Muxtar Hacıyev

Muxtar Hacı oğlu Hacıyev (1876, Qazax21 aprel 1938, Bakı) — Azərbaycan və sovet dövlət xadimi, Azərbaycan SSR Mərkəzi İcraiyyə Komitəsinin sədri.

Muxtar Hacıyev
Muxtar Hacıyev.jpg
bayraqAzərbaycan SSR Mərkəzi İcraiyyə Komitəsinin sədribayraq
19 may 1921 — 6 may 1922
Sələfi vəzifə təsis edilib
Xələfi Səməd ağa Ağamalıoğlu
Şəxsi məlumatlar
Doğum tarixi 1876
Doğum yeri
Vəfat tarixi 21 aprel 1938(1938-04-21)
Vəfat yeri
Partiya

Təltifləri "Qırmızı əmək bayrağı" ordeni (Azərbaycan SSR)

HəyatıRedaktə

Muxtar Hacıyev 1876-cı ildə Qazax qəzasının Fərəhli kəndində doğulmuşdur. 1897-ci ildən Bakıda fəhlə işləmişdir.[1]

Repressiya qurbanı olmuşdur. 1938-ci ildə ölmüşdür.

Siyasi fəaliyyətiRedaktə

Muxtar Hacıyev Hümmət Partiyasının üzvü, 1904-cü ildən etibarən isə Sovet İttifaqı Kommunist Partiyasının üzvü olmuşdur.

Sovet dövrünədəkRedaktə

Muxtar Hacıyev Bakıda fəhləlik etdiyi dövrdə keçirilmiş fəhlələrin nümayiş və tətillərində iştirak etmişdir. O, Neft Sənayesi Fəhlələri İttifaqı və Mədən Zavod Komitəsinin üzvü olmuşdur.[1]

Muxtar Hacıyev 1908-1916-cı ildən Bakının sənaye rayonlarında və Qazax qəzasında sosial-demokrat və bolşevizm təbliğatı aparmışdır. 1917-ci ildə Qazax qəzasında kəndli hərəkatına dəstək vermiş və qəzada Hümmət Partiyasının yerli şöbəsinin yaradıcılarından olmuşdur.[1]

Sovet dövründəRedaktə

Aprel işğalından sonra Muxtar Hacıyev Qazax Qəza İnqilab Komitəsinin sədri olmuşdur. Muztar Hacıyev Birinci Ümumazərbaycan Sovetlər qurultayında Azərbaycan SSR Mərkəzi İcraiyyə Komitəsinin sədri seçilmişdir.[1]

Muxtar Hacıyev müxtəlif dövrlərdə Azərbaycan SSR Ali Torpaq Məhkəməsinin sədri, Azərbaycan SSR xalq ictimai təminat, xalq torpaq komissarı, Azərbaycan SSR Ali Məhkəməsinin sədri, Azərbaycan Qızıl Aypar Cəmiyyətinin sədri olmuşdur.[1]

Muxtar Hacıyev Azərbaycan Kommunist Partiyası Mərkəzi Nəzarət Komitəsinin üzvü , Zaqafqaziya SFSR Mərkəzi İcraiyyə Komitəsinin, Azərbaycan SSR Mərkəzi İcraiyyə Komitəsinin və rəyasət heyətlərinin üzvü olmuşdur.[1]

MükafatlarıRedaktə

Muxtar Hacıyev Azərbaycan SSR-in "Qırmızı əmək bayrağı" ordeni ilə təltif olunmuşdur.

İstinadlarRedaktə

  1. 1 2 3 4 5 6 Һаҹыјев Мухтар Һаҹы оғлу // Азәрбајҹан Совет Енсиклопедијасы: [10 ҹилддә]. X ҹилд: ФростШүштәр. Бакы: Азәрбајҹан Совет Енсиклопедијасынын Баш Редаксијасы. Баш редактор: Ҹ. Б. Гулијев. 1987. С. 153.