Motorola

Motorola - kompüterlər və rabitə vasitələri istehsalı sahəsində dünya liderlərindən olmuş şirkət. Mənzil-qərargahı Çikaqo yaxınlığındakı Şaumburq şəhərində (İllinoys ştatı, ABŞ) yerləşirdi. Şirkət 1928-ci ildə qurulmuş və 1930-cu illərdə Motorola ticarət markası qeydiyyatdan keçmişdir. Motorola çağdaş mobil rabitə sistemlərinin əsasını qoyanlardan biridir: dünyada ilk daşınabilir hücrəsəl telefon (CELLULAR PHONE) 1983-cü ilin 6 mart tarixində buraxılmış Motorola DynaTAC 8000X telefonu olmuşdur. Motorola bir sıra mikroprosessorların, o cümlədən Apple Macintosh, PowerPC kompüterlərində istifadə olunmuş 68000 seriyasından olan mikroprosessorların, eləcə də 1970-ci illərdə bəzi mikrokompüterlərdə istifadə olunmuş 6800 mikroprosessorunun istehsalçısıdır. 2011-ci ildə Google şirkəti tərəfindən alınan Motorola, 2014-cü ildə Çinin Lenovo şirkətinə satılıb. Motorola - ABŞ-də 1928-ci ildə qurulan mobil şəbəkə firması. Əlaqə sektorunda olan ayrıca ilk mobil telefonunu Motorola DynaTAC-ı istehsal edir.

Motorola
Ümumi məlumatlar
Sənaye	telekommunikasiya sənayesi[d]
Məhsulu	mobil telefon
Təsis tarixi	25 sentyabr 1928
Bağlanma tarixi	4 yanvar 2011
Struktur
İşçi sayı	53.000 nəf. (2019)
motorola.com
Vikianbarda əlaqəli mediafayllar

Dr. Martin Cooper 1973-cü ildə ilk fərdi əl mobil telefonu. Bu, 2007-ci ildə yenilənmişdir.

Motorola vakuum boru kartonu

25 sentyabr 1928-ci ildə telekommunikasiya avadanlıqlarının istehsalı ilə məşğul olan “Galvin Manufacturing Corporation” şirkətinin əsası qoyulmuşdur. Sonradan bu ad şirkətin yaradıcısı Pol Vinsent Qalvin (Paul Vincent Galvin) tərəfindən dəyişdirilərək “Motorola” ilə əvəz edilmişdir. Bu şirkət əvvəllər avtomobillər üçün radio istehsal edirdi və o vaxtkı audio-qurğu istehsalçılarının adları "ola" ifadəsi ilə bitirdi. Rabitə sektorunda olan Motorola DynaTAC adlı ilk mobil telefonu da bu şirkət istehsal etmişdir.

2011-ci ildə Google tərəfindən alınıb. 29 yanvar 2014-cü ildə Lenovo şirkətinə 2,9 milyard dollara satılıb.

Ədəbiyyat

• İsmayıl Calallı (Sadıqov), “İnformatika terminlərinin izahlı lüğəti”, 2017, “Bakı” nəşriyyatı, 996 s.
• Əliquliyev R.M., Salmanova P.M. İnformasiya cəmiyyəti: maraqlı xronoloji faktlar. Bakı: “İnformasiya Texnologiyaları” nəşriyyatı, 2013, 169 səh.

Xarici keçidlər

• Rəsmi saytı