Mlokoseviç pionu

Mlokoseviç pionu
Mlokoseviç pionu
Elmi təsnifat
	Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Ali bitkilər Klad: Çoxsporlu bitkilər Klad: Borulu bitkilər Klad: Toxumlu bitkilər Klad: Çiçəkli bitkilər Klad: Evdikotlar Klad: Bazal evdikotlar Klad: Superrozidlər Dəstə: Daşdələnçiçəklilər Fəsilə: Pionkimilər Cins: Pion Növ: Paeonia daurica Yarımnöv: Mlokoseviç pionu
Beynəlxalq elmi adı
	Paeonia daurica subsp. mlokosewitschii D.Y.Hong, 2003;

Mlokoseviç pionu (lat. Paeonia daurica subsp. mlokosewitschii) — bitkilər aləminin daşdələnçiçəklilər dəstəsinin pionkimilər fəsiləsinin pion cinsinin paeonia daurica növünə aid bitki yarımnövü. IUCN Qırmızı Siyahısına görə növün kateqoriyası və status "Nəsli kəsilməyə həssas olanlar" kateqoriyasına aiddir — VU D2. Qafqazın endemik növüdür.

Qısa morfoloji təsviri

Çoxillik ot bitkisidir. Gövdəsi 1 m hündürlüyündə, düz, budaqlanandır. Yarpaqlar ikiqat-üçlü, uzun saplaqlı, uzunsov–yumurtavari və ya uzununa ellipsi formalıdır, hər iki kənardan daralmış hissəli, 6-12 sm uzunluğunda, üstdən göyümtüldür. Çiçəkləri solğun–sarı və ya sarıdır. Ləçəkləri 4-6 sm uzunluğunda olur. Yarpaqcıq 2-5 sm uzunluqda, 1-1,5 sm enində, sıx sarımtıl tüklərlə örtülmüş, qövsvari çevrilmişdir. Meyvələri buynuz şəklində qutucuq meyvədir.

Bioloji, ekoloji və fitosenoloji xüsusiyyətləri

Çiçəkləməsi may, meyvə verməsi may-iyun aylarına təsadüf edir. Orta dağ qurşağında meşə talalarında, meşə kənarlarında, kolluqlarda rast gəlinir.

Yayılması

Lənkəranın dağlıq (Lerik rayonu) və Böyük Qafqazın qərb hissələri (Zaqatala rayonu).

Sayı və tendensiyası

Populyasiyanın sayı kəskin azalır, ətraf mühit amillərinə həssaslığı və xüsusi yaşayış mühitinə tələbkarlığı müşahidə olunur.

Məhdudlaşdırıcı amillər

Yaşayı mühitinin deqradasiyası (yayıldığı fitosenozlarda palıd və qaratikanların qırılması).

Mühafizə tədbirləri

Arealların ciddi nəzarətə götürülməsi, mütəmadi monitorinqlərin aparılması. Toxumla çoxalan, xüsusi şəraitdə olduqca tələbkar bitkidir.

Sinonimləri

Homotipik sinonimləri

Paeonia mlokosewitschii Lomakin
Paeonia triternata var. mlokosewitschii (Lomakin) Stebbins

İstinadlar

↑ Hong D., Zhou S. Paeonia (Paeoniaceae) in the Caucasus (ing.). // Botanical Journal of the Linnean Society / M. F. Fay Wiley-Blackwell, Linnean Society of London, OUP, 2003. Vol. 143, Iss. 2. P. 146. ISSN 0024-4074; 1095-8339 doi:10.1046/J.1095-8339.2003.00173.X

Həmçinin bax

[_66ff8b8179e5bd19-1] Hong D., Zhou S. Paeonia (Paeoniaceae) in the Caucasus (ing.). // Botanical Journal of the Linnean Society / M. F. Fay Wiley-Blackwell, Linnean Society of London, OUP, 2003. Vol. 143, Iss. 2. P. 146. ISSN 0024-4074; 1095-8339 doi:10.1046/J.1095-8339.2003.00173.X

[1]