Monreal Müasir İncəsənət Muzeyi

Monreal Müasir İncəsənət Muzeyi (fransız dilində: Musée d'art contemporain de Montréal) — Kanadanın Kvebek vilayətinin ən böyük şəhəri olan Monrealda muzey.

Monreal İncəsənət İncəsənət Muzeyi
Musée d'art contemporain de Montréal
Əsası qoyulub	1964
Açılış tarixi	1964
Mövzu	Müasir incəsənət muzeyi
Ölkə	Kanada
Yerləşir	Kanada, Kvebek vilayətinin Monreal şəhəri
Kolleksiyası	7 000
Ziyarətçi sayı	186 min nəfər
Telefon	+1-514-847-6226
45°30′27″ şm. e. 73°33′58″ q. u.
macm.org
Vikianbarda əlaqəli mediafayllar

Tarixi

1964-cü ildə Kvebek hökuməti tərəfindən əsası qoyulan Monreal Müasir İncəsənət Muzeyi Kanadada müasir incəsənət əsərlərinin nümayişinə əsaslanan ilk muzey olmuşdur. Muzey 1965-ci ildə Fransa ekspressionizminin tanınmış nümayəndəsi, rəssam və qrafik Jorj Ruonun əsərlərindən ibarət sərgi ilə açılmışdır. 1983-cü ildə muzey öz statusunu dəyişərək direktorlar şurası tərəfindən idarə olunan müstəqil korporasiyaya çevrildi. Monreal Müasir İncəsənət Muzeyi müasir binası istifadəyə verilənədək 3 müxtəlif yerdə fəaliyyət göstərmişdir: 1964–1965-ci illərdə Vil-Mari meydanındakı ticarət kompleksində, 1965–1968-ci illərdə Dyufren muzeyində, 1968–1992-ci illərdə Beynəlxalq Ekspo-67 bədii qalareyasında və Site-de-Qavrda.

1992-ci ildə muzey şəhərin mərkəzindəki İncəsənət Sarayına (Place des Arts) köçürülmüşdür. Muzey Kanadada və Kvebekdə təsviri incəsənət, musiqi əsərlərinin, müasir rəqslərin və ekspremental teatrın cəmləşdiyi mədəniyyət kompleksidir.

Kolleksiyası

Muzeyin eksponatları və müvəqqəti sərgilər ümumi sahəsi 2500 kv. metr olan 8 qalereyada yerləşdirilmişdir. Muzeyin kolleksiyasına Kvebekdən olan 1500 müəllifin (onlardan 1 200 nəhəri hazırda yaşayır) 7 000-dən çox əsərləri (Muzeydəki bütün eksponatların 60 faizi), həmçinin Kanadanın digər əyalətlərdən olan və xarici ölkələrdən olan müəlliflərin əsərləri daxildir. Kolleksiyada heykəltaraşlıq, rəsmlər, fotolar, media incəsənət əsərləri də daxildir. Muzeydə Luiza Burjuanın, Viktor Bazarelinin, Ceyms Tarrelin, Alfredo Caarın, Bill Violun və bir çox məşhur müəlliflərin əsərləri də nümayiş olunur.

Muzeyin rəhbərləri

• Robert Qay 1964–1996,
• Jil Eno 1966–1971,
• Anri Barras 1971–1972,
• Fernando Sen-Marten 1972–1977,
• Letoşa 1977–1982
• Andre Menar 1982–1985
• Marsel Brizbua 1985–2004,
• Mark Mayer 2004–2009,
• Monik Qotye (Müvəqqəti içraçı) 2009
• Polett Qanon 2009 -

Xarici keçid

• [1] Monreal Müasir İncəsənət Muzeyinin rəsmi saytı