Monteneqroda futbol
Monteneqroda futbol - əvvəllər Yuqoslaviya və Serbiya futbolunun bir parçası olmuşdur. 21 may 2006-cı ildə müstəqillik haqqında referendumdan və 3 iyunda Monteneqronun müstəqilliyini elan etməsindən sonra özlərinin futbol ittifaqını təşkil edirlər[1][2]. FİFA və UEFA kimi beynəlxalq futbol təşkilatlarına 2007-ci ildə qəbul olunur. Bu səbəbdən futbol yarışmalarında ancaq 2010 FİFA Dünya Kubokunun təsnifat mərhələsi çərçivəsində 2008-ci ildən iştirak edə bilmişdir.
Tarixi redaktə
Monteneqroda ilk futbol komandaları 1919-cu ildə Yuqoslaviya Futbol İttifaqının meydana gəlməsi ilə ortaya çıxır. Monteneqrodan olan futbolçular Yuqoslaviya millisində oynayırdılar. Yuqoslaviya millisi dünya çempionatında iki dəfə yarımfinala (1930 və 1962), iki dəfə isə avropa çempionatının finalına çıxmışdır (1960 və 1968). 1992-ci ildə Yuqoslaviya parçalandıqdan sonra Serbiya və Monteneqro millisində çıxış etməyə başlayırlar. Monteneqrolular Serbiya və Monteneqro millisində sonuncu dəfə 2006-cı ilin martında dünya çempionatının seçmə mərhələsində iştirak edirlər. 2007-ci ildə Monteneqro FIFA və UEFA-nın üzvü olur, klubları və milli komandası bu təşkilatların himayəsi altında yarışlara qatılır.
Daxili yarışlar redaktə
Çempionat redaktə
Monteneqro milli futbol çempionatı — çempionatın əsas yarışması 12 konmandanın iştirakı ilə baş tutur. Birinci yeri tutan komanda UEFA Çempionlar Liqasının təsnifat mərhələsində, ikinci və üçnücü yeri yeri tutan komandalar isə UEFA Avropa Liqasının təsnifat mərhələsində oynamaq hüququ əldə edir. Çempionatda 12-ci yeri tutan komanda 2-ci liqaya düşür. On və on birinci yeri tutan komanda isə İkinci liqanın iki və üçüncü yeri tutan komandaları ilə görüşmək məcburiyyətində qalırlar. Qaliblər birici liqada oynamaq hüququ əldə edirlər.
Monteneqro çempionatının ən məşhur klubu Podqoritsanı təmsil edən Buduçnost FK-dur. Əvvəlllər Yuqoslaviya çempionatında iştirak etmişdir.
Kubok redaktə
kubok yarışları 2006/2007-ci ildə mövsümündən başlayır. Kubokun qalibi Avropa liqasında oynamaq hüququ əldə edir.
Milli redaktə
Monteneqro ilk rəsmi oyununu 24 mart 2007-ci ildə Macarıstan milli futbol komandası ilə keçirmiş və 2:1 hesabı ilə qalib gəlmişdir. Ev oyunlarını Pod Qoritsom stadionuda keçirir. 11 sentyabr 2012-ci ildə San-Marino milli futbol komandasını 6:0 hesabı ilə udaraq ən böyük qalibiyyətini əldə etmişdir. Əvvəllər monteneqrolu futbolçular Yuqoslaviya və Serbiya və Montenqronu təmsil edirdilər.
Tanınmış milli oyunçuları redaktə
Mənbə redaktə
- Monteneqro futbol ittifaqının saytı Arxivləşdirilib 2013-06-02 at the Wayback Machine
İstinadlar redaktə
- ↑ "When Saturday Comes - Montenegro". Wsc.co.uk. 2012-07-09. 2022-03-31 tarixində arxivləşdirilib. İstifadə tarixi: 2015-03-11.
- ↑ "Montenegro's Rapid Ascent Stuns England". The New York Times. 2022-02-22 tarixində arxivləşdirilib. İstifadə tarixi: 2015-03-11.