş qız" və "Oxluğundan ox çıxardan Amur" mərmər heykəllə (Ermtiaj);
• Vəliəhd Konstantin Pavloviçin nikahlanma münasibətilə düzəldilən "Gimeney" mərmər heykəli;
• "Requlun Karfagenə qayıdışı" və "Romanı qallardan qurtaran Kamill" barelyefləri (1787, Mərmər saray);
• "Makedoniyalı İskəndərin sayıqlığı" mərmər heykəli (1780-ci illər, Rus Muzeyi);
• "Polikrat" gips heykəli (1790, Rus Muzeyi);
• "Yatan Amur" mərmər heykəli (1792, Rus Muzeyi);
• "Çar fərmanını cıran Yakov Dolqoruki" mərmər heykəli (1797, Tretyakov qalereyası);
• "At üzərində Herkules" tunc heykəli (1799, Rus Muzeyi);

Ədəbiyyat

• Петров В. Н. Михаил Иванович Козловский. 1753—1802. Массовая библиотечка по искусству (30000 nüs.). Л.: Художник РСФСР. 1976.
• Петров В. Н. Михаил Иванович Козловский. 1753—1802. Массовая библиотека по искусству (2-е изд 30000 nüs.). Л.: Художник РСФСР. Оформление серии Д. М. Плаксина. 1976.
• С. Н. Кондаков. Юбилейный справочник Императорской Академии художеств. 1764-1914. 2. Спб.: Товарищество Р.Голике и А.Вильборг. 1915. 258.

Xarici keçidlər

• Mixail İvanoviç Kozlovski. Sənətçinin tərcümeyi-halı və işi Artonline.ru saytında
• "Staratel" kitabxanasında Mixail İvanoviç Kozlovski