Murad Çobanoğlu

Murad Çobanoğlu
Murad Çobanoğlu
Doğum tarixi	1940
Doğum yeri	Türkiyə;
Vəfat tarixi	26 mart 2005
Vəfat yeri	Ankara, Ankara ili, Türkiyə;
Uşağı	Ozan Çobanoğlu;
Fəaliyyəti	müğənni-mahnı yazarı

Murad Çobanoğlu (türk. Murat Çobanoğlu; 1940, Türkiyə – 26 mart 2005, Ankara) — qarapapaq mənşəli Türkiyə aşığı.^[1]

Həyat və fəaliyyəti

Murad Çobanoğlu 1940-cı ildə Türkiyədə, Qars vilayətinin Arpaçay rayonunun Qoçköyü kəndində fermer ailəsində anadan olmuşdur. O, qarapapaq əsillidir və əsl soyadı Çobanlardır. Anası Lalə xanım, atası Aşıq Şənliyin şagirdlərindən olan Aşıq Gülüstandır. Atası Arpaçayın Qoçköyü kəndindən idi və 1920-ci ildə Qars şəhərində məskunlaşmışdır. Həyat yoldaşı erkən vəfat etdiyinə görə o, oğlunu özü böyütmüşdür. Atası 1970-ci ildə oğlu Murad Çobanoğlu ilə birlikdə İzmirə köçmüşdür.^[2]

Murad Çobanoğlu 1951-ci ildə yuxusunda badə içdikdən sonra saz çalmağa və şeir oxumağa başlamışdır. O, 1966-cı ildən bəri Konya Aşıqlar Festivalına qatılmışdır. Artvin, Konya, Ərzurum və Mutda keçirilən müsabiqələrdə dərəcə almışdır. O, tez-tez radio və televiziyada müxtəlif mövzularda çıxış etmişdir. Saza hökmranlığı milli hisslərinin gücü və fərqli səsi ilə diqqəti cəlb edirdi. Ölkə daxilində və xaricdə keçirilən bəzi festivallarda iştirak etmişdir. Çobanoğlu illərdir radio proqramları edib. O, xalq ədəbiyyatı, aşıqlıq ənənəsi ilə bağlı müxtəlif seminarlar vermişdir. Şeirləri müxtəlif jurnallarda dərc olunmuşdur. O, Türkiyədən başqa Avropadan İrana qədər bir çox ölkədə konsertlər vermiş, müsabiqələrdə iştirak etmişdir. Türkülərlə nağıl söyləməkdə də uğurlu nümunələr verən Çobanoğlu öz türküləri ilə yanaşı, ustadların yaratdığı türküləri də gənc nəsillərə ötürmüşdür. 1971-ci ildə Qarsda istifadəyə verilən və xüsusilə ustad-şagird münasibətlərindən tutmuş, aşıqlıq ənənəsinin hər sahədə davam etdirilməsi səylərinə töhfə verilsin deyə məktəbə çevrilən Çobanoğlu Xalq Ozanları Qəhvəxanası bölgədə aşıqlar üçün bir mərkəz rolunu daşıyır.^[2]

O, 1965-ci ilə qədər "Dövrani", 1967-ci ilə qədər "Yanani", sonra isə "Çobanoğlu" təxəllüsündən istifadə etmişdir. Onun 1968–1987-ci illərdə buraxılmış iyirmiyə yaxın disk və kasetləri var. Çobanoğlunun 2 qızıl rekordu da mövcuddur. O, Giziroğlu türküsü ilə tanınmışdır. Ömrünün son illərində televiziya proqramlarında qarapapaq ləhcəsi ilə xalq mahnılarını ifa etmişdir. Çobanoğlu haqqında Əli Qafqazlının yazdığı "Aşık Murat Çobanoğlu, Hayatı-Sanatı-Eserleri" (1998) adlı bir kitab var. Çobanoğlu 26 mart 2005-ci ildə Ankarada vəfat etmiş və doğulduğu Qarsda dəfn olunmuşdur. Qars Bələdiyyəsi hər il 6-7 may tarixlərində "Murad Çobanoğlu aşıqlar günü" təşkil edir.^[2]

İstinadlar

↑ Azərbaycan Aşıqlar Birliyi. "Ustad nəfəsli saz-söz ərməğanı" (PDF) (az.). “Zərdabi Nəşr” MMC nəşriyyatı. 2020. Archived from the original on 2023-06-16. İstifadə tarixi: 17 iyun 2023.
↑ ¹ ² ³ "Ali Kafkasyalı'nın Yayımlamış Olduğu Kitapları". 2013-04-30 tarixində arxivləşdirilib. İstifadə tarixi: 2022-04-04.

Əlavə ədəbiyyat

Aşık Murat Çobanoğlu Türküleri
Aşıklar Bayramı Başladı Arxivləşdirilib 2012-06-19 at the Wayback Machine
BBC Türkçe ile 1989'da yapılan röportaj Arxivləşdirilib 2015-02-16 at the Wayback Machine

[1] Azərbaycan Aşıqlar Birliyi. "Ustad nəfəsli saz-söz ərməğanı" (PDF) (az.). “Zərdabi Nəşr” MMC nəşriyyatı. 2020. Archived from the original on 2023-06-16. İstifadə tarixi: 17 iyun 2023.

[Kafkasyalı-2] ¹ ² ³ "Ali Kafkasyalı'nın Yayımlamış Olduğu Kitapları". 2013-04-30 tarixində arxivləşdirilib. İstifadə tarixi: 2022-04-04.

[1]

[2]