Səfərov Natiq Əli oğlu — tərcüməçi, 1988-ci ildən Azərbaycan Yazıçılar Birliyinin üzvü, Azərbaycan Jurnalistlər İttifaqının "Qızıl qələm" mükafatı laureatı (1976).

Natiq Səfərov
Natiq Əli oğlu Səfərov
Doğum tarixi
Doğum yeri Naxçıvan, Naxçıvan MSSR, Azərbaycan SSR, SSRİ
Vəfat tarixi (61 yaşında)
Vəfat yeri Bakı, Azərbaycan
Vətəndaşlığı SSRİ SSRİ
Azərbaycan Azərbaycan
Milliyyəti azərbaycanlı
Təhsili ADU fılologiya fakültəsi
İxtisası filoloq
Fəaliyyəti tərcüməçi
Üzvlüyü AYB
Mükafatları Qızıl Qələm (1976)

Həyatı redaktə

Natiq Səfərov 1943-cü il iyunun 27-də Azərbaycanın Naxçıvan şəhərində ziyalı ailəsində anadan olmuşdur.[1] Burada 4 saylı şəhər orta məktəbində təhsil almışdır (1951-1961). ADU-nun fılologiya fakültəsini bitirmişdir.

Əmək fəaliyyətinə Azərbaycan Dövlət Televiziya və Radio Verilişləri Komitəsində texnik kimi başlamışdır (1966). Sonra orada kiçik redaktor (1968-1971), redaktor (1968-1979), "Azərbaycan" jurnalında ədəbi işçi (1979-1980), böyük redaktor (1980-1984), Azərbaycan Dövlət Televiziya və Radio Verilişləri Komitəsində ştatdankənar müxbir (1984-1985), "Yazıçı" nəşriyyatında bədii tərcümə şöbəsinin böyük redaktoru (1985-1989), Azərbaycan Bədii Tərcümə və Ədəbi Əlaqələr Mərkəzində şöbə müdiri, orada sədr müavini (1989-1991), "Qanun" jurnalının baş redaktoru vəzifələrində işləmişdir (1992-ci ildən).

Dünya ədəbiyyatından müntəzəm tərcümələr etmiş, İlya İlfYevgeni Petrovun "Qızıl dana", Vasili Şukşinin "Qırmızı qalina", Sanbayevin "Ağ arvana", Hrant Matevosyanın "Çəhrayı ilxı", Oljas Süleymanovun "Aziya" əsərlərini, eləcə də Uilyam FolknerQabriel Qarsiya Markesdən tərcümələri rəğbətlə qarşılanmışdır. A.Çxandzenin "Çinari manifesti", J.Z.Anuyun "Medeya", Lev Tolstoyun "Hacı Murad", Redyard Kiplinqin "Öz kefinə gəzən pişik", Vsevolod Vişnevskinin "Nikbin faciə", Aleksandr Vampilovun "Qarğa qarıltısı" pyesləri onun tərcüməsində respublika teatrlarında tamaşaya qoyulmuşdur.

2004-cü il sentyabrın 26-da dünyasını dəyişmişdir.

Tərcümələri redaktə

(ruscadan)

  1. H.Matevosyan. Başlanğıc (povestlər və hekayələr). Bakı: Yazıçı, 1987, 188 səh.
  2. Mahabharata və ya Baharata övladlarının böyük vuruşları haqqında dastan. Bakı: Gənclik, 1988, 165 səh.
  3. Hind mifləri. Bakı: Azərnəşr, 1993, 320 səh.
  4. Oljas Süleymanov. Aziya. Bakı: Azərnəşr, 1993, 250 səh.
  5. V.Tukkunov. Canilər. Bakı: Yazıçı, 1992, 432 səh.
  6. Ç.Abdullayev. Mavi mələklər. Bakı: Yazıçı, 1993
  7. Robert Dahl. Demokratiya haqqında
  8. Lev Tolstoy. Hacı Murad (povest)
  9. İlya İlf və Yevgeni Petrov. Qızıl dana (roman)
  10. Vasili Şukşin. "Vanya, sən hara, bura hara?", "Canavarlar" (hekayələr)
  11. Sətimcan Sanbayev. Ağ arvana (povest)
  12. Aleksandr Çxeidze. Çinari manifesti (pyes)
  13. Artur Opere. "Polkovnik", "Elçilik" (hekayələr)
  14. Jan Anuy. Medeya (pyes)
  15. Vasili Şukşin. Qırmızı kalina (povest)
  16. Tosio Udo. Qırmızı alp bənövşəsi (hekayə)
  17. Andrey Platonov. "Üçüncü oğul", "Dəmir qarı" (hekayələr)
  18. Con Steynbek. Basqın (hekayə)
  19. Uilyam Folkner. "Yanğın", "Qırmızı yarpaqlar" (hekayələr)
  20. Qarsia Markes. "İsabel Makondada yağışa baxır", "Baltasarın həyatında unudulmaz gün", "Dünyanın ən gözəl ölüsü" (hekayələr)

İstinadlar redaktə

  1. "Natiq Səfərov". 2021-11-14 tarixində arxivləşdirilib. İstifadə tarixi: 2021-11-14.

Mənbə redaktə

Natiq Səfərovun bioqrafiyası – www.adam.az Arxivləşdirilib 2011-11-17 at the Wayback Machine